2 Ịsamụwẹrị 14:26 - IWE ỌNỊNỊ

²⁶ Ẹyị anị òo re si hi, dị ọ sị rata yọ nị, dị ọ kụ́ ọ Avọọ ọ mẹ̀ẹ mẹ ụmẹ tụra ụmẹ nị. Ọ̀ọ vavọọ sị ọ kụ́, dị ọ ngọ ọ. Àa sị ịngọ ohinọyị ẹnịnị ngọ ọ, ộ hu ozi ịrayị ẹẹhị za.

2 Ịsamụwẹrị 14:26 Referans Kwoze

Ezikẹẹrị 44:20

A sị ohirẹsụ irehi Ohomorihi nịnị kụ́ ịrẹsụ ẹnịnị hworo-hworo; asị ẹ ra navọ ka ò hí baaba. Ẹnịnị ẹ̀ na a vọ ò hi cheeche aanị.

1 Anịkọrịntị 11:14

Aanịka ayị awụ nịnị ọ yị daka kà a wụ nịnị ka ọnọrụ ọ̀ọ navọ ịrẹsụ anị, dị ọ̀yị mā kụ́ ọọ nị, ka ụhị ọ vị yọ nị?

2 Ịsamụwẹrị 18:9

Abịsarọmị ọnị vị ana tụra ịkẹrịkẹtẹ anị dị ọ na gẹrị isoja Idevidi nịnị. Ịkẹrịkẹtẹ anị mẹ̀ zi oze iruvo ọchị ọbanyị ọnya aanị na para hu. Ọchị ọnọọ vị ọnị ịsavị-ịsavị para za avọ anị, dị ọ tịtẹ nyahii aanị. Ịkẹrịkẹtẹ Abịsarọmị mẹ̀ ka ọnị ọ̀ zị oze iruvo ọchị ọnọọ na para hu, dị ọchị si jị chire Abịsarọmị ẹyị nị. Dị ọ vavọọ gẹ ịzọọ dị ịkẹrịkẹtẹ ọnị ọ tụra ọnị aa nịị na nị.

Ayịsaya 3:24

Eturare e vịdị sii sisi ẹngụ nị, ama ẹngụ ẹnịnị kụkụ vaa ngụ agụ odivi. Ẹnịnị ẹ yị kụkụ vaa sị ịbanụ za ọtẹ, ama ẹda ana a sị tụ́ ọrịhị avọọ ẹ vanaa sịị za ọtẹ nị. Ẹyị ẹnịnị ene vịdị nyị ọyịza-ọyịza vaa ta, dị ẹ kụkụ kụ́ ọmarị. E yi kuku vee re ịta ozozaa kú ẹngụ, ụsẹ ẹ vanaa za nị. Ọvị ẹnẹ ẹ vịdị aa mẹ avọọ, ụhị ọ vanaa dọ ọ ịrẹsụ nị.

Ireevi 19:36

Ẹnẹyịmavara kà Anisirẹrị nịnị ẹẹ sị ịzẹyịzaa mọ ịsa, dị ẹ rẹẹ sị ịzẹyịza ngọ ịsaa yị aza. Avaba ịsị ẹẹ yaa sị mọ ịsa ọ̀ vị ịzẹyịza. Ọnị ọ vị Ẹnẹyịmavara Ohomorihi ẹnịnị ana kụ wa tụ ẹhẹ hụrị ẹtẹ Ijipiti nị.

Oyinyima 23:16

Di Abụrahamị ka ooho, dị ọ za achuchu ẹchẹhị ịrịka, dị ọ sị yi Ehwironi eyi anda ẹnịnị Anihiti nị. Ọpa avọọ ọ kà a ka ẹtẹ ọnọọ ọ zụ hụ̄ nị. Ịsị osohu nịnị sịị za ẹkẹhị ịrịka Abụrahamị sị za a yọ nị.