2 Ịsamụwẹrị 15:24 - IWE ỌNỊNỊ

²⁴ Ịzadọkị ana vị ohirẹsụ irehi Ohomorihi oni rẹ yà ịzọọ ne beri avaba Anireevi nịnị ana za apoti oto Ohomorihi. Ẹnịnị ê chi apoti oto Ohomorihi ọnọọ tịtẹ, dị Abiyata aa mẹ̀ ịsọvọ nị. Avọọ ọ mẹ̀ mẹ̀ ịsọvọ ọnọọ pooro dị avaba aza hụụnị ẹkụra nị.

2 Ịsamụwẹrị 15:24 Referans Kwoze

2 Ịsamụwẹrị 8:17

Ịzadọkị ozi Ahitubi ọnịrị Ahimẹrẹkị ozi Abiyata ẹnị vị ohirẹsụ irehi Ohomorihi. Iseraya ọnị vị ọchẹrịsa,

Ịrịka 4:15

Eerọnị ọnịrị ezi anị ẹ sị mẹ ta dị ezi Ikoha va kú ẹnya ẹnẹẹ nọ ịzị a nọ. Ama ẹ yị nyị ọza ana nyayịnẹ sị ụvọ kanyị ẹnya ẹnẹẹ ẹ vị e si isu yị ẹngụ anị. Ezi Ikoha kẹnẹ ẹ zụ kú ẹnya ẹnẹẹ nị.

2 Ịsamụwẹrị 20:25

Isiya ọnị vị ọchẹrịsa ini eehi ohinọyị, di Ịzadọkị ọnịrị Abiyata ẹnị vị ohirẹsụ ẹbanyị irehi Ohomorihi nị.

1 Ịsamụwẹrị 22:20

Ama Abiyata ana vi ozi Ahimẹrẹkị ana ada anị vị Ahitubi ọnị o si zwe, dị o ne tù Idevidi nị.

Ezikẹẹrị 48:11

Ẹnị ohirẹsụ irehi Ohomorihi ana vị evere Ịzadọkị ẹ vaa nyị aha ọnịnị ọnọnị nị. Ẹnẹyịmavara kà ẹnịnị ệ sị ịzẹyịza hẹkẹ ọnị. Ẹnịnị ẹ́ yị saasa Anisirẹrị ana vọ na mẹ̀ ịsa ẹnẹ ẹ̀ yị vọrọ anka Anireevi nịnị.

1 Ịtọpa 15:2

Dị Idevidi ka, ẹ̀ yị vị Anireevi nịnị ịnya, ẹ yị nyị aza ẹnẹsa ana vọrọ ka ẹ̀ sị apoti oto Ohomorihi nị, ka ẹnị Ẹnẹyịmavara nyị ka ẹẹ sị apoti anị, dị ẹ̀ rẹẹ mẹ ụkọrọọ yị ọnị pooro nị.

1 Ohinọyị 2:35

Di ohinọyị si Ịbẹnaya ozi Ijehoyada mẹ ọga isoja dọ Ijowabi ịrẹsụ nị. Di ohinọyị rẹ sị Ịzadọkị mẹ ohirẹsụ irehi Ohomorihi tụ́ udi Abiyata nị.

1 Ohinọyị 1:8

Ama Adonija ọ yị sị ịrẹyị ọnọọ pè aza ẹnẹnị gẹ eyi: Ịzadọkị ana vị ohirẹsụ irehi Ohomorihi, Ịbẹnaya ozi Ijehoyada, Inatanị ana vi ọnịsẹ ne beri Isimeyi ọnịrị Ireyi. Ẹnị ẹnẹnị vi isoja ana yà pè Idevidi.

2 Ịsamụwẹrị 15:35

Idevidi rẹ ka Ịzadọkị ọnịrị Abiyata ẹnị ẹyịva ana vị ohirẹsụ irehi Ohomorihi vaa yà ịzọọ pè Ihusayi. Ọ kà ọ̀ kà ịrẹyị tụra ịrẹyị ẹnẹ ẹ̀ẹ wụ́ ịda ohinọyị yi wa.

2 Ịsamụwẹrị 15:27

Di ohinọyị rẹ kà a yi Ịzadọkị dị ọ ka, “Ẹwụ vi eneē re ẹtẹ. Ẹwụrị ozi ewu Ahimaazị ọnịrị Ijonatani ozi Abiyata ọ̀ varẹma nọ ịnị ẹkụra ka ẹ yị nyị ịrẹyị. Ẹwụrị Abiyata ọ̀ kụ́ ezi ewu nịnị ẹyịva za.

2 Ịsamụwẹrị 6:13

Aza ana na sị apoti ọnọọ aa vẹ mè ree hu ahụ ịhịnọnyị, dị ọ ka ẹ̀ jẹẹ, dị ọ sị akụ imaaru ọnịrị imaaru ana a pá ka ọ̀ banyị, dị ọ wụ̀ wa dị ọ sị mẹ̀ ịsọvọ yị Ẹnẹyịmavara nị.

1 Ịsamụwẹrị 4:11

Anihwirisiti nịnị ẹ raà dọ Anisirẹrị apoti oto Ohomorihi. Dị a wụ̀ Ihohwini ọnịrị Ihwinehasi ana vị ezi Eri nị.

Ijosuwa 6:6

Dị Ijosuwa ana vị ozi Inuni hị́ ẹnị ohirẹsụ irehi Ohomorihi nịnị gụ, dị ọ ka ẹnịnị ẹ sị apoti oto Ẹnẹyịmavara nị, dị ọ nyị ẹnị ịhịmba ka ọzọza ọ sị ọpanyị ịdẹba dị ẹ dọ ọvịdị nị.

Ijosuwa 6:4

Ọ kà a Ijosuwa ọ ka yị ohirẹsụ irehi Ohomorihi ịhịmba ka ọzọza ọ sị ọpanyị ịdẹba rị ụvọ tụ ọvịdị apoti oto; ịhị ẹ tụ ọ ẹkụhị ịhịmba dị ẹnịnị ẹ zị ụsẹ jesi kara Ijeriko ụpẹ ịhịmba, dị ohirẹsụ irehi Ohomorihi nịnị ee hu ọpanyị ẹnịnị.

Ijosuwa 3:6

Dị Ijosuwa ka yị ohirẹsụ irehi Ohomorihi ka ẹ sị apoti oto dọ ọvịdị aza, dị ẹ jịnẹ irehu Ijodani. Ịzẹyịza, dị ẹnịnị sị o tụ́ ọvịdị aza ana vọ nị.

Ijosuwa 3:3

Dị ệ mẹ ọda yị wa ka yi ẹnịnị ee re kẹnẹ ka ohirẹsụ irehi Ohomorihi ọnịrị ezi Ireevi ẹ sị apoti oto ẹ kwẹẹtẹ dị ẹ saasa wa.

Ịrịka 7:9

Ama ẹ yị nyị ịsị Imosiisi sị yị Anikohati nịnị agụvị ka ẹnị e sị eyi pe ụkọrọ ẹnya Ẹnẹyịmavara ana a sị ịrẹsụ ịza kụ nị.

1 Ohinọyị 2:26

Di ohinọyị kà a yị Abiyata ana vi ohirẹsụ irehi Ohomorihi dị ọ ka, “Kwẹẹtẹ wa nọ Anatọtị ịzị ẹtẹ awụ yà, ka vị a vọrọ ka we sú nị. Ama mẹ yị vaa wụ̀ wụ ajịnị agụvị ka ẹwa za apoti ị́zẹzẹ Ẹnẹyịmavara ana nyị yị dị ụ sị tụ́ ọvịdị Idevidi ada amị nị. Avaba ụya ana ada amị rị, vị oni u re pè e rị ọ.”