2Ipita 1:12 - IWE ỌNỊNỊ

¹² Agụvị avọọ miī sì ka maa tama wụ nịnị ayị ịsa ẹnẹnị ụpọsa-ụpọsa nị, ma daka yẹ ka waa yẹ wa nịnị, dị ụ rẹ jẹẹ geri-geri nịnị ịnị ịrẹyị ịzẹyịza ana a sị kà wụ nịnị.

2Ipita 1:12 Referans Kwoze

1 Ịjọọnụ 2:21

Ẹ́ yị vị agụvị ka wẹ yị yẹ ịzẹyịza nịnị m maa sịị chẹrẹ ịsaa tụ́ụ hi wu nịnị, ama agụvị ka waa yẹ ịzẹyịza nịnị yọ nị. Wa rẹ yẹ nịnị ka ịrẹyị ịzẹyịza ọ ma nyị ireche.

Anihwiripi 3:1

Ẹwụ nịnị ẹyịnyara amị, maa za ịrẹyị amị ịrẹsụ. Waa jẹ nịnị agụvị Ananyị yị. Ẹ yị nyị ọ mẹ̀ ka yị ẹmị, mèe ree tenyi ọ chẹrẹ ịsị mị rẹ vịdị sị chẹrẹ tụ́ hi wu nịnị.

Anikorasi 2:7

Che ayị za Ikirisiti ana sị ụhwẹ ọnịrị ụkata yị wụ nịnị! Yị jẹẹ geri-geri ịnị ẹdọwụ awụ nịnị, anka a mẹ̀ sị zụ̀ wụ nịnị; dị ụ wa rẹẹ kụ́ Ohomorihi avọ nịnị ẹtẹẹtẹrẹ!

Ijudi 1:5

Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị.

2 Ịjọọnụ 1:2

Agụvị ka ịzẹyịza ọnọọ yà ịnị ayị ayị, vị ọ rẹ vaa yà ịnị ayị ayị pooro nị.

2Ipita 1:13

M mẹ yị yà ẹhẹ aanị, mée ro ka aa vọrọ ka ma tama wụ nịnị ayị ịsa ẹnẹnị, du wee zí nịnị.

Ijudi 1:17

Ẹwụ nịnị ẹyịnyara amị, tamayị ịsa odeyi Ijeesu Ikirisiti Ananyị yị vịdị sị kà nịnị ka ọ vaa mẹ.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.

2Ipita 3:17

Àa vị ẹwụ nịnịị yọ, anda ayị, wa sị ịsa ẹnẹnị yẹ nịnị da. Agụvị avọọ sị eyi pe ẹngụ awụ nịnị! Asị ụ zẹẹ ka aza ẹnẹẹ ẹnẹ ẹ̀yị mā wụ́ ịrẹyị Ohomorihi avọọ, è vene wu nịnị na ngụ ini eyi oyinyee ẹnịnị! Asị ụ rẹ zẹẹ ka ẹ̀ tụ́ wụ nịnị ụvọ hụrẹ aha ọyịza ọnị ụ yà nịnị!

2Ipita 3:1

Ẹwụ nịnị ẹyịnyara amị, iwe ọhụva ọnị ma vaa chẹrẹ ẹ tụ́ụ hi wu nịnị yị. Ini iwe ẹyịva, ma raà tama wụ nịnị ayị ịsị ụ vịdị sị yẹ nịnị, agụvị dị ma zụ sị ayị awụ nịnị kwẹẹtẹ, di u we zuu ro ịrẹyị ana vọrọ nịnị.

2Ipita 1:15

Mị vaa vụrị dị me ré ka máa mẹ oze ọnị ụ va zịị tamayị ịsa ẹnẹnị pooro, mèe wusu.

1Ipita 5:12

Isirivanọsị o pe mi chẹrẹ iwe ọnọnị tụ́ hi wu nịnị nị. Mâ yẹ ka ọdọwụ obooro ọ vị nị, a zụ sị ayị tụraa. Mee sì ka ma tụ́ wụ ọtụtụrụma, dị ma rẹ dọ ivenu tụ́ ọ ka ịzẹyịza ayamva Ohomorihi ọ vị ọnọọ nị. Agụvị avọọ, jẹẹ geri-geri ịnị anị nịnị.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Anihiburu 10:32

Tamayị ịsa ana mẹ nịnị ịyẹẹyẹ, u mè re ẹtohweyi Ohomorihi nịnị ịpaapa! Wa daka yị rị ụya nịnị ẹtẹẹtẹrẹ, ama wa sị sị ẹngụ dọ ọ nịnị.

2 Itimoti 1:6

Agụvị avọọ, mee sì ka wa tamayị ụkata oni Ohomorihi sị wụ, m mẹ̀ sị ụvọ tụra wụ, dị mị mẹ̀ aduwaa wụ. Waa sị ụkata ọnọọ mẹ̀ ịsaa hu avọọ.

1 Itimoti 4:6

Wàa tama anda ayị nịnị ayị ini oze ịrẹyị ẹnẹẹ, ọnụkọrọ ozoza u waa vịị yị Ijeesu Ikirisiti nị. Wáa sị ịrẹyị ẹdọwụ ọnịrị ịzẹyịza ana a raà sị zụ̀ wụ, dị ụ saasaa pá ẹngụ awụ.

Odeyi 16:5

Avọọ ánịragụ Ohomorihi màa nyị ụkata ịnị ẹdọwụ ẹnịnị; dị ẹyaa rụrụụ hu avọọ eyinị-eyinị nị.

Anikorasi 1:5

Ụ vavọọ aa mẹ nịnị agụvị ka waa tụra eyi ẹyịza oni Ohomorihi sị tẹ wụ nịnị tụ́ ịdị anị. Ụ mẹ̀ vịdị wụ́ enube ọyịza ana vị ịzẹyịza nịnị kẹnẹ, â kà a wụ nịnị ini oze ẹyịza ọnọọ nị.