2 Ịsamụwẹrị 16:23 - IWE ỌNỊNỊ

²³ Ịnị ụmẹ ọnọọ, Ahitohwẹrị òo pè ọza jị iwe, vị ọ sị mẹẹ ka Ohomorihi o pè ọza kà ịrẹyị nị. Avọọ Idevidi ọnịrị Abịsarọmị mè re iwọjị Ahitohwẹrị nị.

2 Ịsamụwẹrị 16:23 Referans Kwoze

2 Ịsamụwẹrị 15:12

Abịsarọmị maa mẹ̀ ịsọvọ, dị ọ tụ́ na hị́ Ahitohwẹrị ana vi Anigiro ka ọ̀ hụrẹ Igiro ana vị ẹkụra anị vẹ ịnị ịsọvọ ọnị ọnị aa mẹ nị. Ahitohwẹrị vi ọnịwọjị Idevidi. Ịrẹkụ ana Abịsarọmị jị ẹnya anị aa nyị ụkataa hu avọọ, dị aza ana aa saasa Abịsarọmị raa rụrụụ hu avọọ nị.

2 Ịsamụwẹrị 17:23

Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

2 Ịsamụwẹrị 17:14

Ịjị Abịsarọmị ọnịrị avaba Anisirẹrị maanị wụ́, dị ẹ ka iwọjị Ihusayi ana vị Anaakị ọ gẹ hụụnị iwọjị Ahitohwẹrị nị. Ẹnẹyịmavara ọ vavọọ mẹ ka asị a dọ iwọjị Ahitohwẹrị ene zoza aanị, agụvị ka ee sì ka ịrẹyị odivi ò tù Abịsarọmị.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

Aniroomi 1:22

Ẹ ka ẹnị ệ yẹ ịrẹyị, ama ọnụra obooro ẹ vị nị.

Iruuku 16:8

Dị ọga ọnọọ kà ọda yị ozi ahụ onirikichi ọnọọ nị, agụvị ka ộ vavọọ sị ịrẹyọyẹ mẹ. Anẹhẹ ọnọnị aa mẹ̀ ebira ịrẹyọyẹ ịnị ẹhẹ ẹnịnịị huna aza ana ka ẹnị yà ini ẹtohweyi nị.”

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ịrẹyị Ọzwọzịsa 10:1

Waa yẹ ka, ịsị oo su va hi ịnị eturare, ọ zụ mẹ ka ọ̀ọ da agụ odivi avọọ ọza ọọ mẹ mẹ ụra kiiki aanị, dị ọ mẹ ka asị eyi wụ ọnịrị ịrẹyọyẹ anị beri ụbanyị anị nị.

Ahẹ Ụgama 28:2

Ẹwụ m ma ta ubo nọ, ka wa navọ wa vayị amị Mâ kụ́ ụvọ hi ẹba, dị mị tana a hi oze eyi irehi awụ dị maa hị́ wụ ka wa va gụ mị ụvọ nị.

Ahẹ Ụgama 19:7

Ọda Ẹnẹyịmavara ộ gụ ọ zụ sị ụkata ọza vị ọwọọwa Ọda Ẹnẹyịmavara ộ nị̄, ẹ yị nyị ireche ịnị anị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ijoovu 5:12

Ohomorihi oō du eto aza ana mẹ ọbọ hi wa ụvọ dị asị ẹ zụ mẹ ịsị ọnị e yee si nị.

1 Ịsamụwẹrị 30:8

Di Idevidi họ̀ Ẹnẹyịmavara kà, áá vọrọ ka ọnị ò ku chire aza ana maanị va dụ aza anị aanị? Ọ kà ọnị wáá vaa za wa? Dị Ẹnẹyịmavara kà, “ku chire wa ka ụvọ awụ vee ku wa, dị ụ dọ aza awụ hụrẹ wa ụvọ.”

Ịrịka 27:21

Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

2 Ịsamụwẹrị 15:31

A va sị ọ kà yi Idevidi ka Ahitohwẹrị yà ịnị aza ọnị ọnịrị Abịsarọmị kụ́ ịrẹkụ tù Idevidi. Di Idevidi mẹ̀ aduwa dị ọ ka, “Ẹnẹyịmavara, aarịhịnị navọ avaba ẹnya ana Ahitohwẹrị jị aanị ọ̀ vara ịrẹyị kẹnẹ-kẹnẹ.”

2 Ịsamụwẹrị 17:1

Ộ dà kù chee, di Ahitohwẹrị va hí Abịsarọmị dị ọ ka taarụ, vị ọnị ka ọ̀ tọ̀ọ́ aza ẹnị akawụ-akawụ oze ẹwụrẹva, dị ẹnị ẹ̀ kwẹẹtẹ ịrahụ ajịnị dị ẹnị ẹ̀ na dụ Idevidi nọ.