2 Ịsamụwẹrị 12:25 - IWE ỌNỊNỊ

²⁵ Dị Ẹnẹyịmavara tụ́ Inatanị ọnịsẹ anị ka ọ̀ kà a ka ịrẹha ozi ọnọọ ọ rị Ijedida nị.

2 Ịsamụwẹrị 12:25 Referans Kwoze

Inehemaya 13:26

Mị ka, ẹngụ anẹẹ anẹkụra ọsa ẹnẹnị ọnị Isoromọnị ohinọyị nyị ọ mẹ̀ ẹ mẹ ịvị nị. Ẹ yị nyị ohinọyị ana ya anka Isoromọnị avaba ịrẹsụ. Ohomorihi anị ô sì ịrẹyị anị, dị ọ sị ọ rị ohinọyị avaba Anisirẹrị nị, ama anẹẹ anẹkụra ọsa ẹ mẹ̀ ẹ mẹ ịvị dị ọ hyẹdụ nị.

2 Ịsamụwẹrị 7:4

Ịnị ịrahụ ịhị ọnọọ, Ẹnẹyịmavara o ve pè Inatanị kà ịrẹyị dị ọ ka

1 Ohinọyị 1:11

Di Inatanị va hị́ Ịbatịsẹba ọnyị Isoromọnị dị ọ ka, “Wáá wụ́ ọ ka Adonija ozi Ihagiti ọ sị ohinọyị rị ama ada ayị Idevidi ọ yị yẹ?

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

1 Ohinọyị 1:23

Dị avaba ẹnịnị va kà a yị ohinọyị dị a ka, “Inatanị ọnịsẹ yọ!” Di Inatanị ne tù ohinọyị dị ọ tana, tụra ẹtẹ dị ọ kụ́ ọ nị.

2 Ịsamụwẹrị 12:24

Di Idevidi ee mi Ịbatịsẹba ose anị isuuru nị. Idevidi ọ rẹ nọ ịda anị, dị ọ ma ozi ọnọrụ ọnya nị. Di Idevidi ka ịrẹha ozi ọnọọ ọ rị Isoromọnị nị. Ẹnẹ ẹ̀ yị mā vị ana nyayịnẹ sì ịrẹyị anị.

2 Ịsamụwẹrị 12:26

Ịnị ụmẹ ọnọọ, Ijowabi ọnịrị isoja Anisirẹrị nịnị ẹ raà rị Ịraba ana vi ohyẹtẹ ẹkụra Anamọnị nịnị ịzị ohinọyị ẹnịnị ra.

1 Ịtọpa 3:5

 ma ozi ọrụrụ-ọrụrụ yọ ịzọọ. Ose anị Ịbatịsẹba, ana vị ozi Amịyẹrị ộ ma ezi ọnọrụ ẹẹna yọ. Ẹnị ẹ vị Isimeya, Isobabi, Inatanị, ọnịrị Isoromọnị nị.

1 Ịtọpa 22:9

Ọ kà, ama Ẹnẹyịmavara ô wo otoo yị ọnị ka, ọnị vaa ma ozi ana vaa rị ohinọyị dị aa mẹ̀ ẹ ẹngwọọrọ-ẹngwọọrọ. Ẹnẹyịmavara kà ọnị vaa mẹ ka ọ̀ nyị ẹngwọọrọ ịnị ụvọ avaba ọnịvị anị. Ọ kà ịrẹha ozi ọnọọ ọ rị Isoromọnị nị, agụvị ka ụmẹ ọnị ọ́ vaa sị mẹ ohinọyị, ọnị vaa mẹ ẹngwọọrọ yị Anisirẹrị nịnị, dị ọnị mẹ ka à sị a nyị ịsị ẹ mẹ̀ wa.

Iwe Ọhụhị Imosiisi ana aa hị́ Ọyịvatụrọda 33:12

Imosiisi ộ kà yị Anịbẹnjamịnị ka; Aza ọnị Ẹnẹyịmavara sị ịrẹyị ẹnịnị, dị e sere wa ẹ vị nị. E sere wa eyinị-eyinị, dị ọ ya pe wa ịrẹsụ ataba ịzị ẹ ra nị.

1 Ohinọyị 1:8

Ama Adonija ọ yị sị ịrẹyị ọnọọ pè aza ẹnẹnị gẹ eyi: Ịzadọkị ana vị ohirẹsụ irehi Ohomorihi, Ịbẹnaya ozi Ijehoyada, Inatanị ana vi ọnịsẹ ne beri Isimeyi ọnịrị Ireyi. Ẹnị ẹnẹnị vi isoja ana yà pè Idevidi.

1 Ohinọyị 4:5

Azariyahụ ozi Inatanị ọnị vị ọga Ịgọvọnọ ẹkụra eweyi-eweyi. Ohirẹsụ ịrẹsụ irehi Ohomorihi ana aā hị́ Izabudi ana vi ozi Inatanị ọnị vị ọta ohinọyị.