2 Ịsamụwẹrị 16:2 - IWE ỌNỊNỊ

² Di Idevidi ohinọyị va họ̀ Iziba ka sị aa kụ́ ịsa ẹnẹẹ mẹ nị. Di Iziba ka aneehi ohinọyị ọnị ka ẹ̀ kụ́ ịkẹrịkẹtẹ ẹnẹẹ dị ẹ̀ẹ tụra wa nị. Dị ọ rẹ ka ụbụrẹẹdị ọnịrị akara ana a sị ẹtụtụ ihwigi jị avọọ vị ọnị ọnị ka isoja Idevidi ẹ̀ rị, dị aza ene hi ịnị ụnọmị ọnị ọ kụ́ ngụ ẹngụ è tụ́ eche ọnọọ.

2 Ịsamụwẹrị 16:2 Referans Kwoze

2 Ịsamụwẹrị 17:29

Dị ẹ rẹ kụ́ ẹhụ ọnịrị inono ne beri atẹmẹ ọnịrị ịrẹva ụnọ ana za va yi Idevidi ọnịrị aza anị ka ẹ̀ rị ọ nị. Aza ẹnẹẹ ê ro ka ụngwẹ aa kụ̀ aza Idevidi, di enyi raà kụ̀ wa, dị ọ kụ́ ngụ wa ẹngụ hi ịnị ụnọmị.

Ọdọvịdị 10:4

Ịjarị ộ ma ezi anọrụ ohurẹẹwụ, dị ẹ nyị ịkẹrịkẹtẹ ohurẹẹwụ ẹnị ẹẹ̄ tụra nị. Ẹnịnị ẹ rẹ nyị ẹkụra ohurẹẹwụ tụ ẹtẹ Igiriyadi. Ẹkụra ẹnẹẹ aa hị́ ẹkụra Ịjarị pooro tu ajịnị nị.

Ọdọvịdị 5:10

Ẹwụ nịnị ana tụra ịkẹrịkẹtẹ ọnịrị ẹwụ nịnị ana yaatẹ ịrẹsụ achị beri ẹwụ nịnị ana aa na oze wee ro o.

Ezikẹẹrị 37:18

Ịjị aza anị ẹ̀ẹ họ̀ ọnị use ka sị ẹ vị iruvo ọsọnị,

2 Ịsamụwẹrị 19:26

Di Imehwibọsẹtị ka, “Taarụ Ohinọyị! Wáá yẹ ka oswahụ mị vị nị. Mâ kà a ka è tenyi ịkẹrịkẹtẹ amịị mị dị ma tụra a dị me si ve tù wụ, ama di e vene mi nị.

2 Ịsamụwẹrị 15:23

Avaba aza ẹnẹẹ màa parahu, dị avaba anẹkụra ọnọọ aa tụ́ orere vavavaa nị. Ohinọyị ọnị rẹ na para okuha Ikidironi hu, dị avaba aza ẹnẹẹ sị ịrẹsụ kà ụnọmị aa na nịị.

2 Ịsamụwẹrị 15:1

Ịjị ọ dà kù ana Abịsarọmị vavọọ vavẹ Ijerusarẹmị, ẹkụhị ọnya dị ọ na kụ́ ịkẹkẹ ana a sịị kụ̀ ịrẹkụ, dị ọ rẹ kụ́ umaata tụ́ ọ nị. Dị ọ nyị aza ẹnị ẹtarẹwụ ka ẹ̀ vị ọdọvịdị anị nị.

1 Ịsamụwẹrị 25:27

Di Abigẹrị rẹ ka aarịhịnị ọ̀ dọ ịsa ọnị ọnị sị va yọ aanị dị ọ̀ sị yị aza ana saasa a nị.

1 Ịsamụwẹrị 14:28

Di isoja ọnya va kà a yọ dị ọ ka, “Wáá yẹ ka ada awụ ọ sị ọ kà ka ẹ yị nyị isoja ana nyayịnẹ rị ịsa ajịnị. Ọ kà isoja ana àa rị ịsa o dụ ọ kù huu. Ọnị ọ mẹ ka ọ̀ maanị ngụ aza ẹngụ hị́ ẹtẹ aanị nị.”

Oyinyima 33:8

Di Iisọ ka, “Ịsụpa ọnị ọnị gẹrị ịjọọ yọ, a màa mẹ wa.” Di Ijekọvụ ka, “Vị ọnị ka ịsavọọ ọnị ọ̀ sị da ịpẹ yọ nọ.”

Oyinyima 21:29

Di Abimẹrẹkị họ̀ Abụrahamị dị ọ ka, “Sị ẹ vi iruvo ozi atẹmẹ ịhịmba ọnị ọ kụ́ tụ́ irenyi aanị?”