2Ipita 2:4 - IWE ỌNỊNỊ

⁴ Anggẹẹrị nịnị mẹ̀ mẹ ịvị, Ohomorihi ẹ́ yị sị vayị ẹnịnị. Vị ọ sị wa, dị ọ kụ wa va hi ini ẹkụra ịra nị. Â sị ẹba sụ́ wa tụ́ ịnị ịrahụ ruma-ruma ịzọọ. Ịzọọ ẹ vaa yà pooro nee tù ẹkụhị ọkarẹyị nị.

2Ipita 2:4 Referans Kwoze

Ijudi 1:6

Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Aniroomi 8:32

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?

Ayịsaya 14:12

Ho! Ẹwụ ohinọyị Anibabironi ọnị ịra anị vịdị aa za anka ụzọmị etumeyọnị avọọ, ẹwụ ọnọọ a maanị tụ́ ụvọ hụrẹ ẹbẹẹba va nya ẹtẹ aanị nịị? Ẹwụ ọnọọ wáá yị, ana vịdị maanị mẹ ehuna yị anẹkụra?

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.

Ezikẹẹrị 7:4

Ọ kà ọnị ẹ́ yị vaa sị eyi kwooze yị wụ nịnị; ọnị ẹ́ yị vaa vayị awụ nịnị; ama ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara nị.

Iruuku 10:18

Dị Ijeesu ka, “Mê re, Échu mẹ̀ hụrẹ ẹbẹẹba anka ịnyanya avọọ.

Ezikẹẹrị 5:11

Ẹnẹyịmavara Ohomorihi ka, ọnị ọ̀ọ yị yá ịzọọ da, agụvị ka ẹwụ nịnị Anijerusarẹmị ọ́ raa sị ịsị edivi-edivi anaa nyị ọnị ịhyẹrẹ du irehi anị ẹngụ nịnị, ọnị ẹ́ yị vaa vayị awụ nịnị dị ọnị ọ̀ và wụ nịnị nẹtẹ.

Ijoovu 4:18

Ezi ahụ Ohomorihi ọnịrị anggẹẹrị nịnị ẹ̀ yịị ha,

1 Ịjọọnụ 3:8

Ama ọza ana àa mẹ ịvị, ozi Echu ọ vị nị, agụvị ka Echu vị anaā mẹ ịvị dị a va yẹ ka aa mẹ ẹhẹ. Agụvị avọọ Ozi Ohomorihi vẹ ẹhẹ ka oni ò ve vú ụkọrọ Echu ẹtẹ nị.

2Ipita 2:11

Anggẹẹrị nịnị ana hyakụ nyị ụkata huni onireche ẹnẹnị, ẹ́ yị hyakụ kà ịrẹyị odivi hi aza ẹnẹẹ ọ́vịdị Ohomorihi.

2Ipita 2:5

Anịyẹẹyẹ nịnị ẹnẹ ẹ̀ yị yẹ Ohomorihi, ẹ́ yị sị vayị ẹnịnị. Dị ọ sị ọhaara enyi kụ́ wa kwooze nị. Inowa ọnịrị aza ẹnị ịhịmba kẹnẹ ọ dọ há nị. Inowa vị anaā kà a yị aza ka ẹ̀ẹ mẹ̀ ịsa ana vọrọ eyi Ohomorihi.

Iruuku 8:31

Dị ụhwẹ echu ẹnẹẹ dá ịpẹ yị Ijeesu ka asị ọ dụ ẹnị na ngụ ini ẹkụra nị.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Ịmaakị 5:7

Di o nowu tụ́ ẹba nị, dị ọ ka, “Ijeesu, Ozi Ohomorihi ana ya ẹbẹẹba keekere, sẹ jị gẹ ẹmịrị ẹwụ? Aarịhịnị, mâ sị Ohomorihi dá ịpẹ wụ, asị ụ sị ụya rị mị!”

Imatiwu 8:29

Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

Ezikẹẹrị 7:9

Ẹnẹyịmavara kà ọnị ẹ́ yị vaa sị eyii kwooze yị wụ nịnị, Ọnị ẹ́ yị vaa vayị awụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka, ọnị ọ̀ vị Ẹnẹyịmavara anaa sị ụyaa rị wụ nịnị nị.

Ijoovu 21:30

ka aza edivi ẹ mā rị ụya Ohomorihi aa kụ ayị.

Iwe Ọhụhị Imosiisi ana aa hị́ Ọyịvatụrọda 29:20

Ẹnẹyịmavara ẹ yị vaa vagu ẹngụ ọza ọnọọ. Ọ nyayịnẹ vee du ayị hi ọ nị. Avaba odivi ana chẹrẹ tụ́ ịnị iwe ọnọnị vị ana vaa nọ ịrẹsụ anị pooro di o vu ẹtẹ saka-saka.

Aniroomi 11:21

Ohomorihi ọ̀ yị navọ avọ obooro, ọ zụ mẹ dị ọyị rẹ navọ ẹwụ nịnị.

Ahẹ Ụgama 78:50

Ohomorihi ô tenyi ẹngụ ka ọnị aa kụ́ ayị, dị ọ navọ ka ụkụ ọ̀ za wa dị ọ̀ wụ̀ wa nị.