2Ipita 3:4 - IWE ỌNỊNỊ

⁴ dị ẹ ka: Ijeesu ka ọnị vaa vaa vẹ, ịzị ọ va yà booro aanị? Áda ayị nịnị me hụrẹ sú, ẹhẹ mẹ̀ yà hụrị ụmọrụmọ, ọ yị yà nị.

2Ipita 3:4 Referans Kwoze

Ijeremaya 17:15

Ọ kà aza aa họ̀ ọnị use ka, ịzị avaba oto ọnị Ohomorihi ee wo hi ẹnị ịhị ọnọọ ya? Ẹ ka à naavọ ọ̀ va mẹ̀ ẹ booro aanị.

Ịmarakayị 2:17

Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?

Iruuku 12:45

Ama àa vị ozi ahụ ọnọọ kà a ịnị ayị anị ka: ‘Ọga amị ee kù ọyịvẹ’, di o nyima di ee tụ́ ozi ahụ anọrụ ẹnịrị anẹẹ ana vọ, dị aa rị, di ee hú, dị aa mẹrị eche nị,

Ịrẹyị Ọzwọzịsa 8:11

Dị ọnị ka agụvị ka aza anaa mẹ̀ ịsa odivi ẹ ma hụra rị ụya anị ọ mẹ ka aza ẹẹ mẹ̀ ẹ hu avọ nị.

Imatiwu 24:48

Ama àa vị ozi ahụ odivi ọnọọ kà a ka: ‘Ọga amị ee kù ọyịvẹ’,

1 Anịtẹsaronika 2:19

Sị ị daba sị eyi tụra? Sị aa mẹ ka yaa jẹ? Sị ẹ vị ọgụ ayị ọnị yaa sịị mẹ ụbanyị ọvịdị Ijeesu Ikirisiti Ananyị yị, ọ̀ọ vẹ? Ẹyị vị ẹwụ nịnịị?

Oyinyima 19:14

Dị Ịrọọtị jịnẹ dị ọ maanị na kà a yị ọyẹ anị ana aa vaa nyị ezi anẹẹ anị. Dị ọ ka, “Kwẹẹtẹ we zwe hụụnị ẹkụra ọnọnị nịnị ka Ẹnẹyịmavara ee vee vu ẹkụra ọnọnị ẹtẹ.” Dị ọyẹ anị ẹnị ee ro o ka vị aa mẹ̀ isiya nị.

Ịmaakị 13:19

agụvị ka ịhị ọnọọ, ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị; a mā rẹ vana vavọọ nyị ị́rẹma anị.

Ịrẹyị Ọzwọzịsa 1:9

Ịsa anaa mẹ booro aanị ọ vịdị sị mẹ da. Ịsị ana mẹ booro aanị, á rẹ vanaa mẹ nị. Ẹ yị nyị ịsị ẹ vị ọwọọwa ịnị ẹhẹ ọnọnị.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

Ezikẹẹrị 11:3

Ẹnịnị ka, ẹ́ yị nyị aa jẹẹ, dị ẹnị ẹẹ varẹma dà irehi. Ẹ ka Ijerusarẹmị vị ana sị mẹẹ anka ụnọkọ ana a sịị̄ mẹ̀ ịsa, dị ẹnị vị uye ene hi ịnị anị nị. Ama ụnọkọ ọnọnị ẹ́ yị zẹẹ ka ịra ò tu ẹnị.

Ịmaakị 10:6

Hụrẹ ụmọrụmọ Óhomorihi mẹ̀ hụrẹ mẹ ẹhẹ, ọ mẹ ọnọrụ ọnịrị ọnẹẹ nị.

Imatiwu 24:28

Agụvị ka ịzị oku ọ̀ọ yà, ịzọọ ụ́ba nịnịị̄ kụ́ụ gụ nị.”

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Odeyi 7:60

Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

2Ipita 3:12

Wee zi ẹkụhị ana Ananyị yị vaa sị vaa vẹ nịnị! Sị vụrị dị u we ré ka ẹkụhị ọnọọ óo jintu vẹ nịnị! Ịhị ọnọọ, ẹbẹẹba vaa rị ịraa vàa ha, avaba ịsa ene hi ẹbẹẹba ọnịrị ẹhẹ vị ana vaa rị ịraa ha bemi-bemi.