2Ipita 1:1 - IWE ỌNỊNỊ

¹ Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 1:1 Referans Kwoze

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Ịtayịtọsị 1:4

Maa chẹrẹ iwe tụ́ụ hi wu, ozi emi Ịtayịtọsị, agụvị ka ẹmịrị ẹwụ óo dudu sị ayị tụra Ijeesu. Ohomorihi Ada ayị ọnịrị Ijeesu Ikirisiti Ọdọzaha ayị ẹ̀ mẹ ọyịza yị wụ o.

2 Anịkọrịntị 4:13

 vịdị chẹrẹ ẹ tụ́ ini Iwe Ohomorihi ka, “Mâ dọ wụ́, agụvị avọọ mâ kà ịrẹyị”. Ẹngụ ayị ẹdọwụ ọnọọ ẹyị rẹ nyị nị, agụvị avọọ dị yaa kà ịrẹyị nị, agụvị ka yâ dọ wụ́.

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Aniroomi 1:12

Ịsị maa kà ọ vị ka, màa vẹ, di mi re ụ mẹmẹ sị ayị tụra Ijeesu nịnị nị, ọ vaa mẹ ka ma nyị ọtụtụrụma hu avọọ. Ẹwụ nịnị òo re re, ẹmị mẹmẹ rẹ sị ayị tụra Ijeesu, ọ rẹ vaa mẹ ka ẹwụ nịnị ọ rẹ nyị ọtụtụrụma.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

Iruuku 1:47

Mâ da jẹ agụvị Ohomorihi Ọdọzaha amị,

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

2 Itimoti 1:5

Ma rẹ tamayị, ụ mẹmẹ sị ayị ọnya tụra Ohomorihi. Avọọ Ịrọyịsị ọnyị awụ ọbanyị ọnịrị Iyunisi ọnyị awụ mẹ̀ rẹ sị ayị ọnya tụra Ohomorihi nị. Mâ yẹ kaakara ka avọọ ẹwụ mẹ̀ rẹ sị ayị ọnya tụra Ohomorihi nị.

Anihwiripi 3:9

Mee sì ka ẹmịrị ọ ọ̀ yị vabẹ. Mé yi kuku si ka aa hị́ mị ọnịrẹyịzẹyịza ini oze ka maa sị ayị tụra ọda. Ama mee sì ka àa hị́ mị ọnịrẹyịzẹyịza ini oze ka maa sị ayị tụra Ikirisiti. Ẹngụ ịzẹyịza ọnọọ, Ohomorihi ọọ̄ sị yị ọza ana sị ayị tụra a nị.

Odeyi 15:14

Ịsayịmọnị ọ sị ọọ kà a yị, Óhomorihi ọnị ụvọta meme nyima aa sị ayịị tụ́ ịnị ịrẹyị Anigiriki bẹẹ. Agụvị avọọ dị ọ nyị aza hụụnị Anigiriki ka ẹ̀ vị aza anị nị.

Imatiwu 10:2

Ịrẹha ezirẹma ẹwụrẹva ẹnẹẹ yị: Ọnịpaapa vị Ịsayịmọnị ana a rẹẹ̄ hị́ Ipita, beri Andụrụ ọyịnyara anị; Ijemiisi ọnịrị Ịjọọnụ ọyịnyara anị; ana vị ezi Izebedi;

1Ipita 2:7

Yị aza ana sị ayị tụra a, ịsa obooro ọ vị yị wa nị. Ama yị aza ẹnẹ ẹ̀ yị sị ayị tụra a, e vee re ka, ịrẹta ọnị ọtụrarehi nịnị yi tịtẹ, ọ vana vị ọọnyị ịnị ịrẹta ana aā sịị da irehi nị.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Ịtayịtọsị 1:1

Ẹma vị Ịpọọrụ ana vị ozi ahụ Ohomorihi, dị mị rẹ vị odeyi Ijeesu Ikirisiti nị. Ohomorihi ộ tụ́ mị ka ma na gụ aza ọnị ọ́ sị nyị ụvọ ka ẹ̀ zụ sị ayị tụra a: dị ma rẹ sị zụ̀ wa, dị ẹ̀ zụ yẹ ịzẹyịza anaā sịị oze zụ̀ aza ka ẹ̀ zụụ mẹ̀ ebira ene ze Ohomorihi eyi.

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

Anẹhwẹsọsị 4:5

Ananyị yị vị ọnya, ẹdọwụ ọnị ị nyị ọ rẹ vị ọnya, dị a rẹ mẹ̀ ọyịhwọzenyi ọnyọọnyaa yị nị.

Anẹhwẹsọsị 3:5

Ịyẹẹyẹ, Ohomorihi ọyị vịdị sị ịrẹyị ẹnẹẹ zụ̀ aza. Ama booro aanị, Ohomorihi ọ raà mẹ ka Ụhwẹ Ọnịnị ọ̀ sị zụ̀ odeyi ọnịnị ọnịrị ọnịsẹ anị nịnị.

Anigaratiya 2:8

Ẹ́ẹ yẹ ka Ohomorihi ọ́ọ sị ụkata yị Ipita ka ọ̀ vị odeyi anị yị Aniju. Avọọ gẹdẹ-gẹdẹ Óhomorihii ọnị mẹ̀ rẹ sị ụkata mị ka ma vị odeyi anị yị aza ẹnẹ ẹ̀ yị vị Aniju nị.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

1 Anịkọrịntị 15:9

Eme weyi hu keekere ịnị avaba ezirẹma Ijeesu nịnị nị. Mẹ yị hyakụ yà ọza anaa vọrọ ka àa hị́ ezirẹma Ijeesu, agụvị ka mâ sị ụya rị ịragụ Ohomorihi.

1 Anịkọrịntị 9:1

Ẹ yị nyị ịsị ẹ za mị ka asị mị mẹ̀ ịsa ene zé mi eyi. Ụ wáá ka wẹ yị yẹ nịnị ka ezirẹma Ijeesu mị vị nị? Mâ sị eyi amị ọnọnị re Ijeesu Ananyị yị. Ẹwụ nịnị ụvọta vị ụkọrọ ụvọ amị ọnị maa mẹẹ yị Ananyị yị.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

Aniroomi 1:17

Ini oze enube ọyịza, Ohomorihi ộ sị zụ̀, ọ mẹmẹẹ̄ mẹ ka aza ẹ̀ vị ọnịzẹyịza. Avaba anị ộ jẹẹ tụ́ ịrẹsụ ka ọza ọ̀ sị ayị tụra Ohomorihi hụụnị oyinyima ne tù ẹzẹtẹ; anka a mẹ̀ vịdị chẹrẹ ẹ tụ́ ini Iwe Ohomorihi ka: Aza ana vị ọnịzẹyịza (ini eyi Ohomorihi) vaa yàra, agụvị ka ệ sị ayị tụra a.

Ịjọọnụ 20:21

Dị Ijeesu rẹ kụ́ wa ka, “Ẹngwọọrọ ọ̀ vị awụ nịnị!” Dị ọ ka, “Áda amị mẹ̀ tụ́ mị vẹ ẹhẹ, avọọ ẹ́mị mẹ̀ rẹ tụ́ ẹwụ nịnị aa nọ ẹhẹ nị.”

Ịjọọnụ 1:42

Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Iruuku 11:49

Agụvị avọọ, ịnị ịrẹyọyẹ Ohomorihi, ộ kà a ka: ‘Mị vaa sị ọnịsẹ ọnịrị odeyi nịnị ị naa yị wa. Ẹ vaa wụ̀ aza ẹnyị ẹnịnị, dị ẹ sị ụya rị ana vọ!’

Imatiwu 4:18

Ijeesu màa zị ụsẹ ụtọ irehu Igariri, ô re ẹyịnyara ẹẹva, Ịsayịmọnị ana aā hị́ Ipita, ọnịrị Andụrụ ọyịnyara anị. Eyee ne ọhaa ngụ enyi, agụvị ka ozube ivovo ẹ vị nị.

Ijeremaya 33:16

Ọ kà ụmẹ ọnọọ, a vaa dọ Anijuda ọnịrị Anijerusarẹmị nịnịị ha, dị ẹ kuku hi ịnị ẹngwọọrọ. Ijerusarẹmị á kụkụ vaa hị́ Ẹnẹyịmavara ọ dọ yị ha nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.