2Ipita 2:18 - IWE ỌNỊNỊ

¹⁸ Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

2Ipita 2:18 Referans Kwoze

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

Aniroomi 13:13

à vẹ yaa zị ụsẹ ana vọrọ tụra aza ẹnẹ ẹ̀ yị zị ụsẹ ịrahụ! Asị ị rẹ̀ kụkụ dọ ọda eche ọyịrị pooro kẹnẹ! Asị i rè hú eche, dị ọ̀ọ mẹrị yị; asị ị rẹ̀ mẹ̀ ebira ịdọtị irenyi-renyi, àa vị ebira kẹnẹ-kẹnẹ! Asị ị rẹ̀ zyaazị; asị ị rẹ̀ rẹ kụ̀ ụhị!

Ijemiisi 5:5

Ama ẹwụ nịnị ọ́ọ ta dẹngụ, ụ maa kụ́ ịsaa rị, anka uye ana aa pá naa wụ; ama wẹ yị yẹ ka aa vaa wụ̀ wụ nịnị.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

Ẹtore 13:11

Me re re uye ịnị avị ọsa ana aa jịnẹẹ hụụnị ẹtẹẹ vẹ. Ọ́ọ nyị ọpanyị ẹẹva anka ọpanyị ozi atẹmẹ avọọ. Dị aa kà ịrẹyị anka uye odivi avọọ nị.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

Odeyi 8:9

Ịnị ẹkụra ọnọọ â nyị ọnọrụ ọnya aanị, ana aā hị́ Ịsayịmọnị. Ọnịvọpa ọ vị nị. Aa mẹ̀ ụkọrọ ịvọpa ene hí Anịsamarịya nịnị irenu. Dị ọnị rẹ ka ọza ọkụmị-ọkụmị ọ́nị vị nị.

Odeyi 2:40

Ipita ộ kà ịrẹyị ọrụrụ-ọrụrụ yị wa, dị aa dá ịpẹẹ yị wa ẹtẹẹtẹrẹ, ka ẹ̀ dọ ẹngụ ẹnịnị hụụnị ụya ana aa vẹ ịrẹsụ aza edivi ụmẹ ọnọnị.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Anẹhwẹsọsị 4:17

Maa sị ịrẹha Ananyị yị kà wụ nịnị ọ̀nọ̀ ka asị ụ rẹ̀ kụkụ zị ụsẹ anka anarịmadọwụ nịnị, ana ahịka ịrẹyị kẹnẹ-kẹnẹ eē ro nị.

2Ipita 2:2

Aza ọrụrụ-ọrụrụ vaa saasa ebira kẹnẹ-kẹnẹ ẹnịnị, dị ẹ mẹ ka aza ẹ̀ẹ kà ịrẹyị odivi oze ịzẹyịza Ohomorihi.

2Ipita 2:7

Ama ộ dọ Ịrọọtị ana vị ọnịzẹyịza há. Ayị Ịrọọtị vị ana vazi tụ́ ịnị ebira odivi ana aza edivi ẹnẹẹ aa mẹ.

2Ipita 2:14

Ịrẹkọyịsẹ kẹnẹ ẹ sị eyi pe nị, ẹnịnị ẹ́ yị zụ hụụnị ịvị ọyị mẹ. Di eyee vene aza ana ayị anị ẹ̀ yị jẹẹ. Ayị ẹnịnị ọọ ta vị tụ́ ini eyọhụrẹ, Ohomorihi o ree chì hi wa da.

2Ipita 3:17

Àa vị ẹwụ nịnịị yọ, anda ayị, wa sị ịsa ẹnẹnị yẹ nịnị da. Agụvị avọọ sị eyi pe ẹngụ awụ nịnị! Asị ụ zẹẹ ka aza ẹnẹẹ ẹnẹ ẹ̀yị mā wụ́ ịrẹyị Ohomorihi avọọ, è vene wu nịnị na ngụ ini eyi oyinyee ẹnịnị! Asị ụ rẹ zẹẹ ka ẹ̀ tụ́ wụ nịnị ụvọ hụrẹ aha ọyịza ọnị ụ yà nịnị!

1 Ohinọyị 13:19

Ịzẹyịza dị ọ saasa a nọ ịnị eehi anị, dị ọ rị ịsa ini eehi anị, di o re hú enyi nị.

Ezikẹẹrị 35:13

Ọnị ộ wụ oto odivi ọnị wee wo nịnị, dị waa kà ịrẹyị ẹnẹ ẹ̀ yị vọrọọ hi ọnị nịnị.