2Ipita 1:19 - IWE ỌNỊNỊ

¹⁹ Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị.

2Ipita 1:19 Referans Kwoze

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.

Ayịsaya 9:2

Aza ene hi ịnị ịrahụ e reè ẹtohweyi ọbanyị ọnya. Ẹtẹ ene vịdị hozi kara wa ama ẹ sị ẹtohweyi re.

Ahẹ Ụgama 119:105

Ịrẹyị awụ vị ana sị mẹẹ anka ozotupa avọọ oni mee sii re ẹtẹ. Etohweyi ana aa si oze zụ̀ mị ọ vị nị.

Ịjọọnụ 5:39

Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

Ẹtore 2:28

Ọnị rẹ vaa sị ụzọmị ẹnẹnẹ anaā zẹtẹẹ yị wa.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ụhịrẹyị 6:23

Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Imatiwu 4:16

Aza ene hi ịnị ịrahụ vee re ẹtohweyi ọbanyị. Etohweyi vee hweyii tụra aza ene hi ịnị ịrahụ ịnị ụvọ isu.”

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

1 Ịjọọnụ 5:10

Agụvị avọọ, ọza ana àa sị ayị tụra Ozi Ohomorihi, vaa yẹ ịnị ayị anị ka ịzẹyịza ívenu ọnọnị vị nị. Ama ọza ẹnẹ ẹ̀ yị sị ayị tụra Ohomorihi, ọ sị Ohomorihi za onireche da, agụvị ka ọ́ yị dọ ịrẹyị ọnị Ohomorihi kà ini oze Ozi anị wụ́.

1Ipita 1:10

Ịnị ụmẹ ịyẹẹyẹ, ọnịsẹ nịnị ệ kà ịrẹyị ini oze ayamva oni Ohomorihi vaa vayị awụ nịnị. Ê sì iruvo hwịnị-hwịnị ka ẹnị ẹ̀ yẹ, Ohomorihi mẹmẹ vaa dọ wụ nịnịị há.

Ijemiisi 2:8

Wàa sị eyi pe ọda oni Ohomorihi ohinọyị ayị mẹ, anka a mẹ̀ chẹrẹ ẹ tụ́ ini iwe Ohomorihi óo zoza. Ọda ọnọọ ộ kà a ka: Sì ịrẹyị ọnọhụva awụ anka u mè sì ịrẹyị ẹngụ awụ.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

Odeyi 15:29

Asị ụ rị ịsa ana a sị mẹ̀ ịsọvọ hi ori nịnị! Asị ụ rị anya nịnị; asị ụ rẹ rị uye enee sima ọrọkọ wụ nịnị! Asị ụ rẹ sẹ̀ ịrẹka nịnị! O vee zoza, wàa sị eyi pe ẹngụ awụ nịnị, dị ụ wẹ̀ yị mẹ̀ ịsa ẹnẹnị nịnị nị. Adịhyọsa nịnị!”

3 Ịjọọnụ 1:6

Azọga ẹnẹẹ ệ kà a yị anịragụ Ohomorihi ana yà ịzẹnị ụ mẹmẹ sì ịrẹyị ẹnịnị. Wâ mẹẹ ẹtẹẹrẹ. Aarịhịnị wa yịị gụ wa ụvọ, ẹ̀ẹ yaa jịnẹ hụụ ịdị awụ anka ịsị Ohomorihi sì.

Ayịsaya 41:26

Àa nyị ori ana ka ịrẹyị ana sẹ? Àa nyị ori ana ka ịrẹyị ana gẹẹ? Ẹ yị nyị ọza awụ nịnị ana ka ịrẹyị ni ịnị anị, dị ẹ yị nyị ọza ana wụ́ ịsa ọnyọọnyị hụụnị ụvọ ori nị.

Ayịsaya 14:12

Ho! Ẹwụ ohinọyị Anibabironi ọnị ịra anị vịdị aa za anka ụzọmị etumeyọnị avọọ, ẹwụ ọnọọ a maanị tụ́ ụvọ hụrẹ ẹbẹẹba va nya ẹtẹ aanị nịị? Ẹwụ ọnọọ wáá yị, ana vịdị maanị mẹ ehuna yị anẹkụra?

Anihiburu 2:2

Yée re ka ịrẹyị ana anggẹẹrị nịnị va kà yị aza vị ana jẹẹ. Ọza ana àa jịnẹẹ, dị ọ mẹ akamawụ hi ọọ nị, vị ana aa rị ụya oni o sì.