2 Ịsamụwẹrị 17:1 - IWE ỌNỊNỊ

¹ Ộ dà kù chee, di Ahitohwẹrị va hí Abịsarọmị dị ọ ka taarụ, vị ọnị ka ọ̀ tọ̀ọ́ aza ẹnị akawụ-akawụ oze ẹwụrẹva, dị ẹnị ẹ̀ kwẹẹtẹ ịrahụ ajịnị dị ẹnị ẹ̀ na dụ Idevidi nọ.

2 Ịsamụwẹrị 17:1 Referans Kwoze

Ụhịrẹyị 4:16

Aza ọhịmị ẹ mā zụ sụ ara ẹ vị ẹ mẹ̀ ịsa odivi. Ẹnịnị vị anaā jị areyi agụvị dị ẹ kụ odivi tu ọza.

Ahẹ Ụgama 4:8

Màa hụtụ dị maa sụ ara hwanaa. Ẹnẹyịmavara, ẹwụ ịnyara kẹnẹ ọ vavọọ mẹ ka asị a nyị ịsa ee chire mi angwa nị.

Ụhịrẹyị 1:16

Ẹngụ vị anaā hụ ọyị mẹ̀ ebira odivi. Eyiha-eyiha ẹẹ̄ sị dọ ọza ụhwẹ nị.

2 Ịsamụwẹrị 16:23

Ịnị ụmẹ ọnọọ, Ahitohwẹrị òo pè ọza jị iwe, vị ọ sị mẹẹ ka Ohomorihi o pè ọza kà ịrẹyị nị. Avọọ Idevidi ọnịrị Abịsarọmị mè re iwọjị Ahitohwẹrị nị.

2 Ịsamụwẹrị 17:2

Ọ kà ịjị ọ̀ọ sị ngụ Idevidi ẹngụ dị ọnị kwẹẹtẹ tù ọ, dị ọnị kụ́ angwahi ngụ ọ ẹngụ. Ọ kà ọnị ọ̀ọ vavọọ raà kụ́ angwahi ngụ ọ ẹngụ, dị aza ana yà pè e kú zwe, dị ahịka Idevidi ohinọyị kẹnẹ ọnị wụ nị. Ọ kà ọnị ọ̀ọ vavọọ sị Idevidi wụ, dị ọnị kụkụ kụ́ aza Idevidi va yị Abịsarọmị.