2 Ịsamụwẹrị 14:19 - IWE ỌNỊNỊ

¹⁹ Di ohinọyị ka Ijowabi ộ nyị ụvọ tụ́ ịnị avaba ịrẹyị ọnọnị. Dị ọnẹẹ ọnọọ ka, “Ada ayị Taarụ Ohinọyị, avọọ yịị yọ. We yi cheeche vụrụ-vụrụ ịnị avaba ịrẹyị ọnị ụ kà aanị.

2 Ịsamụwẹrị 14:19 Referans Kwoze

2 Ịsamụwẹrị 14:3

Ọ kà ọ̀ọ vavọọ sị ọ mẹ, dị ò ne tù ohinọyị. Di Ijowabi kà a yọ ịrẹyị ọnị ọ va naa kà a yị ohinọyị nị.

1 Ịsamụwẹrị 1:26

Dị Ịhaana kà, “Nda, wáá kụkụ yẹ mị aanị? Ẹmị ma vị ọnẹẹ ana jẹẹ ịzẹnị aa mẹ̀ aduwa hi Ẹnẹyịmavara ịhị ọnọọ nị.

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Ụhịrẹyị 4:27

Asị ụ há hụrẹ oze nọ eyi ụvọrị a vị eyi ụvọha. Va hụụnị ebira odivi.

2 Ohinọyị 2:2

Ẹ́ maa na oze, dị Erija kà a yị Erisa ka; ọ̀ jẹẹ ịzẹnị; agụvị ka Ẹnẹyịmavara ọ́ raà kà a yị ọnị ka ọnị oo nọ ịzị aā hị́ Ịbẹtẹrị. Ama Erisa ka, ọnị ộ sị Ẹnẹyịmavara ọnịrị Erija ọnị ọnị aa sị ayị ọnyaa saasa hị́ eku; ọnị ẹ yị yaa hụrẹ Erija ẹngụ. Ịzẹyịza, dị ẹnị ẹyịva nọ Ịbẹtẹrị nị.

2 Ịsamụwẹrị 11:11

Di Uriya tụ́ ohi dị ọ ka, “Apoti Ohomorihi ọnịrị Anisirẹrị ne beri Anijuda hi Isukutu. Ijowabi ọga amị ọnịrị ezi ahụ awụ ana vọ hị́ ịnị ajẹngụ ịnị ụnọmị. Taarụ, ẹmáá nyayịnẹ nọ ini eehi amị dị ma naa rị di mee hú dị ma rẹ na hụtụ pè ose emi? Taarụ, mâ sị ịrẹsụ awụ vị onivenu ka mẹ yị nyayịnẹ vavọọ mẹ.”

2 Ịsamụwẹrị 3:34

Ọza ọ yị sụ́ ụ ahụ oo, ọza ọ yị sụ́ ụ ụvọ. Vi u sú kẹnẹ nị oo, anka ọza ana aza edivi wụ avọọ.” Dị avaba aza rẹ jị òrèrè anị nị.

2 Ịsamụwẹrị 3:29

Isu Abịna vị ẹnị ẹnya vaa rị Ijowabi ịrẹsụ ọnịrị avaba aneehi ada anị. Avaba aneehi Ijowabi vị ẹnị ẹngụ ẹnịnị vaa jị ikenebe arumada, dị ụkụ ọbanyị za wa. Okutẹ aza ẹnyị vaa sị zị ụsẹ, dị ịrẹkụ wụ̀ aza ẹnyị nị. Ẹnịnị e mē vene re ịsa rị.”

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

1 Ịsamụwẹrị 25:26

Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”

1 Ịsamụwẹrị 17:55

Idevidi mèe nee tù Anihwirisiti ọnọọ, Ịsọọrụ ô re e. Dị Abịna ana vị ọga isoja use ka ẹnị ẹ ma ozi ọnọọ nị. Dị Abịna ka ọnị ộ sị ịrẹsụ ohinọyị hị́ eku ka ọnị ọ yị hyakụ yẹ.

Ijosuwa 1:7

Ẹnẹyịmavara ô hu Ijosuwa ọvụ ka ọ̀ jẹẹ gere-gere, dị ọ̀ nyị ọtụtụrụma ẹtẹẹtẹrẹ, di o re ka ọnị óo si eyi pè avaba ịrẹyị oni Imosiisi ozi ahụ anị ka yị ọ, dị ọ̀ saasa a. Ộ kà asị o jesi hụụnị ịrẹyị aanị zị oze ọnyọọnyị. Asị ọ ha zị eyi ụvọrị, a vị eyi ụvọha. Ọ kà ẹ̀ẹ vavọọ mẹ, ọnị ọ vaa mẹ ka ò re mẹ, o ve re mẹ ịnị ịsa tụra ịsa tụra ịsa ọnị ọ̀ọ sị ụvọ tụra ka ọnị aa mẹ.

Iwe Ọhụhị Imosiisi ana aa hị́ Ọyịvatụrọda 28:14

Ama a sị ụ na mẹ akamawụ, dị ụ wa ha hụụnị zi oze ọnyọọnyị ọsa, ọ̀ọ vị eyi ụvọrị, ọ̀ọ vị eyi ụvọha.

Iwe Ọhụhị Imosiisi ana aa hị́ Ọyịvatụrọda 5:32

Sị eyi pe ẹtẹ dị ụ wa mẹ ịsị Ẹnẹyịmavara raa mẹ ọda yị wa. Asị ẹ mẹ akamawụ.

Ịrịka 20:17

Ọ kà aarịhịnị kwogwo, ẹ navọ ẹnị ẹ che oze parahu ịnị ẹtẹ ẹnịnị. Ẹnị ẹ yị vaa ha ngụ aarẹ ẹnịnị, a vị ụbazị. Ẹnị ẹ yị hyakụ vaa ka enyi ịnị ịkangga ẹnịnị hu. Oze ọbanyị ana zị ịzọọ ẹnị aa vatụra parahu kẹnẹ nị.

Ọyịkụra 4:15

Dị ọ ka Imosiisi ọ vaa kà a yọ ịrẹyị ana àa vọrọ ka ọ̀ kà nị. Ẹnẹyịmavara ọnị vaa jẹẹ wa ịrẹma ẹ̀ẹ yaa ka ịrẹyị. Ọ kà ọnị rẹ vaa sị zụ̀ wa ịsị a vọrọ ka ẹ̀ kà.

2 Ịsamụwẹrị 14:18

Di ohinọyị tụ́ ọnẹẹ ọnọọ ohi dị ọ ka aarịhịnị asị ọ sị ịrẹyị tẹ yị ọnị ịnị ịrẹyị ọnị ọnị aa vaa họ̀ ọ aanị. Dị ọnẹẹ ọnọọ ka taarụ, ọ̀ọ họ̀ use ịrẹyị anị nị.

2 Ịsamụwẹrị 18:13

Dị ọ rẹ ka ọnị ọ̀ọ na mẹ apẹ, dị ọnị na wụ Abịsarọmị nị, ohinọyị vaa yẹ. Ẹ yị nyị ịsị ẹẹ tẹ ọnị ọ̀ yị yẹ. Ọ kà ịjị ọ̀ọ vavọọ si tù, vi Ijonatani aa navọ ọnị ịnya nị.

Ụhịrẹyị 25:2

Ẹyị azaā sị ụbanyị yị Ohomorihi agụvị ka ọnị oō mẹ̀ ịsa ọnị ọza ẹ yị yẹ uruvo anị nị. Dị aza rẹ sị ụbanyị yị ohinọyị nịnị agụvị ka ẹnị ẹẹ̄ mẹ̀ ẹhahi ịrẹyị zụ aza nị.