2 Ịsamụwẹrị 16:11 - IWE ỌNỊNỊ

¹¹ Di Idevidi va hị́ Abisayi ọnịrị avaba ezi ahụ anị dị ọ ka, “Ozi ọnị mị ma hụụnị ẹngụ amị oni ee sì ka ọnị ọ̀ wụ mi aanị nị. Ana Anịbẹnjamịnị ọnọrụ ọnị va mẹ aa óó divi hu nị? Naavọ nịnị ọ̀ọ kụ̀ mị ụhụ. Ẹnẹyịmavara ọ kà a ka ọ̀ọ kụ̀ mị ụhụ nị.

2 Ịsamụwẹrị 16:11 Referans Kwoze

Imatiwu 10:21

Ẹyịnyara ẹnyị vee sì iruvo ọsa, ka à wụ ọọ. Ada vee sì iruvo ezi anị. Dị ezi kwẹẹtẹ tù aza ana ma wa, dị ẹ mẹ ka à wụ̀ wa.

Ezikẹẹrị 20:25

Ọnị ộ hụrẹ wa ụvọ ka ẹ naa saasa ọda kẹnẹ-kẹnẹ ẹnẹ ẹẹ yị vaa mẹ ka ẹnịnị ẹ̀ yara.

Ezikẹẹrị 14:9

Àa nyị ọnịsẹ ene e vene dị o tụ́ ohi ẹnẹ ẹ̀ yị vị ịzẹyịza nị, ọnị Ẹnẹyịmavara o vene e nị. Ọnị vee vu ọnịsẹ ọnọọ ẹtẹ hụụnị akakana aza anị Anisirẹrị nịnị.

2 Ịtọpa 32:21

Ịzẹyịza, dị Ohomorihi tụ́ anggẹẹrị ana na wụ̀ isoja ọnịrị ọdọvịdị Anasiriya nịnị ha nị. Ịjị Isenakeribi vavọọ re e, dị ọ sị ụhị-ụhị varẹma na eehi anị nị. Ẹkụhị ọnya, ọ mẹ ya ịnị irehi ori anị, dị ezi anị ẹnyị sị ụhwọ, dị ẹ wụ̀ ọ nị.

2 Ohinọyị 19:37

Ẹkụhị ọnya, ộ yà ini irehi ori anị ana aā hị́ Inisirochi aa mẹ ahẹkẹ. Â nyị ẹẹva ini ezi anị ana aā hị́ Adiramẹrẹkị, ọnịrị Ịsarẹzẹrị. Ẹnịnị ệ tụ̀ ụhwọ, dị ẹ wụ̀ ọ nị. Ẹ sị ọ wụ, di e zwe ne hi ẹtẹ Ararati nị. Dị ozi anị ọsa ana aā hị́ Esahadoni rị ohinọyị dọ ọ ịrẹsụ nị.

2 Ịsamụwẹrị 7:2

Ẹkụhị ọnya dị Idevidi va hị́ Inatanị ana vị ọnịsẹ dị ọ kà ọnị ọ yà ini irehi ọbanyị ana a sị ọchị isida dà a ama apoti oto Ohomorihi vị ana yị yà ịnị ajẹngụ.

Oyinyima 45:5

Ọ kà aarịhịnị ẹ̀ và ayị ẹnịnị nẹtẹ. Asị ẹ na tụ́ ẹngụ ohuvọ ẹngụ ka wâ ná ọnị tụ́ ịzẹnị nịnị. Ọ kà Ohomorihi ọ tụ́ ọnị dọ ọvịdị ẹnịnị vẹ ịzẹnị ka ọnị ọ̀ va dọ aza ha nị.

Oyinyima 15:4

Di Ẹnẹyịmavara va kà a yị Abụramị dị ọ ka, “Ọnọrụ ọnọọ ọ yị vaa kụ́ ogu awụ; ozi ewu obooro ọ vaa kụ́ ogu awụ nị.”

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.

Ahẹ Ụgama 109:28

Òo zee e eyi ẹ̀ẹ tụ́ ozirenu, ẹwụ vị ana vaa mẹ ka ò zee mị. Navọ ahịka vị aza ana aa dụ mị va hyẹdụ nị, dị emi ozi ahụ awụ ọ̀ va jẹ ịrajẹ.

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”