2Ipita 2:15 - IWE ỌNỊNỊ

¹⁵ Ẹ sị há hụrị oze Ohomorihi, e si nyeeyi. Ẹyaa zị ụsẹ ọnị Ịbaraamị ozi Ịbọsọ zị. Ịbaraamị ô sì ka ọnị ọ̀ mẹ̀ ịsa odivi dị ọnị ọ̀ yị zụ nyị ẹkẹhị kẹnẹ.

2Ipita 2:15 Referans Kwoze

Ẹtore 2:14

Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

Ịrịka 31:16

Ẹnịnị Ịbaraamị tụ́ ịrẹyị ka e vene Anisirẹrị nịnị na hẹkẹ ori ịzị aā hị́ Ịpẹyọ nị. Akamawụ ọnọọ ẹ̀ mẹ̀ hí Ẹnẹyịmavara ana vị isu aza ọrụrụ-ọrụrụ ẹnịnị nị.

Inehemaya 13:2

 vavọọ kà a tịtẹ, agụvị ka ẹnịnị ẹ yị sị ịsọyịrị ọnịrị enyi yị Anisirẹrị nịnị ẹ mẹ̀ hụrẹ Ijipiti aa parahu. Ama dị ẹ na hị́ Ịbaraamị ka ò ve chi hi wa nị.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

2Ipita 2:13

Ụya ẹnẹ yaa sịị yị aza avọọ, Ohomorihi rẹ vaa sị ụyaa rị waa si atọ. Óo zé wa eyi ka ẹnị ẹ̀ẹ rị ịsa chavaa, dị ẹ̀ rẹẹ mẹ̀ ebira kẹnẹ-kẹnẹ, ọ̀ọ daka vị ọọdụ gaaga. Wàa kụ́ gụ aa rị ịsa, dị ẹ yà ịnị akakana awụ nịnị nị; ịdọtị ẹ vị tụ́ ịnị ịragụ awụ nịnị nị, dị eyee vene wu nịnị, dị ẹyaa rị ịsa chavaa kẹnẹ.

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

Odeyi 1:18

Ẹkẹhị oni Ijudasi dọ ịnị ụkọrọ odivi anị, ọ sị na hị́ ẹtẹ ọnya nị. Ịzọọ ọ yà jị hụrẹ ẹbẹẹba, dị ọ dà akamava, di irivu anị ká hi ẹhẹ nị.

Ụhịrẹyị 28:4

Aza ẹnẹ ẹ yị saasa ọda Ẹnẹyịmavara vị anaa tụ́ aza ọhịmị ụka. Ama aza anaa saasa ọda anị vị ana va eyi ịrazị ka aza ọhịmị.

Ihoseya 14:8

Anisirẹrị nịnị vaa hụrẹ ụvọ hụụnị ori nịnị ọyị hẹkẹ. Ẹnẹyịmavara kà ọnị vaa wụ́ aduwa ẹnịnị, dị ọnị sị eyi pe wa; ọnị vaa vị uhuhu yị wa anka ọchị isipirẹsị avọọ nị. Ọnị ọ vaa mẹ ka o ze yị wa oze tụra oze nị.

Ezikẹẹrị 9:10

Ama ọnị ẹ́ yị vaa vayị ẹnịnị. Ọnị vaa mẹ wa, ịsị ẹ́ mẹ aza ana vọ.

1 Ohinọyị 18:18

Di Erija ka, “Eyiye de, mẹ yị kụ́ ẹngụkata tù Anisirẹrị, ẹwụrị aneehi ada awụ ẹ vị ana aa kụ́ ẹngụkata tù Anisirẹrị nị. Ẹwụ nịnị o yi ọda Ẹnẹyịmavara tịtẹ, dị ụ kụkụ aa hẹkẹ Ịbaarị nịnị nị.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

Ịrịka 22:28

Ịjọnọọ Ẹnẹyịmavara ha ịkẹrịkẹtẹ irenu, dị ọ họ̀ Ịbaraamị ka ịsị ọnị mẹ̀ ẹ dị aa nya ọnị ịsa ụpẹ ẹẹta?

Ịrịka 22:23

Ịjị ịkẹrịkẹtẹ Ịbaraamị re ka anggẹẹrị Ẹnẹyịmavara ọ̀ sị ụhwọ jẹ oze, dị ọ ha ngụ avị nị. Dị Ịbaraamị nya a ọchị ka ọ va jị oze nị.

1 Ohinọyị 19:10

Di Erija ka, “ụhị vị ọnị mị nyayịnẹ aa kụ̀ agụvị Ẹnẹyịmavara ana vị Ohomorihi anaā kụ̀ ịrẹkụ. Ịrẹyị ẹnị ẹmịrị Anisirẹrị kà tịtẹ, ẹ sị và hụụnị anị, atakuji ịzị a yàa mẹ̀ ịsọvọ wụ, e si o wú và ha, dị ẹ rẹ za ọnịsẹ awụ dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yèe si ka ẹnị ẹ̀ hyakụ dọ mị ụhwẹ bẹẹ nị.”

Ịrịka 22:32

Dị anggẹẹrị Ẹnẹyịmavara họ̀ ọ ka, sị ẹ vẹ dị ọ nya ịkẹrịkẹtẹ ịsa ụpẹ ẹẹta? Ọnị ọ va jẹẹ oze ka asị o re oze parahu agụvị ụsẹ akụvị anị nị.

Imatiwu 26:9

A yaanị nyẹngụ ná eturare ọnọọ ẹtẹẹtẹrẹ, dị a sị ẹkẹhị anị yị onosiye nịnị.”