1 Ịsamụwẹrị 8:11 - IWE ỌNỊNỊ

¹¹ Dị Ịsamụwẹrị ka, “wàa sị ohinọyị nyị nịnị, ịsị ọ vaa mẹ yị, o! Ọ vaa za ezi ewu nịnị dị ọ kụ́ wa hi ini isoja. Aza ẹnyị vị ọnị ọ vaa kụ́ hi ịnị isoja ana aā sị ịkẹkẹ oni umaata ee turaa kù ịrẹkụ, dị ọ kụ́ aza ẹnyị hi ini isoja anaā sịị umaata kụ́ ịrẹkụ. Aza ẹnyị vị ọnị ọ rẹ vaa kụ́ ka è hi ọvịdị umaata anị di ee zwe echi.”

1 Ịsamụwẹrị 8:11 Referans Kwoze

1 Ịsamụwẹrị 14:52

Ịsọọrụ mẹ̀ yà ẹhẹ, ọnịrị Anihwirisiti vị ana aa kụ́ ịrẹkụ pooro kẹnẹ. Ọza tụra ọza ọnị Ịsọọrụ òo re ka ayị anị ộ vị, dị ọ zụ kụ̀ ịrẹkụ nị, dị ọ za a tụ́ ini isoja anị.

1 Ịsamụwẹrị 10:25

Dị Ịsamụwẹrị tangwa kà a yị aza ẹnẹẹ avaba ịsa ana a vọrọ ka ohinọyị ọ̀ọ mẹ nị. Ịjị ọ sị ọ kà yị wa, sị ọ rẹ chẹrẹ ẹ tụ́ ịnị ịsa, dị ọ sị tụ́ ini eehi Ẹnẹyịmavara nị. Dị Ịsamụwẹrị kà ọzọza ọ̀ọ nọ eehi anị nị.

2 Ịsamụwẹrị 15:1

Ịjị ọ dà kù ana Abịsarọmị vavọọ vavẹ Ijerusarẹmị, ẹkụhị ọnya dị ọ na kụ́ ịkẹkẹ ana a sịị kụ̀ ịrẹkụ, dị ọ rẹ kụ́ umaata tụ́ ọ nị. Dị ọ nyị aza ẹnị ẹtarẹwụ ka ẹ̀ vị ọdọvịdị anị nị.

1 Ohinọyị 10:26

Isoromọnị ộ hara ịkẹkẹ umaata gụ ọnịrị umaata. Avaba ịkẹkẹ umaata ọnị ọ nyị vị akawụ-akawụ oze akana, di umaata anị ẹnị vị akawụ-akawụ oze ịhịnọnyị nị. Dị ọ kụ́ wa hi ini ẹkụra ọnị ọ kụ́ ịkẹkẹ hi ana vi ịda ohinọyị, Ijerusarẹmị nị.

1 Ohinọyị 18:46

Ẹnẹyịmavara ộ sị ụkata yi Erija, di o tenyi awuru anị di o zwe dọ ọvịdị Ahabị na ngụ Ijezirẹẹrị nị.

1 Ohinọyị 12:10

Di ezi ẹnẹẹ ẹnị ẹnịrịị vịra tụ́ ohi dị ẹ ka, “Kà ẹ yị aza ẹnẹẹ ana ka wa hẹrẹ ẹnya ọrata ana ada awụ kune tụra ẹnị aanị ka ịsa ana ada awụ mẹ wa dị ẹ ka ẹnị ẹ sị ịrẹyị re avọọ vị ịrẹyị kiiki.

1 Ohinọyị 12:4

“Ada awụ vị ana nyayịnẹ kụ́ ọ kata yị ẹngụ ẹtẹẹtẹrẹ. Booro aanị ẹwa navọ wa hẹrẹ ẹnya ọrata ana ada awụ kune tụra yị. Wàa vavọọ hẹrẹ, ị vaa dọ ka ya hẹkẹ wụ”.

1 Ohinọyị 1:5

A va nyị ọza ịnya aanị ana aā hị́ Adonija ana vi ozi Ihagiti. Dị ọ kwẹẹtẹ di ee wo otoo zi dị ọ ka ọnị ọ vaa rị ohinọyị nị. Di o tenyi ịkẹkẹ umaata, ọnịrị umaata nịnị, dị aza ẹnị ẹvarẹwụ tụra wa, ene ee zwe dọ ọvịdị anị nị.

1 Ịsamụwẹrị 8:9

Di Ohomorihi kà a yị Ịsamụwẹrị dị ọ ka ịsị aza ẹnẹẹ ẹ̀ẹ kà kẹnẹ, Ịsamụwẹrị ọ̀ dọ ooho. Ọ kà ama Ịsamụwẹrị ò hú wa ụvọ ẹtẹẹtẹrẹ, dị ọ̀ kà a yị wa ịsị ohinọyị ana vaa rịị tụra wa vaa mẹ wa.

1 Ohinọyị 14:27

Di Irehobowami ohinọyị si enyusẹ ana aā hị́ ịkọpa dị ọ sị mẹ ogonto ọsa dọ wa ịrẹsụ nị. Dị ọ kụ́ wa yị ọga oserẹtẹ ka è sí eyi pè wa nị. Oserẹtẹ ẹnẹẹ ẹ si eyi pè oze irehi ohinọyị nị.

1 Ịsamụwẹrị 22:7

Dị Ịsọọrụ hị́ aza anị ẹnẹẹ ana jẹẹ kara a, dị ọ ka, “wụ́ ịrẹyị booro aanị, ẹwụ nịnị Anịbẹnjamịnị! A vi u ro ka ozi Ijeese vaa sị ẹtẹ aarẹ yị ọza ịnya ọza ịnya awụ nịnị, dị ọ rẹ mẹ ka wa vị ọga isoja akahị ọnịrị ọga ẹchẹhị nịnị?