2Ipita 3:15 - IWE ỌNỊNỊ

¹⁵ Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị.

2Ipita 3:15 Referans Kwoze

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

2Ipita 3:9

Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.

1 Itimoti 1:16

Agụvị avọọ Ohomorihi va vayị amị nị, agụvị dị Ijeesu Ikirisiti ò re oze sị zụ̀ aza ka ọnị ọ́ọ nyị isuuru ẹtẹẹtẹrẹ, ịnị ka ộ nyị isuuru yị ẹmị ene divi hu avaba aza. Ọnọọ vaa mẹ ka aza anaa vanaa sị ayịị tụra, dị ọ̀ mẹ ka ẹ̀ yàra pooro zịna-zịna, ẹ̀ zụ kọ ịrẹyọyẹ hụụnị anị.

1Ipita 3:20

Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Odeyi 15:25

Ị mẹ̀ gẹ, avaba ayị ộ dọ ka ô zoza ka ya tụ́ hi wu nịnị. Agụvị avọọ ị nyị aza, dị ị tụ́ wa saasa Ịbanabasị ọnịrị Ịpọọrụ nị. Yee sì ịrẹyị ẹnịnị ẹtẹẹtẹrẹ.

1 Anịkọrịntị 2:13

Agụvị avọọ, yàa kà ịrẹyị ịsa ẹnẹẹ, yẹ yị sị ịrẹyọyẹ aza kà a. Ama ịrẹyọyẹ ọnị Ụhwẹ Ọnịnị sị zụ̀ yị, ị yaa sịị kà a nị. Ini oze ọnọọ, dị yaa kà ịrẹyị ịsa Ohomorihi yị aza ana nyị Ụhwẹ Ọnịnị.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ẹzịra 7:25

Dị Atazazasisi rẹ ka, “Ẹzịra ọ sị ịrẹyọyẹ ọnị Ohomorihi sị yị ọ nyị ọdọvịdị ọnụkọrọ ana vaa mẹ ịjọva ẹtẹ ọnọọ nị. Dị aza ẹnẹẹ ẹ̀ vị aza ana yẹ ọda Ohomorihi dị ẹ zụ zụ ọ yị aza ana vọ.

1 Ohinọyị 4:29

Ohomorihi ộ sị ịrẹyọyẹ yi Isoromọnị ẹtẹẹtẹrẹ. Ộ yẹ ịrẹyị obodaasụ ana ahịka ẹ yị nyị ẹngụ anị.

1 Ohinọyị 3:28

Avaba Anisirẹrị mẹ wụ̀ ọkarẹyị ọnị ohinọyị mẹ̀, di o hi wa eyi agụvị ka ê re ka Ohomorihi ọ sị ịrẹyọyẹ yọ ana aā sịị mẹ̀ ọkarẹyị nị.

1 Ohinọyị 3:12

Re! Ịsị u họ̀ use aanị, maa mẹ̀ ẹ wụ. Mị vaa sị ịrẹyọyẹ ọnịrị eyohweyi yị wụ. Ụ vaa yẹ ịrẹyị ana ahịka ẹ yị nyị ẹngụ awụ da. Ịrẹma awụ, ẹ yị mā rẹ vana nyị ẹngụ awụ.

Anẹhwẹsọsị 3:3

Ịsa oni Ohomorihi mẹ eto anị tịtẹ ene eyi ọza ọ̀ yị vịdị há tù, ọ raà sị zụ̀ mị saka-saka. Mâ vịdị raà chẹrẹ ịsa chee ini oze ịsa ẹnẹẹ.

1 Anịkọrịntị 12:8

Ụhwẹ Ohomorihi sị ịrẹyị ịrẹyọyẹẹ yị aza ẹnyị, dị ọnị ọnyọọnya rẹ mẹ ka aza ẹnyị ẹ̀ yẹ ịsa nị.

1 Anịkọrịntị 3:10

Ohomorihi ọ́ọ nyị ẹngụ anị iyi, dị ọ sị ụkata mị ka ma yà anka ọza ana zụ tụra irehi ẹtẹẹtẹrẹ. Ma raà ká irehi ẹtẹ, dị ọza ẹnẹsa ọnị aa tụraa tụ́ ọọ ịrẹsụ nị. Ama ọzọza ò sị eyi pee, ọ mẹmẹ aa tụraa tụ́ ọọ!

Odeyi 7:10

dị ọ dọ ọ tụ́ hụụnị avaba ụyọrị anị nị. Ohomorihi ộ sị ịrẹyọyẹ yị Ijosẹẹhụ, ộ mẹ̀ ka Ihwarawo, ọnị ọ vị ka ohinọyị Anijipiti ò sì ịrẹyị anị. Dị Ihwarawo sị Ijosẹẹhụ mẹ ọga Anijipiti ọnịrị avaba irehi anị nị.

Ọyịkụra 35:35

Ẹnẹyịmavara ọ raà sị ụkata yị wa ka ẹ̀ yẹ eyi ụkọrọ dị ẹ̀ yara mẹ ụna irenyi-irenyi. Ẹ yara si owu onivuru ọnịrị owu ana si ivuru ọnịrị ovivi pō enyi anị vabẹ ne beri owu ovivi dị ẹ sị mẹ̀ ụkọrọ tụ́ ịnị ịta. Ẹnịnị ẹ rẹ yara hi ịta ozoza irenyi-irenyi. Ọga ẹnịnị vị tụ́ ịnị ụkọrọ ụvọ nị.

Ọyịkụra 35:31

Ohomorihi ộ sị Ụhwẹ anịị yị Ibezareri dị ọ mẹ ò nyị ịrẹyọyẹ, di ò yẹ eyi ụkọrọ, dị ọ rẹ yara mẹ ụna irenyi-irenyi nị.

Ọyịkụra 31:6

Ma rẹ ra à nyị Ohoriyabi ana vi ozi Ahisamachị ka ọ̀ gụ ọ ụvọ. Ohoriyabi vị Anịdanị. Avọọ m mẹ̀ sị ịrẹyọyẹ yị avaba ọnụkẹkẹ ẹnẹẹ nị. Ẹnịnị vaa mẹ avaba ụkọrọ ọnọọ anka m mẹ̀ ka wa mẹ̀ ẹ.

Ọyịkụra 31:3

Ma raà sị Ụhwẹ amịị yọ ẹtẹẹtẹrẹ ka ọ̀ yẹ eyi ụkọrọ dị ọ̀ rẹ yẹ ịrẹyị dị ọ̀ zụ mẹ avaba ụkọrọ ana nyị ụkẹkẹ.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Odeyi 9:17

Dị Ananịya na, dị ọ ngụ irehi ọnị Ịsọọrụ yà, dị ọ sị ụvọ tụra a nị. Dị ọ ka, “Ịsọọrụ ẹnẹbẹnị ayị, Ananyị yị ọ tụ́ mị hi wu nọ. Ijeesu ọnị ụvọta m maa kà nị, ana sị ẹngụ zụ̀ wụ óze, ụ màa vẹ ịzẹnị. O ka ma vẹ, di eyi awụ ọ̀ varẹma há, dị Ụhwẹ Ọnịnị ọ̀ rẹ dọ avaba ayị awụ!”

2Ipita 3:2

Mee sì ka wa tamayị ịrẹyị ọnị ọnịsẹ ọnịnị nịnị kà ịyẹẹyẹ. Dị ụ wa rẹ tamayị ọda Ananyị yị Ọdọzaha, ana odeyi awụ nịnị aa kà a wụ nịnị.