2 Ịsamụwẹrị 13:4 - IWE ỌNỊNỊ

⁴ Ẹkụhị ọnya di Ijonadabị va họ̀ Amịnọnị dị ọ ka, “sị ẹ vẹ dị ụ maanị aa và ẹngụụ hi eyinị-eyinị, ẹwụ ana vi ozi ohinọyị? Wẹ rẹ kà a mịị.” Di Amịnọnị va kà a yọ dị ọ ka, “Ịtama ọyịnyara Abịsarọmị ana vị adẹnyara amị m maanị ee ro ịrẹyị anị nị. Mê sì ịrẹyị ozi ọnọọ ẹtẹẹtẹrẹ.”

2 Ịsamụwẹrị 13:4 Referans Kwoze

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ireevi 20:17

Ọnọrụ ọ̀ọ nyị ọyịnyara anị ọnẹẹ à vị adẹnyara anị, dị ọnịrị ọ sụ nị, à mẹ̀ ụhị nyị wa eyi avaba aza, dị à dụ wa hụụnị ẹkụra. Ọnọrụ ọnọọ ó ree ré ahwaahụ ọyịnyara anị ọnẹẹ à vị adẹnyara anị, agụvị avọọ, áa nyị ka ọ̀ rị ụya anị.

Ireevi 18:9

Ọ kà à sị ẹ sị ọyịnyara ẹnịnị à vị adẹnyara ẹnịnị ọnẹẹ, òo ze e eyi à pa ẹnịrị o ini eehi ọnya, òo ze e eyi ahịka aha ọsa á ya pa a nị.

1 Ohinọyị 21:7

Di Ijezebẹrị ose anị tụ́ ohi dị ọ ka, “Wáá yẹ ka ẹwa vị ohinọyị tụra avaba Isirẹrị nị? Kwẹẹtẹ dị wa rị ịsa, dị wa sị ayị awụ nẹtẹ. Ẹmị vaa sị ụbazị Ịnabọtị Anijezirẹrị ọnọọ wụ.”

2 Ịsamụwẹrị 13:3

Amịnọnị ộ nyị ọta ọnya ana aā hị́ Ijonadabị. Ozi ọnọrụ ana aā hị́ Isama ana vị ọyịnyara Idevidi Ijonadabị vị nị. Ijonadabị vị ọnọbọ ọbanyị ọnya.

2 Ịsamụwẹrị 13:5

Di Ijonadabị va kà a yọ dị ọ ka, “Ma apẹ ka ẹngụ aa zị wụ, dị ụ wà na hụtụ aha ọyịsụ. Ịjị ada awụ òo ve heeyi wụ, kà a yọ ka ọ̀ navọ dị Ịtama adẹnyara awụ ọ̀ va mẹ̀ ịsa yị wụ. Wee si ka ọ mẹ̀ ịsa ọnọọ eyi awụ ịzẹnị, dị ọ yọ ọ yị wụ.”

1 Ohinọyị 21:5

Di Ijezebẹrị ose anị vavẹ ve tù ọ nị, dị ọ ka, “Sị ẹ vẹ dị wụ maanị vara eyihi, dị wụ wẹ́ yị rị ịsa?”