Biblia Todo Logo
Bib sou entènèt

- Piblisite -




2Ipita 1:16 - IWE ỌNỊNỊ

16 Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị.

Gade chapit la Kopi




2Ipita 1:16
40 Referans Kwoze  

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.


Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.


Rẹ kà a yị wa ka ẹ̀ và hụụnị ịtọpa kẹnẹ-kẹnẹ ọnịrị ịrẹha ohiku nịnị ọyịtara hi ẹtẹ pooro! Ahankata kẹnẹ ẹ́ngụ ẹnẹ ẹẹ̄ kụ́ụ vẹ nị. Ẹyị zẹẹ ka aza ẹ̀ sị ayị tụra Ohomorihi, dị Ohomorihi ọ̀ va mẹ ọgụvọ yị wa.


Ama sị ụvọ hụụnị ịtọpa kẹnẹ-kẹnẹ ana ahịka ẹ yị nyị ịsị ẹ kụ́ ẹnịrị Ohomorihi gẹ. Wee tenyi ebira awụ ini oze ene zé Ohomorihi eyi!


M màa kà ịrẹyị dị maa kà enube ọyịza, mẹyị sị ịrẹyọyẹ ọza kụ́ irenu hwere-hwere. Ama Ụhwẹ Ọnịnị ọ́ọ sị ụkata anị zụ̀ wụ nịnị ịnị ịrẹyị ọnị maa kà.


Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.


Ikirisiti ọyị tụ́ mị ka ma naa mẹ ọyịhwenyii yị aza. Enube ọyịza ọ tụ́ mị ka ma naa kà nị. Ẹ yị rẹ vị irenu ịrẹyọyẹ ọza kẹnẹ, m maa sịị kà a; àyị vị avọọ, di isu oni Ikirisiti sú ị́rẹsụ apavahị dị ẹ yị kụkụ nyị ịsị ọ vị.


Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.


Asị ẹ kụkụ sị ayị tụ́ ịnị ịtọpa kẹnẹ-kẹnẹ Aniju nịnị ọnịrị ọda ana aza kẹnẹ mẹ ene ee du ịzẹyịza obooro.


Enọkị ana vị ọnọhụhịmba ịnị ịrẹsụ Adamị ộ vịdị kà ịsẹ ịnị oze aza ẹnẹnị ka: Re, Ananyị yị vaa vẹ beri otomiroku anggẹẹrị ọnịnị anị,


Ọza odivi ọnọọ vịdị vaa sị ụkata Echuu vẹ, dị aa sịị mẹ̀ ụkọrọ ịvọpa ọnịrị ohyozirenu ireche.


Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.


Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.


Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.


Ẹnẹ vaa zụ jẹẹ ịhị ọ̀ọ vẹ? Ẹnẹ vaa zụ jẹẹ ịhị ọ̀ọ sị ẹngụ zụ? Ọ́ vaa sị mẹẹ anka ọza ana sị ịra rị igooru ka ozoza avọọ nị. Ọ́ rẹ va sị mẹ anka ọza ana sị ụkwọ ana rẹ nyịna ịsa agụvị ọ nị avọọ nị.


Sị ị daba sị eyi tụra? Sị aa mẹ ka yaa jẹ? Sị ẹ vị ọgụ ayị ọnị yaa sịị mẹ ụbanyị ọvịdị Ijeesu Ikirisiti Ananyị yị, ọ̀ọ vẹ? Ẹyị vị ẹwụ nịnịị?


Ọ vaa sị ụkata anị ọnị ọ sị nyị ehuna avaba ịsa, dị ọ sị vara ọchẹngụ ayị ịnị ẹhẹ ọnọnị, dị ọ kụkụ mẹẹ ka ò véné ọchẹngụ anị ana nyị igirima.


Kụ́ gụ nịnị ịnị ịrẹha Ijeesu Ananyị yị, ka ayị amị vaa yà ịdị awụ nịnị, dị ụ wa sị ụkata Ijeesu Ananyị yị,


Ẹwụ nịnị ẹyịnyara amị, m mẹ̀ vẹ ịda awụ nịnị ka ma va kà a wụ nịnị ịrẹyị Ohomorihi ana vị ịzẹyịza, mẹyị va kụ́ irenu hwere-hwere, à vị ka dị maa sị irenu ọyẹrẹyịị kà ịrẹyị.


Ama ẹyị vị ana aa kịị kà enube ọyịza Ijeesu ana a kanyị za ọchị apavahị kẹnẹ. Enube ọyịza ọnọọ vị ana aa mẹ ka Aniju nịnị ẹ̀ và ịrẹma kà a. Ọ rẹ mẹ ka Anigiriki nịnị è ree ka ụra kẹnẹ-kẹnẹ ọ vị nị.


agụvị avọọ, ụ mẹ̀ jẹẹ ee zí ẹkụhị oni Ijeesu Ikirisiti Ananyị yị vaa sị sị ẹngụ anịị zụ̀ nịnị aanị, ẹ yị nyị ụkata ikonya oni Ohomorihiī sịị mẹ ọza ẹyịza ọnị ụ wẹ̀ yị nyị nịnị.


Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.


Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.


Ẹmị Ozi ọza onigirima vị ana vaa vaavẹ anka ị́nyanya mẹ̀ẹ̄ rị hụrị eyi ọnị ọyịị̄ zịị hụrẹ na ngụ ịzị ọọ̄ zịị naa ngụ ẹtẹ avọọ.


Ijeesu ộ nọ ịrẹsụ Ataba Orivi, dị ọ na yaayịtẹ ịzọọ nị. Dị ezirẹma anị tangwa ká a vẹ dị ẹ ka, “Kà ẹ yị ụmẹ ọnị ịsa ẹnẹnị vaa sịị mẹ. Sị ẹ vị apọtẹrẹwa ana vaa sị zụ̀ ka waa vaa vaavẹ, ọnịrị ka ẹhẹ raa vaa ta?”


Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”


Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.


Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.


Ịrẹma ẹkụhị ịhịnọnyị, dị Ijeesu sị Ipita ọnịrị Ijemiisi beri Ịjọọnụ nọ ịrẹsụ ataba ọnẹba ọnya aanị nị. Ẹnịnya kẹnẹ ẹ yà ịzọọ nị.


Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.


Dị Ijeesu ka, “Ẹ mịị yọ nị. U vee re ẹmị Ozi ọza onigirima ka mâ yaayịtẹ eyi ụvọrị Ohomorihi Ochẹtẹngụ. Mị vaa vẹ ịnị eguhi ẹ́bẹẹba.”


Aza ana sị eyi re ịrẹyị ẹnẹẹ hụrẹ ụmọrụmọ, dị ẹ rẹ yaa kà enube ọyịzaa zị, ẹ kà a yị nị.


Ụkata ọbanyị Ohomorihi o si hí aza ẹnẹẹ irenu ẹtẹẹtẹrẹ. Ịjị avaba ịsa oni Ijeesu mẹ ee hí wa irenu, dị Ijeesu kà a yị ezirẹma anị ka:


Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.


Swiv nou:

Piblisite


Piblisite