2 Ịsamụwẹrị 13:23 - IWE ỌNỊNỊ

²³ Ịrẹma ịrayị ẹẹva ana a vavọọ mẹ̀ Ịtama, ezi ahụ Abịsarọmị anaā kụ́ ẹyị atẹmẹ yọ aa mẹ̀ ụkọrọ ọnọọ Ịbaarị-Ịhazọrị ọ gụrị ẹtẹ Ehwireemi nị. Ịnị ụmẹ ọnọọ Abịsarọmị sị hị́ avaba ezi ohinọyị ka ẹ̀ vẹ ịzị ịsụpa anị hị́ ịzọọ nị.

2 Ịsamụwẹrị 13:23 Referans Kwoze

1 Ịsamụwẹrị 25:4

Ẹkụhị ọnya Idevidi mẹ̀ yà ịnị ụnọmị ịzọọ, dị ọ wụ́ ka Ịnabarị yà ịnị aarẹ aa yẹrẹ ẹyị atẹmẹ anị nị.

2 Ịtọpa 26:10

Ộ rẹ dà irehi ọyịtẹ̀ ọgọdọ tụ́ ịnị akakana ẹkụra, dị ọ chị iruku enyi ọrụrụ-ọrụrụ hi ẹtẹ agụvị ka ộ nyị ụnọ ana dẹngụ tụ́ iruvo ataba ene hi eyi ụvẹtẹ ọnịrị inozi. Ka ô sì ịrẹyị aarẹ, dị ọ tụ́ aza ọtụtụrụma ka ẹ dà ụbazị ịvayịnị rụrụ tụ́ ịnị ataba, dị ẹ kụ́ ịrẹkụ tụ́ ini ẹtẹ ene zoza, dị ọ dọ aza ka ẹ kụ ịrẹkụ yị ọnị nị.

2 Ohinọyị 3:4

Ụmẹ ọnọọ, Imesa, ohinọyị Imowabi vị anaā pa atẹmẹ. Ịrayị-ịrayị ọọ̄ sịị kụ ezi atẹmẹ akawụ-akawụ oze ẹvarẹwụ (100,000) naa yị ohinọyị Isirẹrị nị. Avọọ ọ mẹrẹ rẹ kụ ẹyị ịdẹba akawụ-akawụ oze ẹvarẹwụ ẹyị vaa yọ nị.

1 Ohinọyị 1:25

Ajịnị ọnya ọnọnị ọ na raà kụ́ ụnọ ọnịrị atẹmẹ ana a pa dị ẹ banyị ana rụrụ aa sịị mẹ̀ ịsọvọ. Ộ hị́ avaba ezi ohinọyị ọnịrị ọga isoja nịnị ne beri Abiyata ohirẹsụ irehi Ohomorihi dị ẹnịnị ne hi ịda anị dị ẹ yaa rị di eyee hú nị. Dị ẹnịnị aa hị́ ‘Taarụ Ohinọyị, orubo ọcha orubo ẹya.’

1 Ohinọyị 1:19

Adonija ộ kụ́ ụnọ ọnịrị atẹmẹ ana a pa dị ẹ banyị ana rụrụ dị ọ sị mẹ̀ ịsọvọ nị. Ộ hị́ avaba ezi ohinọyị ọnịrị Abiyata ana vi ohirẹsụ irehi Ohomorihi ne beri Ijowabi ọga isoja. Ama ọ yị hí Isoromọnị ozi ịda awụ.

1 Ohinọyị 1:9

Di Adonija kụ́ atẹmẹ ọnịrị ụnọ ne beri ịsụpa ana a pá dị ẹ banyị, dị ọ kụ́ na mẹ̀ ịsọvọ ịnị ịrẹta Izohẹrẹtị ana yà ịnị aha enyi ịzị aā hị́ Ẹnị-Irogeri. Dị ọ hị́ avaba ezi ohinọyị ana vị ẹyịnyara anị nị ne beri avaba Anijuda ana vị, ezi ahụ ohinọyị.

1 Ịsamụwẹrị 25:36

Abigẹrị mẹ̀ varẹma nọ ini eehi di o ne tù ka Ịnabarị aa rị eche anka ohinọyị avọọ nị. Ịnabarị aa mẹrị, eche ộ ta hụ ọ. Ẹ yị nyị ịsị Abigẹrị kà yọ pooro di eyi nị.

1 Ịsamụwẹrị 25:7

Di Idevidi rẹ ka ezida anị ẹnẹẹ ẹ̀ kà a yọ ka ọnị ộ wụ́ ka ụmẹ ọnị ọ sịị̄ yẹrẹ ẹyị atẹmẹ anị o si tù. Ọ kà ẹ̀ rẹ kà a ka ọọ̄ yẹ ka aza ana aā kụ́ ịsụpa anịị rị mẹ̀ yà pè ọnị, ọnị ọ yị mẹ wa eyingwẹngwẹ. Dị ẹ rẹ kà a ka aza anị mẹ̀ hụrẹ yà Ịkamẹrị, ẹ yị nyị ịsụpa anị ikonya ene vu.

1 Ịsamụwẹrị 25:2

 nyị ọnọrụ ọnya aanị ana yà Imawoni. Ộ nyị ogu ẹtẹẹtẹrẹ tụ́ ịzị aā hị́ Ịkamẹrị. Opisa ọbanyị ọnọrụ ọnọọ vị nị. Ẹvụ ọnị ọ nyị vị akahị, dị ọ nyị atẹmẹ akawụ rị akahị nị. Atẹmẹ ọnọọ vị ọnị ọọ̄ yẹrẹ ẹyị anị Íkameri.

2 Ịsamụwẹrị 13:24

Di Abịsarọmị vẹ tù ohinọyị dị ọ ka, “Taarụ, aza anaā kụ́ ẹyị atẹmẹ ẹ zị vẹ. Aarịhịnị ẹwụrị aza awụ è ve tù mị ịzọọ de.”

Oyinyima 31:19

Ịrabanị oni o si hu aa naa yẹrẹ ẹyị atẹmẹ anị, di Irechẹrị reè yi ori ene hi ini eehi ada anị nị.

Inehemaya 11:33

dị aza ẹnyị ẹnị ra ịzị aā hị́ Ịhazọ nị, dị ẹnyị hi ẹtẹ Ịrama, ọnịrị Igitayimi nị.