2 Ịsamụwẹrị 12:14 - IWE ỌNỊNỊ

¹⁴ Ama agụvị ka wa raà sị eyi wụ Ẹnẹyịmavara ini ịrẹyị ọnị ụ mẹ aanị, ozi ọnọrụ ọnọọ ọnị ọ vaa maa wụ avọọ, wèe sì, wèe yi si, vi ee sú nị.”

2 Ịsamụwẹrị 12:14 Referans Kwoze

Aniroomi 2:24

Áa vịdị chẹrẹẹ tụ́ ini Iwe Ohomorihi ka, “Agụvị ebira awụ nịnị Anigiriki aa sịị kà ịrẹyị odivii hi Ohomorihi nị.”

Ayịsaya 52:5

Booro aanị, Anibabironi ẹ́ rẹ sị ụ nịnị za ọrịhị, ẹ yị yaanị nyị iruvo ana a vọrọ ka ẹ̀ sị vaa mẹ vụrụ-vụrụ. Ẹnị anaa mẹ ohii tụra awụ nịnị vị enee wo oto, dị ẹyaa nyị irenuu zị. Eyinị-eyinị vị ene ẹyaa kụ mị ụhụ.

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

Anihiburu 12:6

Agụvị ka ọza ana Ananyị yị sì ịrẹyị anị, ọọ̄ sị ụyaa rị nị; ọza ọnị ọ̀ọ dọ anka ozi anị, o ree tụ́ nị.”

Ahẹ Ụgama 94:12

Ẹnẹyịmavara, ọza oni u wèe nyị iyi tụ́ ohuvọ dị waa sị ọda awụụ zụ ọ nị, ọ̀ nyarị ịrẹsụ ọyịza.

1 Anịkọrịntị 11:32

Ama Ananyị yị mẹ̀ ọkarẹyị yị, dị ọ sị ụya rị yị, agụvị asị ọ na kụkụ jị ịvị yị ẹyịrị anẹhẹ vabẹ.

Imatiwu 18:7

Anẹhẹ ẹ sị dà agụvị ịsị ẹẹ̄ mẹ ọzaa mẹ ịvị. Ẹ yị zụ nyị ka ịsị ẹẹ̄ mẹ ọzaa mẹ ịvị, ọyị vẹ; ama ọza ana àa kụ́ ịsa ẹnẹẹ vẹ, ọ sị dà.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Ahẹ Ụgama 74:10

Ohomorihi, aanị ka aanị ọnịvị awụ mẹ̀ vaa sị wụụ mẹ enyinyi pooro nị? Aanị ọnịrẹyị awụ mẹ̀ vaa kịị ká wụ isiya pooro nịị?

Inehemaya 5:9

Dị mị kà a yị wa ka; ịsị ẹyaa mẹ aanị e yi zoza o. Â vọrọ ka ẹnịnị è hí angwahi Ohomorihi ịnị ịsị ẹ̀ẹ yaa mẹ, agụvị enyinyi anẹkụra ana vọ ana vị ọnịvị ẹnịnị.

2 Ịsamụwẹrị 12:15

Dị Inatanị si hu aa nọ eehi anị nị. Ose Uriya ọ va sị ozi ọnọrụ ọnọọ ma yi Idevidi. Dị Ẹnẹyịmavara tana ụvọ za ozi ọnọọ, dị ẹngụ nyima aa zị ọ nị.

Ahẹ Ụgama 69:6

Ananyị yị Ẹnẹyịmavara Ochẹtẹẹngụ, navọ asị ụ na zẹẹ ka aza ana sị ayị tụra awụ è ne re ịrẹyị amị dị ụhị ọ̀ọ nyị wa. Ohomorihi Anisirẹrị mị ka asị ụ zẹẹ ka aza ana sị ayị tụra wụ è ne ịrẹyị amị dị ụhị ọ̀ọ nyị wa.

Ahẹ Ụgama 99:8

Ẹnẹyịmavara ana vị Ohomorihi ayị, wê tụ́ ohi aduwa ẹnịnị. Ịzẹyịza ụụ̄ sị ụyaa rị wa, ana ụ rẹẹ̄ vagu, wa ini ịsa edivi ẹnị ẹ̀ẹ mẹ.