2 Ịsamụwẹrị 2:8 - IWE ỌNỊNỊ

⁸ Â nyị ọnọrụ ọnya aanị ana aā hị́ Abịna ana vi ozi Ineri. Ọnọrụ ọnọọ ọ vị ọga isoja Ịsọọrụ, dị ọ sị ọ vẹ ịzị aā hị́ Imahanayimi nị.

2 Ịsamụwẹrị 2:8 Referans Kwoze

1 Ịsamụwẹrị 14:50

Ịrẹha ose Ịsọọrụ ọ rị Ahinowamị nị. Ahinowamị ọnọọ vị ozi Ahimaazị. Ịrẹha Ọga isoja Ịsọọrụ ọ rị Abịna nị. Abịna ọnị vi ozi Ineri, Ineri ọnọọ vị ọyịnyara ada Ịsọọrụ.

Oyinyima 32:2

Ijekọvụ mè re wa dị ọ ka: Anggẹẹrị Ohomorihi nịnị ẹ ku udi tu ịzẹnị nọ. Agụvị avọọ di Ijekọvụ aa hị́ ịzọọ Imahanayimi nị. Imahanayimi vị udi ẹẹva ịnị ẹkụra Anihiburu.

1 Ịtọpa 9:39

Ineeri ọ vị ada Ikisi nị, dị Ikisi vị ada Ịsọọrụ nị. Ịsọọrụ ộ ma ezi ọnọrụ ẹẹna ana aā hị́ Ijonatani, Imarichisuwa, Abinadabi, ọnịrị Ẹsibaari.

1 Ịtọpa 8:33

Ineri ọ vị ada Ikisi nị, dị Ikisi ọnị vị ada ohinọyị Ịsọọrụ nị. Ịsọọrụ ộ ma ezi ọnọrụ ẹẹna. Ịrẹha ẹnịnị ẹ rị Ijonatani, Imarikisuwa, Abinadabi, ọnịrị Ẹsibaari.

1 Ịsamụwẹrị 26:14

Di Idevidi hị́ isoja Ịsọọrụ, dị ọ rẹ hị́ Abịna ana vi ozi Ineri dị ọ ka, “Abịna, wéé tụ́ mi ohii?” Di Abịna ka, “Ẹ̀naa hị́ ohinọyị ịzọọ?”

1 Ịsamụwẹrị 17:55

Idevidi mèe nee tù Anihwirisiti ọnọọ, Ịsọọrụ ô re e. Dị Abịna ana vị ọga isoja use ka ẹnị ẹ ma ozi ọnọọ nị. Dị Abịna ka ọnị ộ sị ịrẹsụ ohinọyị hị́ eku ka ọnị ọ yị hyakụ yẹ.

Ijosuwa 21:38

Ẹkụra ana dọ ịrẹsụ Igadi ẹ vị Ịramọtị ịnị ẹtẹ Igiriyadi beri Imahanayimi ẹtẹ ọyị kụ́ ịsụpa rị anị,

2 Ịsamụwẹrị 2:7

Dị ọ ka asị e hí angwa, ẹ̀ nyị ọtụtụrụma. Ọ kà Ịsọọrụ ohinọyị ẹnịnị ô wusu, ama Anijuda ẹ raà sị ọnị ka ọnị ọ kụkụ vị ohinọyị ẹnịnị.

2 Ịsamụwẹrị 2:29

Pooro ịnị ịrahụ ịhị ọnọọ, Abịna ọnịrị aza anị ệ zi oze Araba na para hu. Ệ jịnẹ Okuha Ịjọdanị, dị ẹ vavọọ nị na, dị ẹ na para avaba ẹtẹ Ibitirọnị hu ịnị avaba ẹnẹnẹ, dị ẹ na ngụ Imahanayimi nị.

2 Ịsamụwẹrị 3:6

Aneehi Ịsọọrụ ọnịrị aneehi Idevidi màa kịị kụ̀ ịrẹkụ, dị Abịna nyayịnẹ aa gụ aneehi Ịsọọrụ ụvọ nị.

2 Ịsamụwẹrị 17:24

Idevidi ọ na ngụ ịzị aā hị́ Imahanayimi, di Abịsarọmị ọnịrị avaba Anisirẹrị ana saasa a ẹnị sị jịnẹ na ngụ akẹnẹ Ijodani nị.

1 Ịtọpa 12:29

Anda Ịsọọrụ hụrẹ ovwoovu Ịbẹnjamịnị vị ẹnị akawụ rị akahị (3,000). Anịbẹnjamịnị ọrụrụ-ọrụrụ vị ana yị vị aza Ịsọọrụ.

Oyinyima 32:3

Ịnị ụmẹ ọnọọ Ijekọvụ ộ tụ́ hi Iisọ ẹnẹbẹnị anị ana yà ịnị ẹtẹ ịnị ataba Ịsẹyị. Ịsẹyị ọnọọ vị ana yà ịnị ẹkụra Edomi.

2 Ịsamụwẹrị 3:38

Di ohinọyị va hị́ aza ene hi ịda anị dị ọ ka, “Aanị ka wẹ yị yẹ nịnị ka ọdọvịdị ọbanyị ọnya o sú ịnị Anisirẹrị nịnị ajịnị aanị nị?

1 Ịtọpa 12:30

Hụrẹ ovwoovu Ehwireemi: Aza ẹnị akawụ-akawụ oze ẹẹwụ tụra akana (20,800). Avaba ẹnịnị vị aza ọkọọka ịnị ịrẹkụ, dị eyi yẹ wa ini ovwoovu ẹnịnị nị.