2 Ịsamụwẹrị 1:10 - IWE ỌNỊNỊ

¹⁰ Di ozi ọnọrụ ọnọọ ka dị ọnị va na, dị ọnị wụ ọ nị, agụvị ka ọnị ộ yẹ ka ọ mẹ̀ nọ ẹtẹ avọọ, ọ yị kụkụ va zụụ rị ọ, vi ee sú nị. Ọ kà dị ọnị kụ́ amu ohinọyị ọnị Ịsọọrụ kú ne beri ịsị ọ kụ́ hi ụvọ, dị ọnị kụ́ wa va yị Idevidi aanị nị.

2 Ịsamụwẹrị 1:10 Referans Kwoze

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Ọdọvịdị 9:54

Obobooro ọnọọ, Abimẹrẹkị hị́ ọza ana aā kụ ẹnya ịrẹkụ anị gụ ọ ka ọ tụ ụ̀hwọ̀ anị dị ọ wụ ọnị. Ọ kà a mẹ vaa wụ́ ka ọnyẹnẹẹ ọ wụ ọnị nị. Ịzẹyịza dị ozi ahụ anị ọnọọ jị ụhwọ ngụ ẹngụ dị ọ wụ̀ ọ nị.

2 Ohinọyị 11:12

Dị Ijehoyada va sị Ijowasi tụ ẹhẹ nị. Ộ sị ọkẹkẹrẹkụ ohinọyị ku ọ, dị ọ sị iwe ọda ana a sị mẹ ohinọyịị yọ nị. Â va angwẹ hi Ijowasi ịrẹsụ, dị ẹ nọ̀ọ ka ọnị ọ vị ohinọyị nị. Aza ệ kụ̀rà ụvọ, di e nowu ka: orubo ọcha, orubo ẹya o, ẹwụ ohinọyị!

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

2 Ịsamụwẹrị 12:30

Dị ẹ dọ wa amu ohinọyị ẹnịnị dị ẹ sị kú Idevidi ịrẹsụ nị. Amu ọnọọ ộ rata, Igooru a sị mẹ̀ ẹ, dị a kụ́ ịrẹta ọkatarihi hi ọ nị. Idevidi ô kụ́ avaba ogu ọkatarihi hụụ ịzọọ.

1 Ịsamụwẹrị 22:18

Di ohinọyị kà yị́ Idowegi ana vị Anedomi ka ọ vara eyi, dị ọ̀ va ịsa hi ohirẹsụ irehi Ohomorihi ẹnẹẹ ẹngụ nị. Ịzẹyịza dị ọ va ịsa hi ohirẹsụ irehi Ohomorihi ẹnẹẹ ẹngụ, dị ọ wụ̀ wa nị. Ịhị ọnọọ aza ọnị ọ wụ vị ẹnị ẹbẹẹna tụra ẹẹhị. Avaba ẹnị ẹnẹẹ vi ene eē chire ịharamịra ana a sị ịta ozoza hi.

Ọdọvịdị 1:7

Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.

2 Ịsamụwẹrị 1:9

Dị ọ ka Ịsọọrụ ọ va kà a yị ọnị ka aarịhịnị ọnị ọ̀ vẹ dị ọnị ọ̀ wụ̀ ọnị Ịsọọrụ, ka ọnị aa tịị tụ́ ụhwẹ, ama a sị ọnị tụ̀ ụnava odivi, oni ee vee sú.

2 Ịsamụwẹrị 1:16

Di Idevidi ka, “Wèe sú, ẹwa rị ịvị ẹngụ awụ nị. Ịrẹyị ọnị ẹwụ ụvọta kà vi ivenu, ka ẹwa wụ̀ ọza ọnị Ẹnẹyịmavara nyị mẹ ohinọyị nị.”