2 Ịsamụwẹrị 15:18 - IWE ỌNỊNỊ

¹⁸ Avaba aza ohinọyị ệ tara aa parahu. Avaba Anikereti ọnịrị Anipereti ne beri Anigiti ana vị ẹnị akata ana saasa a hụrẹ Igati vẹ ệ vavọọ tara para hu ọvịdị ohinọyị.

2 Ịsamụwẹrị 15:18 Referans Kwoze

2 Ịsamụwẹrị 8:18

dị Ịbẹnaya ozi Ijehoyada ọ vị ọga Anikereti ọnịrị Anipereti nị. Di ezi Idevidi ẹnị rẹ vị ohirẹsụ irehi Ohomorihi nị.

1 Ịtọpa 18:17

Ịbẹnaya ozi Ijehoyada o si eyi pe aza ene ee sere Idevidi nị. Dị ezi Idevidi ẹnị rẹ sị ụvọ za udi ẹbanyị-ẹbanyị yị aza ana aa mẹ ụkọrọọ yọ nị.

1 Ohinọyị 1:38

Dị Ịzadọkị ana vị ohirẹsụ irehi Ohomorihi ọnịrị Inatanị ọnịsẹ ne beri Ịbẹnaya ozi Ijehoyada ne chire Anikereti ọnịrị Anipereti chi na, dị ẹ na sị Isoromọnị tụra ịkẹrịkẹtẹ Idevidi ohinọyị, dị ọnịrị wa zị nọ Igihoni nị.

2 Ịsamụwẹrị 20:23

Ijowabi ọnị vị ọga avaba isoja Anisirẹrị, di Ịbẹnaya ozi Ijehoyada ọnị si eyi pè aza ene ee sere Idevidi nị.

2 Ịsamụwẹrị 20:7

Dị aza Ijowabi ọnịrị Anikereti nịnị ne beri Anipereti nịnị ọnịrị avaba isoja ana vọ jịnẹ hi ẹhẹ hụrẹ Ijerusarẹmị dị ẹ yaa dụ Ịsẹba ozi Ibikiri nị.

1 Ịsamụwẹrị 30:14

Ọ rẹ ka ẹnị ẹ na dụ aza ene hi eyi ụvẹtẹ ịnị ẹtẹ Anikereti ne beri ẹtẹ Ijuda ọnịrị eyi ụvẹtẹ ịnị ẹtẹ Ịkarẹbị. Dị ọ rẹ ka ẹnị ẹ rị Izikiragi ịra nị.

2 Ịsamụwẹrị 18:2

Idevidi ộ gà isoja anị hí oze ọnya aa na, dị Abisayi ọyịnyara Ijowabi ọnị rẹ kụ́ oze ọnya di Itayi Anigiti ọnị rẹ kụ́ oze ọnya ana vọ nị. Di Idevidi va ka ọnị ụvọta aa saasa waa nọ ịrẹkụ nị.

2 Ịsamụwẹrị 6:10

O yi si ka ọnị ọ̀ sị Apoti Ẹnẹyịmavara ne pè ẹngụ tụ́ ịda anị ịnị Ẹkụra Idevidi. Di Idevidi sị Apoti ọnọọ, dị ọ sị ọ há zi oze ini eehi ọnọrụ ana aā hị́ Ọbẹdị Edomi ana vi Anigati, dị ọ sị́ ọ na tụ́ ịzọọ nị.

1 Ịsamụwẹrị 27:3

Di Idevidi ọnịrị aza anị nọ Igati, dị ẹ na yà ịda Akisi nị. Ọza-ọza vị ana kụ́ aza anị za na, di Idevidi ọnị rẹ kụ́ ese anị ẹyịva za nị. Ese anị ẹnẹẹ ẹ vị Ahinowamị ana vị Anijezirẹrị ọnịrị Abigẹrị ana vị Anikamẹrị ose onku Ịnabarị.

1 Ịsamụwẹrị 23:13

Di Idevidi ọnịrị aza anị sị hụrẹ Ikeyira, dị ẹ yaa ngụ ọ zị nị. Aza Idevidi vị ẹnị akata. Dị a rẹ na sị ọ kà yị Ịsọọrụ ka Idevidi o si zwe hụrẹ Ikeyira nị. Dị Ịsọọrụ ọ̀ yị kụkụ nọ ịzọọ nị.

1 Ịsamụwẹrị 25:13

Di Idevidi hí aza anị dị ọ ka ọzọza ọ̀ kụ́ ụhwọ anị nị. Ịzẹyịza dị ọzọza kụ́ ụhwọ anị, di Idevidi ọnị rẹ sị aanị nị. Ẹhụ aza ẹnị akava avọọ ộ saasa Idevidi aa na, dị ẹnị ịrẹka jẹẹ pè ẹnya nị.

1 Ịsamụwẹrị 30:1

Idevidi ọnịrị aza anị mẹ̀ varẹma aa nọ Izikiragi, dị ahịka ịhyẹgwẹta anị ẹ na ngụ nị. E ne tù ka Anamarẹkị ẹ raà kụ́ ịrẹkụ na rị Ịnẹgẹvị ọnịrị Izikiragi. Izikiragi vi ene e du, dị ẹ rị ọ ịra za ẹtẹ.

1 Ịsamụwẹrị 30:9

Idevidi ọnịrị aza ẹnị akata ana yà pè e ệ kwẹẹtẹ na ngụ okuha ana yà Ibesori. Dị aza ẹnyị ẹnịnị jẹẹ ịzọọ nị.

2 Ịsamụwẹrị 15:17

Ohinọyị ọnịrị avaba aza ana saasa a e si hu. Ệ dà zị na, dị ẹ jẹẹ nị.

1 Ịsamụwẹrị 27:4

Ịsọọrụ mẹ̀ wụ́ ka Idevidi o si zwe nọ Igati, di ò yi kuku sì ọ nị.