2 Ịsamụwẹrị 11:2 - IWE ỌNỊNỊ

² Ini oruva ẹkụhị ọnya di Idevidi ohinọyị kwẹẹtẹ hụụnị ịbẹẹdị anị, dị ọ hịrẹ nọ ịrẹsụ írehi anị, dị aa zị ụsẹ ịzọọ nị. Ọ mẹ̀ vavọọ yà ịrẹsụ irehi anị, di o re ka ọnẹẹ ọnọọ, ô zoza pooro ee.

2 Ịsamụwẹrị 11:2 Referans Kwoze

Imatiwu 5:28

Ama ẹma kà a wụ nịnị nị ka ọza ene èe re ọnyẹnẹẹ, di eyi anị ọ̀ yị hụụnị ẹngụ anị nị, ọ raà sị ayị anị pee sẹ̀ ịrẹka da.

Ahẹ Ụgama 119:37

Gụ mị ụvọ dị ma sị eyi hụụnị ịrẹyị kẹnẹ-kẹnẹ. Navọ dị wa sị ayị amị tụ́ ịnị ịrẹyị awụ.

1 Ịjọọnụ 2:16

Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị.

Odeyi 10:9

Eyinẹhẹ anị, aza ẹnẹẹ màa na, ẹyaa vaa ngụ Ịjọpa. Ịnị ẹhụụ ụmẹ agogo ẹwụrẹva, dị Ipita hịrẹ nọ ịrẹsụ irehi ka ọnị ọ̀ na mẹ̀ aduwa nị.

Ụhịrẹyị 6:25

Asị ụ zẹ ka uzoza anị ọ dọ wụ ayị. Asị ụ zẹ ka eyi ọyịmẹ̀ anị o vene wu ngụ ọ ụvọ.

Ijoovu 31:1

Ijoovu ka ọnị ộ hị́ eku ka ọnị ẹ yị vaa sị eyi pe ozi ọnyẹnẹẹ.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

Ụhịrẹyị 31:30

Uzoza ọ zụ vene ọza o, ọ vaa sa, ama ọnẹẹ ana nyị angwahi Ẹnẹyịmavara vị ana vọrọ ka àa ga.

Iwe Ọhụhị Imosiisi ana aa hị́ Ọyịvatụrọda 22:8

Wàa da irehi ọwọọwa, re ka wa sị ịsa kara ụtụtọ ịrẹsụ irehi. Ẹ yị nyị awụ rị ọza òo ne zina di o su nị.

Oyinyima 3:6

Ịzẹyịza ọnẹẹ ọnọọ ô re ka ẹtụtụ ọchị ọnọọ ọ rụra rị. Ô re ka ộ ngụ ọza eyi, o re ka ọ zụ mẹ ka eyi ọza ò hweyi ọ mẹ ka o zee e eyi hu avọọ ọ sị ẹtụtụ anị dị ọ rị ọ nị. Dị ọ rẹ sị ịnị anị yị ọva anị nị dị ọnị rẹ rị ọ nị.

Imatiwu 10:27

Ịsị màa kà wụ nịnị ịnị ịrahụ, na kà a nịnị ụmẹ ọọdụ! Ịsa àa tangwa were kà chire wu nịnị ụtọ, na jẹẹ ịrẹsụ irehi, dụ wa nọ̀ ọ nịnị!

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

Ụhịrẹyị 19:15

Onuworo vị ana sụ ara pooro, ọza ẹnẹ nyị ana a mẹ̀ vị ọnị ụngwẹ kụ.

2 Ịsamụwẹrị 4:7

Ụmẹ ẹnị ẹ vavọọ si were ngụ eehi, ara ọ sị Isibọsẹtị dọ tụ́ ịnị ịbẹẹdị anị ini eehi. Ẹ́ mẹ̀ sị ọ wụ, dị ẹ jị ọ ịrẹsụ dị ẹ sị ịrẹsụ anị di e si zwe nị. Avaba ịrahụ ịhị ọnọọ ẹ sị zị ụsẹ, dị ahịka oze Araba ẹ zị nị.

Oyinyima 34:2

 nyị ọza ịnya aanị ana aā hị́ Ihamori. Ọnị ọ vị ohinọyị ẹkụra ọnọọ nị, dị ahịka Anihivi ọ vị nị. Ộ nyị ozi ọnya ana aā hi Ịsẹkẹmị, Ịsẹkẹmị mè re Idina,

Oyinyima 6:2

Ụmẹ ọnya anggẹẹrị ẹnyị ee re ka ezi anẹẹ ana aza ma ê zoza. Dị ẹ ọzọza nyị ene zee wa eyi dị ẹ sị mẹ ose ẹnịnị nị.

2 Ịsamụwẹrị 4:5

Ẹkụhị ọnya, dị Irekabi ọnịrị Ibaana ezi Irimoni ana vị Anịbẹẹrọtị si hu aa nọ ini eehi Isibọsẹtị nị. Dị ahịka ụmẹ ọọdụ gaaga ẹ sị na ngụ ịzọọ nị. É mè tù ịzọọ, di e ne tù ka Isibọsẹtị hụtụ aa kụ́ areyi ọọdụ nị.

1 Ịsamụwẹrị 9:25

Ẹ mẹ̀ raà hụrẹ aha ịsọvọ ọnọọ chi vẹ, dị Ịsamụwẹrị ọnịrị Ịsọọrụ nọ ịrẹsụ irehi dị ẹ naa kà ịrẹyị nị.

Oyinyima 39:6

Di Ipotihwa kụkụ hụrẹ avaba ogu anị ụvọ yị. Ijosẹẹhụ ka ò sị eyi pè e nị. Ọ yị kụkụ hụrẹ ayị ịnẹ ogu anị ọnyọọnyị à yị vị ịsọyịrị anị kẹnẹ. Ijosẹẹhụ ô zoza ẹtẹẹtẹrẹ. Ọza òo re e, vị aa va a nị.

Imatiwu 24:17

Ọza ana àa yà ịrẹsụ irehi, asị o chí nọ ini eehi na sị ịsọnyị-ịsọnyị!

Oyinyima 12:11

Abụramị màa vaa ngụ ịnị ẹtẹ Ijipiti dị ọ kà a yi Isarayi ose anị dị ọ ka: Ọnị ộ yẹ ka ô zoza ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 5:21

Asị ụ mẹ eyọhụrẹ dị waa dọ ose ọza nyị. Asị ụ mẹ eyọhụrẹ hi irehi ọza, aa vị aarẹ ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru, àa vị ịkẹrịkẹtẹ. Asị ụ mẹ eyọhụrẹ hi ịsa tụra ịsa ọnị ọza ọ̀ọ nyị.

2 Ịsamụwẹrị 13:1

Ụmẹ ọnya yà ịzọọ â nyị ozi Idevidi ọnọrụ ọnya aanị ana aā hị́ Abịsarọmị. Abịsarọmị ọnọọ ộ nyị ọyịnyara ọnya ana vị ọnẹẹ. Ịrẹha anị ọ rị Ịtama nị. Ô zoza ẹtẹẹtẹrẹ. O si kù ọnị ịrẹyị Idevidi ọnịrị Ịbatịsẹba mẹ dị ịrẹyị ọnị maa vaa kà aanị mẹ. A rẹ nyị ozi Idevidi ọsa ana aā hị́ Amịnọnị. Amịnọnị vị adẹnyara Ịtama, dị ọ nyayịnẹ sì ịrẹyị Ịtama nị.

2 Ịsamụwẹrị 14:27

Abịsarọmị ộ ma ezi anọrụ ẹẹta beri ozi ọnẹẹ ọnya. Ịrẹha ozi anị ana vị ọnẹẹ ọ rị Ịtama nị. Ịtama ô zoza ẹtẹẹtẹrẹ.

Ụhịrẹyị 7:8

Ọmụha ọnọọ vị ana aa parahu akaha irehi ọnyẹnẹẹ ọnya aanị, oze ọnọọ ọ gụrị irehi anị.