2 Ịsamụwẹrị 13:31 - IWE ỌNỊNỊ

³¹ Di ohinọyị kwẹẹtẹ dị ọ za awuru anị dị ọ na a ana sị zụ̀ ka ayị aa kụ́ ọ, dị ọ hụtụ ini eteesu nị. Dị avaba ezi ahụ anị vavọọ jẹẹ pè e, dị ẹnị rẹ za awuru ẹnịnị dị ẹ na a nị.

2 Ịsamụwẹrị 13:31 Referans Kwoze

2 Ịsamụwẹrị 12:16

Di Idevidi hụ agụvị ozi ọnọọ dị aa dá ịpẹẹ yi Ohomorihi nị. Idevidi ọ yị rị ịsa, dị ọ ngụ ịnị eehi dị ọ na hụtụ ini eteesu nị.

2 Ịsamụwẹrị 1:11

Di Idevidi ọnịrị aza ene hi ịzọọ pè e za awuru ẹnịnị dị ẹ na a, áyị màa kụ́ wa nị.

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

2 Ịsamụwẹrị 3:31

Di Idevidi kà a yi Ijowabi ọnịrị aza ọnị ọnịrịị jẹẹ dị ọ ka, “Na awuru awụ nịnị, dị wa si awuru orere chire nịnị, dị wa yà ọvịdị oku Abịna dị waa jị oreree na nịnị!” Idevidi ohinọyị ọnị ụvọta vị ana yà ịrẹma iposi dị aa dụ ọ ịrẹma.

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

Oyinyima 37:29

Ịjị Irubẹnị ọnị varẹma nọ ịnị ịkangga ọnọọ ka oni ò ne hee Ijosẹẹhụ, o yi kuku re e ịzọọ. Dị ọza awuru anị, dị ọ na a.

2 Ịsamụwẹrị 13:30

Ẹ́ màa na ózee, dị a na sị ọ kà yi Idevidi ka Abịsarọmị ọ kụ́ avaba ezi anị wụ, ikonya ọ yị hyakụ vọ nị.