2 Ịsamụwẹrị 15:10 - IWE ỌNỊNỊ

¹⁰ Abịsarọmị ộ tụ́ aza ka è were nọ ịnị ẹtẹ Anisirẹrị. Ọ kà aza ẹ̀ẹ yị wụ́ ọpanyị kẹnẹ, e nowu dị ẹ̀ kà a ka, “Abịsarọmị ọ raà rị ohinọyị tụ́ Ihebirọnị.”

2 Ịsamụwẹrị 15:10 Referans Kwoze

1 Ịtọpa 12:38

Avaba aza ana maanị tenyi ẹngụ ịrẹkụ aanị ệ vẹ Ihebirọnị ka ẹnị ẹ̀ va sị Idevidi rị ohinọyị avaba Anisirẹrị. Avọọ gẹdẹ-gẹdẹ avaba Anisirẹrị ana vọ mẹ̀ sị ayị ọnya sị ọ ka, ẹnị aà sị Idevidi rị ohinọyị nị.

1 Ịtọpa 12:23

Ịrịka uche isoja ẹnẹnị ê vee tụ Idevidi Ihebirọnị nị. Ẹnịnị ệ gụ Idevidi ụvọ ka ọ̀ rị ohinọyị tụ́ udi Ịsọọrụ anka Ẹnẹyịmavara mẹ wo oto o yọ.

1 Ịtọpa 11:3

Ẹ ka agụvị avọọ ẹnị azọkụ-azọkụ Anisirẹrị ve tu ohinọyị Idevidi Ihebirọnị nị. Idevidi ọnịrị wa ệ hị́ eku yị ẹngụ Ihebirọnị ọvịdị Ẹnẹyịmavara, dị ẹnịnị vị angwẹ orivi hi Idevidi ịrẹsụ, dị ẹ sị ọ rị ohinọyị Isirẹrị, anka Ẹnẹyịmavara mẹ vịdị kà a ka Ịsamụwẹrị ọ̀ kà a nị.

2 Ohinọyị 9:13

Ịzịịzọọ, dị ẹnị ọdọvịdị isoja ana vị ogu Ijehu aanị tụ ịta ẹnịnị tịtẹ ka Ijehu ọ̀ jẹẹ ịrẹsụ anị nị. Ẹnịnị ê hú ịkakanchị, di e nowu ka: Ijehu ọ vị ohinọyị nị.

1 Ohinọyị 1:34

Weè tù ịzọọ nịnị, dị ẹwụ Ịzadọkị ana vị ohirẹsụ irehi Ohomorihi beri Inatanị ana vị ọnịsẹ ọ̀ sị angwẹ nyị Isoromọnị dị ọ̀ rị ohinọyị tụra ịrẹsụ Anisirẹrị. Wàa vavọọ sị ọ mẹ, di u hú ọpanyị nịnị dị ụ ka, ‘Taarụ, Isoromọnị ohinọyị, orubo ọcha, orubo ẹya.’

2 Ịsamụwẹrị 19:10

Abịsarọmị ọnọọ ọnị nyị ka ọ vị ohinọyị ayị, oni ô wusu ịnị ịrẹkụ. Sị ẹ vẹ dị waa mẹ kẹẹkẹrẹ nịnị dị wẹ̀ yị na sị Idevidi ohinọyị vavẹ nịnị?”

2 Ịsamụwẹrị 14:30

Di Abịsarọmị va kà a yi ezi ahụ anị dị ọ ka aarẹ Ijowabii vị ana gụrị aarẹ anị. Ọ rẹ ka ộ nyị ịsa ịnị aarẹ anaā hị́ ibaari tụ́ ịnị aarẹ. Ọ kà ezi ahụ ẹnị ẹ̀ na, dị ẹ̀ na jị ịra tụ́ ịnị aarẹ ọnọọ. Ịzẹyịza di ezi ahụ Abịsarọmị na, dị ẹ na jị ịra tụ́ ịnị aarẹ ọnọọ nị.

2 Ịsamụwẹrị 13:28

Abịsarọmị ọ sị ọ kà yị aza anị ka è batọ. Ọ kà èe re ka Amịnọnị ọ sị eche hú dị ịnẹ anị ee hine nị, ọnị vaa kà a yị wa ka ẹ̀ và ịsa hị́ ọ ẹngụ, dị ẹ̀ wụ ọ. Ọ kà asị e hí angwa ka ọnị ọnọnị ọ kà a ka ẹ̀ vavọọ mẹ nị. Ọ kà ẹ̀ nyị ọtụtụrụma, asị angwa hi wa.

2 Ịsamụwẹrị 5:5

Ọ mẹ́ yà Ihebirọnị, ộ mẹ̀ ohinọyị Anijuda ịrayị ịhịmba tụra ụhwẹ ịhịnọnyị. Ọ mẹ̀ va na yà Ijerusarẹmị, ọ rẹ mẹ ohinọyị avaba Anisirẹrị ẹnịrị Ijuda ịrayị ohurẹẹwụ tụra ẹẹta.

2 Ịsamụwẹrị 2:11

Idevidi ọnị ộ mẹ̀ ohinọyị anị Ihebirọnị mẹ ịrayị ịhịmba tụra ụhwẹ ịhịnọnyị.

2 Ịsamụwẹrị 2:1

 nyị ẹkụhị ọnya, di Idevidi na họ̀ Ẹnẹyịmavara dị ọ ka áá vọrọ ka ọnị ọ̀ nọ ini ẹtẹ Ijuda? Dị Ẹnẹyịmavara kà ọ̀ na nị. Di Idevidi rẹ ka ịzị ọnị ọ̀ọ nọ ịzọọ? Dị Ẹnẹyịmavara ọ̀ nọ Ihebirọnị nị.

2 Ịsamụwẹrị 15:9

Dị ohinọyị kà a yọ ka ọ̀ọ na ka ẹ yị nyị ịrẹyị nị. Ịzẹyịza dị Abịsarọmị kwẹẹtẹ dị aa nọ Ihebirọnị nị.

1 Ohinọyị 1:11

Di Inatanị va hị́ Ịbatịsẹba ọnyị Isoromọnị dị ọ ka, “Wáá wụ́ ọ ka Adonija ozi Ihagiti ọ sị ohinọyị rị ama ada ayị Idevidi ọ yị yẹ?