2 Ịsamụwẹrị 1:17 - IWE ỌNỊNỊ

¹⁷ Ahẹ ọnọnị Idevidi jị ọnị ọ sị jị òrèrè Ịsọọrụ ọnịrị Ijonatani ozi anị nị.

2 Ịsamụwẹrị 1:17 Referans Kwoze

2 Ịtọpa 35:25

Ijeremaya ana vị ọnịsẹ ộ chẹrẹ ahẹ ọnị ọ sị zị ẹngụ anị. Ahẹ ọnọọ aza vị ana aa jị zị ẹngụ usu anị hụrị ụmẹ ọnọọ. Â chẹrẹ ahẹ ọnọnị tụ́ iwe ahẹ orere.

2 Ịsamụwẹrị 1:19

Anisirẹrị oo! a kụ́ ọdọvịdị awụ wụ ịrẹsụ ataba Isoja ayị ọkọọka ê wusu

Oyinyima 50:11

Ịjị Anikenaani ene hị́ ịnị ẹtẹ ọnọọ vavọọ re ka aza ẹnẹẹ vavọọ aa zị ẹngụ ịnị ẹkụra Atadi ịzị a yàa tụ́ ịsa, dị ẹ ka, “Ịrẹyị ọnọnị ộ dà zị Anijipiti nịnị kẹnẹ. Wáa wụ́ e mèe sụ ùnè.” Agụvị avọọ dị a kụkụ aa hị́ ịzọọ Ẹba Imizirayimi ịzị Anijipiti yà ee sụ ùnè. Ịzọọ vị ana yà ịzị ọyịị̄ zịị hụrẹ Ijodani.

2 Ịsamụwẹrị 3:33

Ahẹ oni ohinọyị sị jị òrèrè Abịna yị: “Áá vọrọ ka Abịna ò sú anka ọnụra avọọ?

Ezikẹẹrị 32:16

Ịrẹyị ọnị ọnị tangwa aa kà wa ọnọ anị aanị, vanaa vara oreree yị wa. Anyẹnẹẹ ene hi ịnị ẹkụra vaa sị jị òrèrè agụvị Ijipiti ọnịrị aza ana ra hi ịzọọ. Ọnị, Ẹnẹyịmavara Ochẹtẹẹngụ ọ ka avọọ nị.

Ahẹ Ụgama 35:14

Aduwa vị ọnị maa mẹẹ yị wa anka èe rere vi ọta amị à vi ọyịnyara amị avọọ Maa hụ agụvị ẹnịnịị jị òrèrè anka ọza òo rere aa jị òrèrè ọnyị anị avọọ.