2 Ịsamụwẹrị 18:15 - IWE ỌNỊNỊ

¹⁵ Dị ẹnị ẹẹwụ ịnị ẹnị ana aā za ẹnya ịrẹkụ gụ Ijowabi wụsẹ tara kara Abịsarọmị, dị ẹ và ịsa hí ọ ẹngụ, di o sú nị.

2 Ịsamụwẹrị 18:15 Referans Kwoze

2 Ịsamụwẹrị 18:14

Di Ijowabi ka ọnị ọ yị vavọọ zụ jẹẹ zi ọ pooro. Dị ọ sị ọha ẹẹta, dị ọ kà wa ngụ Abịsarọmị ịrachị ọ mẹ̀ vavọọ zù ọ gẹ ọchị ireyi-ireyi nị.

2 Ịsamụwẹrị 18:16

Di Ijowabi hú ọpanyị ka isoja ẹnẹẹ ẹ̀ jẹẹ nị. Ịzẹyịza di isoja jẹẹ dị ẹ̀ yị kụkụ dụ Anisirẹrị nị.

2 Ịsamụwẹrị 12:10

Yẹ oo, ka ịrẹkụ ọ mā vana ta hụụnị eehi awụ pooro. Ẹnẹyịmavara kà wâ sị eyi wụ ọnị dị ụ na dọ Uriya Anihiti ose anị dị ụ nyị ọ nị.

2 Ịsamụwẹrị 19:11

Ídevidi ohinọyị mẹ̀ yà ini eehi ịda anị, ọ sị wụ́ avaba Ánisirẹrị mẹ̀ maanị aa kà. Dị ọ va tụ́ na hị́ Ịzadọkị ọnịrị Abiyata nị. Ẹnịnị vị ohirẹsụ irehi Ohomorihi. Di ohinọyị ka ẹ̀ na kà a yị ọdọvịdị Anijuda ka sìi ẹ vẹ dị ahịka ẹnị ẹ vaa vị ọdịrẹma ini aza ana aa naa sị ohinọyịị vaavẹ ini eehi anị nị?

Ijoovu 20:5

Ịrajẹ aza edivi ọ mā nọ oruva. Ayohine ẹnịnị vị ụmẹ chee aanị.

Ahẹ Ụgama 37:35

Ma raà sị eyi amị re aza edivi ẹnị ẹ̀ yị mā vayị ọza ẹ màa mẹ ụbanyị anka ọchị ọbanyị ene hi ịzị aā hị́ Ịrẹbanọnị avọọ.

Ụhịrẹyị 17:11

Aza ọhịmị vị enee si ka ẹnị ẹ̀ẹ kụ̀ụ hịrẹ ọdọvịdị, ama ụya anị vị ọnị ọ vaa rị ẹtẹẹtẹrẹ.

Ụhịrẹyị 28:17

Ayị ọza ana wụ̀ ọza ọ yị vaa nẹtẹ, ọ vaa doodo zị pooro dị o su nị. Asị a nyị ọza ana gụ ọ ụvọ.

Ịrẹyị Ọzwọzịsa 10:8

Ọza anaa chị ụsị ọ vee horo ngụ ọ nị. Ọza anaa jị ugene roo ẹ́wụ́ ọ zụ jị ọ ịrẹrụ.