1 Ịsamụwẹrị 9:21 - IWE ỌNỊNỊ

²¹ Di Ịsọọrụ tụ́ ohi ka, “Ho! wáá yẹ ka Anịbẹnjamịnị mị vị nị. Ịrẹsụ ayị o weyi hu keekere ịnị avaba Anisirẹrị nọ! Ovwoovu amị o re ve weyi hu ini avaba ovwoovu Ịbẹnjamịnị nị. Ụ mẹmẹ zụ ka ẹngụ ịrẹyị ẹnẹnịị mị?”

1 Ịsamụwẹrị 9:21 Referans Kwoze

1 Ịsamụwẹrị 15:17

Dị Ịsamụwẹrị ka, “Wáā yẹ ka wê yi vịdị ro o ka waa bẹrị ọza, dị Ẹnẹyịmavara sị wụ vị ọdọvịdị Anisirẹrị nị. Dị ọ nyị wụ ka wa vị ohinọyị Anisirẹrị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Ahẹ Ụgama 68:27

Ịnị aza ana wara aa vọ, ovwoovu Ịbẹnjamịnị, ana vi ozweyi hu ọ tụ́ ọvịdị nị. Dị ọdọvịdị anovwoovu Ijuda ọnịrị aza anị và tụra a nị. Dị ahịka ọdọvịdị anovwoovu Inahwitari ọnịrị Izeburuni ẹ vatụra Anijuda nị.

Ihoseya 13:1

Ịnị ịyẹẹyẹ, Anehwireemi ọ̀ọ ka ịrẹyị kẹnẹ, avaba Anisirẹrị ana vọ eē hí angwa ẹnịnị agụvị ka ẹnịnị vị aza ẹnị ana vọ sị eyi tụra. Ama Anehwireemi nịnị a raà mẹ̀ ebira odivi hi Ẹnẹyịmavara. Ẹnịnị aa hẹkẹ ori ana hị́ Ịbaarị, di e yee vú ẹtẹ nị.

1 Ịsamụwẹrị 18:23

Ịzẹyịza dị ẹ vavọọ na kà a yị Idevidi nị. Di Idevidi ka, “U wéé ro o nịnị ka ịrẹyị gemi ọ vị nị ka ọza ọ̀ na vị ọyẹ ohinọyịị Wâ yẹ ka onosiye mị vị nị, ẹ yị nyị ọza ana yẹ mị.”

1 Ịsamụwẹrị 18:18

Di Idevidi ka, “Ẹ̀nẹ rị mị, ịzị ẹmịrị aneehi amị ọnịrị obooro ada amị gụ tụ́ ịnị Anisirẹrị di ahịka ẹmaa vaa vị ọyẹ ohinọyị nị?”

1 Ịsamụwẹrị 10:27

Ama a va nyị aza ẹnyị aanị ịzọọ, ana ahịka enebira kẹnẹ-kẹnẹ ẹ vị nị. Dị ẹnịnị ka, “Aanị ka Ịsọọrụ ọnọnị ọnị ọ zụ̀ dọ ẹyị tụ́?” Ẹnịnị ệ sị eyi oweyi re Ịsọọrụ, ẹ yị nyị ịsị ẹ sị va yọ. Dị Ịsọọrụ mẹ anka vị ọ̀ yị sị ayị nọ ịnị ịrẹyị aza ẹnẹẹ nị.

1 Ịsamụwẹrị 9:22

Dị Ịsamụwẹrị sị Ịsọọrụ ọnịrị ozi ahụ anị na ngụ aku ọgana ini eehi ịzị ọzọgaā hi aa vaa rị ịsa. Ịzọọ dọ azọga ẹhụụ ohurẹẹwụ avọọ. Dị ahịka Ịsọọrụ a ka ọ̀ yaayịtẹ udi ọzọkụ nị.

1 Ịsamụwẹrị 14:51

Ikisi ada Ịsọọrụ ọnịrị Ineri ada Abịna ẹnị vị ezi Abiyẹrị.

Ahẹ Ụgama 68:28

Ohomorihi, sị ụkata awụ zụ̀, mị ka wa navọ wa sị ụkata ọnị ụ vịdị si gụ yị ụvọ ịyẹẹyẹ zụ̀