2 Ịsamụwẹrị 1:16 - IWE ỌNỊNỊ

¹⁶ Di Idevidi ka, “Wèe sú, ẹwa rị ịvị ẹngụ awụ nị. Ịrẹyị ọnị ẹwụ ụvọta kà vi ivenu, ka ẹwa wụ̀ ọza ọnị Ẹnẹyịmavara nyị mẹ ohinọyị nị.”

2 Ịsamụwẹrị 1:16 Referans Kwoze

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Iruuku 19:22

Dị ọga anị kà a yọ ka: ‘Ẹwụ ozi ahụ odivi ọnọnị! Ịrẹyị irenu awụ m maa sịị mẹ̀ ọkarẹyị awụ nị. Wâ yẹ ka ọza ọkatẹngụ mị vị nị; dị maa sị ịsa ọnị mẹ̀ yị sị tịtẹ, dị mị raa há ịsa oni mè yi chire nị.

Ireevi 20:9

Ẹnẹyịmavara ộ mẹ̀ ẹ ọda ka, ọza tụra ọza anaa kụ́ ada anị à vị ọnyị anịị ụhụ, à wụ̀ ọ. Ọza ọnọọ o si ẹngụ anị isu nị. À sị a nyị ọza ana á tụ ohuvọ.

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

Ụhịrẹyị 6:2

ịrẹyị irenu awụ aa vị ịrẹpa za wụ nị.

1 Ohinọyị 2:37

Ịhị àa vị ka wâ jịnẹ tụ́ ẹhẹ, dị wụ para okuha Ikidironi hu, yẹ o ka vi wee sú nị! Wèe sú, ẹwa vaa rị ịvị ẹngụ awụ.”

2 Ịsamụwẹrị 1:10

Di ozi ọnọrụ ọnọọ ka dị ọnị va na, dị ọnị wụ ọ nị, agụvị ka ọnị ộ yẹ ka ọ mẹ̀ nọ ẹtẹ avọọ, ọ yị kụkụ va zụụ rị ọ, vi ee sú nị. Ọ kà dị ọnị kụ́ amu ohinọyị ọnị Ịsọọrụ kú ne beri ịsị ọ kụ́ hi ụvọ, dị ọnị kụ́ wa va yị Idevidi aanị nị.

1 Ịsamụwẹrị 26:9

Di Idevidi ka asị ọ wụ̀ ọ. Ọ kà ọza ọ́ọ́ nyayịnẹ sị ụvọ kanyị ọza ọnị Ẹnẹyịmavara sị nyị dị asị ọ rị ịvị?

Ijosuwa 2:19

Ama ẹnẹ yị vaa nyị ụvọ tu ịnị usu ọza tura ọza ana aa jịnẹ hụụnị ịnị irehi ọnọọ tụ́ ẹhẹ ịnị ụpatẹsị nị.

Odeyi 20:26

Dị ma kà a wụ nịnị ajịnị ka ọza ene èe kuku ne vu ẹtẹ, ẹ yị nyị ụvọ amị rị ịnị anị.

Ezikẹẹrị 33:5

Ka â kà a ọnọ, ama ẹ́ yị wụ, ọnị a vaa tụ́ ohuvọ nị. Ọ̀ọ sere ẹngụ anị á mẹ kà a ọnọ, ẹ́ yị yaanị sú.

Ezikẹẹrị 18:13

Ọọ sị ẹkẹhị rèré ọza, dị ọ dọ ọtụrọsarẹsụ rawụ-rawụ tụ ọ. Ẹngụ aza ẹnẹẹ ẹ́ẹ́ zụ yara? Eyiye. Ẹ́ yị zụ yara o. Ẹnẹyịmavara kà agụvị ka ộ mẹ̀ ịsị ẹnẹnị anaa nyị ọnị ịhyẹrẹ aanị, vị́ a vaa wụ̀ ọ, dị ọnị ụvọta rị uru ẹngụ anị nị.

Ijoovu 15:6

Ẹ yị kụkụ nyị ka ọnị ọ jị ịvị yọ. Irenu anị ọ raa jị ịvị yọ da.

Ọdọvịdị 9:24

Dị Ohomorihi navọ ka ọ vavọọ mẹ dị ọ sị họ̀ oponu ịrẹyị odivi ezi Ijeru-Ibaari ẹtarẹwụ ọ nị Abimẹrẹkị sị ayịchama wụ.

Iwe Ọhụhị Imosiisi ana aa hị́ Ọyịvatụrọda 19:10

Vavọọ mẹ̀ ẹ agụvị asị a rẹ wụ̀ aza ẹnẹ ẹ yị nyị ịsị ẹ mẹ̀ va ha kẹnẹ-kẹnẹ, dị ịvị anị ọ vaa ẹnya tụra awụ nịnị ịrẹsụ ịnị ogu ẹtẹ ọnị Ohomorihi sị yị wụ nịnị.

Ireevi 20:27

Ọnọrụ ọnyọọnyị à vị ọnyẹnẹẹ ana àaa na họ̀ usirẹyị hụụnị ụvọ ụhwẹ aza ene sú, vị ana vaa sị ịrẹta-ịrẹta wụ. Ọza ana àa mẹ ẹngụ ịsa ọnọnị o sì ẹngụ anị isu nị. À sị a nyị ọza ana tụ ohuvọ.

Ireevi 20:16

Ọnyẹnẹẹ ọnịrị ịsụpa ẹ̀ẹ sụ, à wụ ẹnị ẹyịva. Ẹnị e sị ẹngụ ẹnịnị isu nị. À sị a nyị ọza ana tụ ohuvọ.

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

2 Ịsamụwẹrị 16:8

Wa raà dọ Ịsọọrụ ohinọyị, dị wụ̀ avaba aza anị vaka nị. Ọnị Ẹnẹyịmavara aa sii họ̀ wụ aanị nị. Ẹnẹyịmavara ọ raà dọ wụ ịjọva ọnọọ yị Abịsarọmị ozi ewu. Ịrẹyị odivi ô tù wu ịrẹsụ agụvị ka ọwọza ụ vị nị.”

1 Ịsamụwẹrị 25:39

Idevidi ộ wụ ka Ịnabarị ô wusu. Dị ọ ka, “Ẹnẹyịmavara, avọ. Wa raà sị zụ̀ ka ẹ yị nyị m mẹ̀ mẹ Ịnabarị dị ọ vavọọ mẹ̀ ụhị nyị mị. Wẹ rẹ vaa zẹẹ ka ma mẹ ịrẹyị odivi. Ịsa odivi ọnị Ịnabarị mẹ ọ raà chị kú ọ ịrẹsụ.” Di Idevidi tụ́ hi Abigẹrị ka ọnị aa nyị ọ nị.