2 Ịsamụwẹrị 1:21 - IWE ỌNỊNỊ

²¹ Ẹwụ ataba Igibiya eguhi o mē vene chire hi wu di ò ve si tù orihi oo. Ẹwụ ataba Igibiya, wẹ mā vana mẹ̀ ịsa ana aā sị ịnị anị naa yị Ohomorihi pàá. Ịzọọ a yà du ogonto ọka isoja ayị ẹngụ nị, asị a kụkụ nyị ọza ana aa sị angwẹ sisi ogonto Ịsọọrụ oo!

2 Ịsamụwẹrị 1:21 Referans Kwoze

1 Ịsamụwẹrị 31:1

Anihwirisiti ẹ raà gẹ Anisirẹrị ịrẹkụ. Anisirẹrị ee zwe, dị a wụ̀ aza ẹnyị ẹnịnị hi ẹtẹ ịrẹsụ ataba Igiribowa nị.

Ayịsaya 21:5

Ịnị ẹtẹ ọnị mị vavọọ re, mê re ka a kụ́ ịsọyịrị tenyi hi ẹtẹ. A rẹ kụ́ aha ana aza vaa yàa tenyi hi ẹtẹ. Dị aza nyima dị ẹ yaa rị di e re yèe hú nị. Dị mị vana wụ́ ka ê nowu ka, “Ẹwụ nịnị isoja, tenyi ogonto awụ nịnị!”

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

Ijowẹrị 2:14

Èe ro ịnẹ, ẹyịyara ọnị ana vị Ohomorihi ẹnịnịị vaa va ahụ vẹ ịrẹma, dị ọnị mẹ̀ ka o zee yị wa, dị akụ ọnịrị eche o zoza, dị ẹ zụ sị akụ ọnịrị eche va mẹ̀ ịsọvọ yị ọnị.

Ijowẹrị 1:9

Ẹ yị nyị ayị̀ ọnịrị eche ana aa sị vẹ ịnị irehi Ẹnẹyịmavara. Dị Ohirẹsụ irehi Ohomorihi nịnị aa zị ẹngụ ka ẹ yị nyị ịsa ịsọvọ yị Ẹnẹyịmavara nị.

Ezikẹẹrị 31:15

Ẹnẹyịmavara Ochẹtẹẹngụ ka, ịhị ọchị ọnọọ ọ̀ọ́ vaa nọ iro aanị, ọnị vaa mẹ ka enyi ene hi iruvo ẹtẹ ọ̀ mụnẹ ẹ. Ọnọọ vaa sịị zụ ka, aa zị ẹngụ anị. Ọnị vaa mẹ ka asị irehu ọnịrị okuha ọrụrụ-ọrụrụ kuku sì tụ ẹhẹ. Ọnị vaa mẹ ka ịrahụ ọ̀ za ataba ene hi Ịrẹbanọnị dị ọnị mẹ ka avaba ọchị è sú, agụvị ka ọchị ọbanyị ọnọnị ô wusu.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

1 Ịtọpa 10:8

Eyinẹhẹ ana maanị kụ̀ ịrẹkụ, dị Anihwirisiti nịnị ẹ na kụ avaba ẹnya aza ẹnẹ ẹ wụ nị. Ẹnịnị ê re oku Ịsọọrụ ọnịrị oku ezi anị ka e hi ẹtẹ ịrẹsụ ataba Igiribowa.

1 Ịtọpa 10:1

 nyị ụmẹ ọnya ana Anihwirisiti nịnị ẹnịrị Anisirẹrị nịnị sị kụ́ ịrẹkụ ịrẹsụ ataba Igiribowa.  wụ Anisirẹrị nịnị ọrụrụ-ọrụrụ ịzọọ, dị ẹnị ana vọ zwè nị.

Ọdọvịdị 5:23

Anggẹẹrị Ẹnẹyịmavara kà a tụ́ ozirenu hi Imerozi. Nyayịnẹ tụ́ ozirenu hi aza ana ra ịzọọ, Ẹnịnị ẹ yị vaa gụ Ẹnẹyịmavara ụvọ, anka isoja, dị ẹẹ kụ́ ịrẹkụ yọ.

Ahẹ Isoromọnị 4:4

Ọrọkọ awụ vị ana jẹ ga anka irehi ọgọdọ ọnị Idevidi dà ka aa kụ ẹnya ịrẹkụụ hị́ avọọ. Aa yooro aanị; dị ọswa nị. Ịsọbẹ awụ sị mẹẹ anka ogonto tuturutu ana a kụ gẹ ịnị irehi ọgọdọ ọnọọ avọọ nị.

1 Ịsamụwẹrị 31:8

Eyinẹhẹ anị, dị Anihwirisiti na ka ẹnị ẹ̀ na ngwa awuru isoja ene su nị. Ẹ mẹ̀ na, di e ne tù ka Ịsọọrụ ọnịrị ezi anị ẹyịta ê wusu va hi ịnị ataba Igiribowa nị.