1 Ịsamụwẹrị 9:5 - IWE ỌNỊNỊ

⁵ Ịjị ẹ na sị ngụ ẹkụra Izuhwi, dị Ịsọọrụ va hị́ ozida ọnị ọnịrị zị dị ọ ka ọ̀ vẹ ẹnị ẹ̀ varẹma, ka ada anị ọ zụ sị ayị hụụnị ịrẹyị ịkẹrịkẹtẹ dị ahịka ịrẹyị ẹnịnị ọ kụkụ jị ọ areyi nị.

1 Ịsamụwẹrị 9:5 Referans Kwoze

1 Ịsamụwẹrị 10:2

Dị Ịsamụwẹrị rẹ ka Ịsọọrụ ọ̀ sị hụụ ịda anị ajịnị, ọ va naa gẹrị aza ẹnị ẹẹva ọgụrị ikuta Irechẹrị ana yà Izeriza. Ịzọọ vị ana yà ụtọ ẹtẹ Ịbẹnjamịnị. Ọ kà aza ẹnẹẹ vaa kà a yị Ịsọọrụ ka a sị ịkẹrịkẹtẹ eni e nee sì re. Ọ kà ẹ rẹ vaa kà a yọ ka ada anị o yi kuku ro ịrẹyị ịkẹrịkẹtẹ ẹnẹẹ, ama ịrẹyị Ịsọọrụ nịnị ọ kụkụ jị ọ areyi nị.

1 Ịsamụwẹrị 1:1

 nyị ụmẹ ọnya, dị a nyị ọnọrụ ọnya aanị ana aā hị́ Erikana ana ra Iraama. Iraama vị ọnyara ịnị ẹkụra ana yà ịrẹsụ ataba ịnị ẹtẹ Ehwireemi. Ada anị ọbanyị ịrẹmị-ịrẹma ọ rị Izuhwi nị. Ada Erikana ọ rị Ijerohami nị. Ijerohami vị ozi Erihu ana ada anị rị Itohu. Ada Itohu ọ rị Izuhwi nị. Ẹnịnị vị Anehwireemi.

Iruuku 12:11

Ịhị àa za wụ nịnị nọ ini irehi Ohomorihi, àa vị ini ikootu, àa vị ịdị aza ana nyị ọda, asị u ne ro o nịnị ka u mè vee tụ́ ohi, à vị ka sị ụ vaa kà kẹ!

Iruuku 12:22

Dị Ijeesu kà a yị ezirẹma anị ka, “Asị ụ rẹ̀ mẹ ariro ini oze ẹhẹ awụ nịnị ka sị ụ vaa rị kẹ! Asị ụ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị!

Imatiwu 6:28

Sị ẹ vẹ dị ụ waa mẹ ariro agụvị awuru nịnị? Ro ịrẹyị ododo ene hi ịnị avị, ẹ mẹmẹẹ̄ hụ! Ẹ mā mẹ akanya ka vi eni ee hí ịta nị.

Imatiwu 6:25

Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta?

Imatiwu 6:34

Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”