2 Ịsamụwẹrị 15:2 - IWE ỌNỊNỊ

² Abịsarọmị vị anaā kwẹẹtẹ ẹnẹnẹ viri-viri dị ọ na jẹẹ ụtọ oze ịzị a zịị nọ ịnị ẹkụra. Ọ̀ọ vavọọ jẹẹ ịzọọ dị a nyị ọza oni o re ene ee sì ka ọnị ọ̀ sị ịrẹyị ọza ọnị ọnịrịị kụ́ va tụ̀ ohinọyị ịrẹka dị ọ̀ mẹ̀ ọkarẹyị tụ́ ọ nị, dị Abịsarọmị hị́ ọ. Ọ́ọ vavọọ sị ọ hị́ vẹ, dị ọ họ̀ ọ ka ye re ẹkụra ọnị ọ hụrẹ vẹ. Dị aza ẹnẹẹ rẹ ká a yọ ka ịrẹsụ ọnya ẹnị rẹ vị ini Anisirẹrị nị.

2 Ịsamụwẹrị 15:2 Referans Kwoze

Imatiwu 27:1

Ịnị ẹnẹnẹ viri-viri, avaba ohirẹsụ ẹbanyị irehi Ohomorihi beri ọdọvịdị Aniju nịnị ê gẹ eyi Ijeesu ka à wụ ọọ.

Ụhịrẹyị 4:16

Aza ọhịmị ẹ mā zụ sụ ara ẹ vị ẹ mẹ̀ ịsa odivi. Ẹnịnị vị anaā jị areyi agụvị dị ẹ kụ odivi tu ọza.

Ijoovu 24:14

Ẹtẹ ọ sị hozi, dị ẹ yaa wụ onosiye ọnịrị ọnụzọngwa dị ẹ yi oyi.

2 Ịsamụwẹrị 19:8

Ịzẹyịza di ohinọyị kwẹẹtẹ dị ọ na yaayịtẹ ènoze ẹkụra nị. Dị avaba aza aa kà a ka, “wéē re, ohinọyị ọ yaayịtẹ ini oze ẹkụra aanị nọ!” Dị avaba aza vẹ dị ẹ va jẹẹ pè ohinọyị ịzọọ nị.

Iruutu 4:1

Ibowazị ọnị ộ nọ aha eyọgẹ anẹkụra, oze ovwoovu ẹkụra, dị ọ yaayịtẹ nị. Ọ mẹ̀ yà ịzọọ, dị anda Ẹrịmẹrẹkị ọnị Ibowazị kà ịrẹyị aanị aa parahu ịzọọ nị. Dị Ibowazị ka, “Va yaatụ ịzẹnị ọta amị.” Dị ọnọrụ ọnọọ na yaatụ nị.

Ọyịkụra 18:26

Dị aza ẹnẹẹ aa mẹ̀ ọkarẹyị yị aza pooro nị. Ịrẹyị ọ̀ọ sị katẹngụ, dị ẹ kụ́ ọ nọ ịda Imosiisi. Dị ẹnị ụvọta ee tụ́ ohii tụ́ ịnị ịrẹyị eweyi-eweyi.

Ọyịkụra 18:16

Ẹ̀ẹ rẹ nyị ahankata, dị ẹ kụ́ ọ vẹ ịda amị. Dị mị mẹ̀ ọkarẹyị yị wa, dị mị rẹ sị ọda Ohomorihi zụ̀ wa.”

Ọyịkụra 18:14

Ijetiro mè re ịsị Imosiisi aa mẹẹ yị aza ẹnẹẹ dị ọ va họ̀ Imosiisi dị ọ ka, “Sị waa mẹ yị aza ẹnẹnị aanị? Sị ẹ vẹ di ahịka ẹwụ ịnya aa mẹ̀ ọkarẹyị dị avaba aza maanị jẹẹ pè wu pooro hụrẹ ẹnẹnẹ na ngụ oruva?”

Oyinyima 34:20

Di Ihamori ọnịrị Ịsẹkẹmị ozi anị vẹ enoze ẹkụra ẹnịnị dị ọ kà ịrẹyị yị anẹkụra anị nị dị ọ ka:

Iwe Ọhụhị Imosiisi ana aa hị́ Ọyịvatụrọda 17:8

Àa nyị ịrẹyị ọkatẹngụ ọnị ọmọkarẹyị okokooro ẹ yị zụ ka, anka ẹhụ ịrẹyị ogu oyizune, ụnava ịnị ọchẹngụ, a vị ẹhahi ọza ọyị wụ̀ ọnịrị ọza ọyị nyeeyi wụ̀. Ẹngụ ịrẹyị ẹnẹnị vị ana vaa kụ nọ ịzị Ẹnẹyịmavara Ohomorihi nyị ka aa hẹkẹ ọnị.

2 Ịtọpa 10:7

Dị azọkụ ẹnẹẹ ka yị Irehobowami ka ọ̀ọ vayị ẹnịnị, dị ọ sị ohi ana vaa rọ wa ẹngụ yị wa nị, ẹnịnị vị anaā vaa sị ịrẹsụ yọ pooro.

Ịdanịyẹrị 11:21

Anggẹẹrị ọnọọ ộ rẹ kà a yị Ịdanịyẹrị ka ohinọyị ọsa anaa vanaa rị ẹtẹ Isiriya ịrẹma ọsọnị vị ana vaa vị̀ ọza odivi. Ẹ yị hyakụ yaanị vọrọ ka ọ rị ohinọyị. Ama aza ẹ yị va kà rohi-rohi dị ọ sị ọbọ va rị ohinọyị.