2 Ịsamụwẹrị 12:1 - IWE ỌNỊNỊ

¹ Ẹkụhị ọnya dị Ẹnẹyịmavara tụ́ Inatanị hi Idevidi nị. Inatanị mè tù ịda Idevidi dị ọ ka, “Â nyị ọza ẹnị ẹẹva aanị ana yà ịnị ẹkụra ọnya aanị. Ọnya vị opisa dị ọsa ọnị vị onosiye nị.

2 Ịsamụwẹrị 12:1 Referans Kwoze

2 Ohinọyị 1:3

Ama anggẹẹrị Ẹnẹyịmavara ộ kà a yị Erija ana vị ọnịsẹ hụrị ẹtẹ Itisibi ka, ò ne tu ọnụtụ ohinọyị Ahaziya ẹnẹnị, dị ọ̀ họ̀ wa ka: Sị ẹ vẹ di e si hu aà naa zama ẹtẹ idi Ịbaarị-Izebubi, ori Anekironi nịnị? Ọ kà agụvị ka ê rò o ka ẹ yị nyị ori ịnị ẹtẹ Ísirẹrị wáá yọ?

1 Ohinọyị 18:1

Ộ dà kù eni Erija maanị hụrẹ yà ịda ọnẹẹ ọnọọ, ẹkụhị ọnya dị Ẹnẹyịmavara va kà ịrẹyị yị Erija nị. Ịnị ụmẹ ọnọọ ọ sị mẹ ịrayị ẹẹta ọnị ọyị hụrẹ jị. Dị Ẹnẹyịmavara kà a yi Erija dị ọ ka, “Na, dị wa sị ẹngụ awụ na zụ̀ Ahabị, ka mị vaa zụ̀ orihi hi ẹtẹ.”

1 Ohinọyị 13:1

Ẹkụhị ọnya di Ijerobowami hịrẹ nọ aha ịsọvọ ka ọnị ọ̀ na rị eturare ịra mẹ̀ ịsọvọ nị. Ọ mẹ̀ vavọọ yà ịzọọ, di o vene re ka ọza Ohomorihi ọnya aanị ộ hụrẹ Ijuda vẹ nị. Â nyị ịrẹyị ẹnị Ẹnẹyịmavara sị tụ́ ọza ọnọọ ka ọnị ọ̀ kà yị aza ene hi Ịbẹtẹrị.

2 Ịsamụwẹrị 14:14

Yèe wusu vị ị sị mẹẹ anka enyi ana à và hi ẹtẹ avọọ nị. Ọza ọ yị kụkụ kụ́ ọ varẹma. Ohomorihi ọ mà sị ọza kwooze, ama ọọ̄ mẹ ariro ka aza ana a dụ kwooze, asị ọnị dụ ọ ọza ọnọọ hụrẹ ẹngụ.”

2 Ịsamụwẹrị 11:25

Di Idevidi tụ́ ọnụtụ ọnọọ ohi dị ọ ka ọ̀ kà a yi Ijowabi ka asị o du ayị. Ọ kà ọza ọ mā yẹ ọza ene vee sú ịnị ịrẹkụ. Dị ọ rẹ ka ẹ̀ dà pè ẹkụra ọnọọ dị ẹ wụ̀ wa và ha. Ọ kà ọ̀ vavọọ kà a yi Ijowabi dị ọ sị tụ́ ọ ọtụtụrụma.

2 Ịsamụwẹrị 7:17

Ịzẹyịza dị Inatanị maanị na kà avaba ịrẹyị oni o re aanị yị Idevidi nị.

2 Ịsamụwẹrị 12:2

Opisa ọnọnị ộ nyị imaaru ọnị atẹmẹ ẹtẹẹtẹrẹ

1 Ohinọyị 1:8

Ama Adonija ọ yị sị ịrẹyị ọnọọ pè aza ẹnẹnị gẹ eyi: Ịzadọkị ana vị ohirẹsụ irehi Ohomorihi, Ịbẹnaya ozi Ijehoyada, Inatanị ana vi ọnịsẹ ne beri Isimeyi ọnịrị Ireyi. Ẹnị ẹnẹnị vi isoja ana yà pè Idevidi.

1 Ịtọpa 29:29

 chẹrẹ ịtọpa ohinọyị Idevidi hụrẹ ụmẹ oni o si nyima na ngụ ẹzẹtẹ tụ ini iwe ọnịsẹ ẹẹta ẹnẹnị: Ịsamụwẹrị, Ịnatanị, ọnịrị Ịgaadị.

Ayịsaya 39:3

Dị ọnịsẹ Ayịsaya ne tụ ohinọyị Ihezekaya, dị ọ họ̀ ọ ka ịzị aza ẹnẹẹ hụrẹ vẹ? Ịsị ẹ ka yọ? Dị Ihezekaya kà Ịbabịrọnị, aha ene noze ẹ hụrẹ vẹ nị.

1 Ohinọyị 4:5

Azariyahụ ozi Inatanị ọnị vị ọga Ịgọvọnọ ẹkụra eweyi-eweyi. Ohirẹsụ ịrẹsụ irehi Ohomorihi ana aā hị́ Izabudi ana vi ozi Inatanị ọnị vị ọta ohinọyị.

1 Ohinọyị 21:18

“Kwẹẹtẹ, di we chi na gẹrị Ahabị ana vi ohinọyị Anisirẹrị ana ra Ịsamarịya. Ọ na sị ngụ ịnị ụbazị Ịnabọtị, o si hu aa naa sị ụbazị ọnọọ, dị ọ̀ sị mẹ aanị.