1 Ịsamụwẹrị 7:6 - IWE ỌNỊNỊ

⁶ Ịzẹyịza di Anisirẹrị wara gụ Imizipa nị. Dị ẹ dà enyi dị ẹ ká a hi ẹtẹ yị Ẹnẹyịmavara nị. Dị ẹ ba awẹ ịhị ọnọọ dị ẹ yaa dọ irenu ebira odivi ẹnẹ ẹ mẹ nị. Dị ẹ ka, “Ẹnẹyịmavara, ya raà mẹ akụvị ka wụ vẹ.” Imizipa ịzọọ Ịsamụwẹrị yà dị ahịka ọnị ọ vị ọdọvịdị Anisirẹrị nị.

1 Ịsamụwẹrị 7:6 Referans Kwoze

2 Ịsamụwẹrị 14:14

Yèe wusu vị ị sị mẹẹ anka enyi ana à và hi ẹtẹ avọọ nị. Ọza ọ yị kụkụ kụ́ ọ varẹma. Ohomorihi ọ mà sị ọza kwooze, ama ọọ̄ mẹ ariro ka aza ana a dụ kwooze, asị ọnị dụ ọ ọza ọnọọ hụrẹ ẹngụ.”

1 Ịsamụwẹrị 1:15

Di Ịhaana ka, “Nda, me yi hú eche o! Ịrẹyị ịnị ẹngụ amị ana va mị ẹngụ hi m maa kà zụ̀ Ẹnẹyịmavara nị.

Ọdọvịdị 10:10

Ịjị Anisirẹrị nịnị vavọọ aa rị ụya dị ẹnịnị ve na owu hị́ Ẹnẹyịmavara, dị ẹ ka ẹnị ẹ sị ịvị mẹ hi ọ agụvị ka ẹnị e yi Ohomorihi ẹnịnị tịtẹ naa hẹkẹ ori ana aā hị́ Ịbaarị.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Ahẹ Ụgama 106:6

Ya sị ebira odivi mẹ anka ohiku ayị nịnị ẹnị mẹ̀ rẹ mẹ. Ya sị akụvị mẹ, yâ mẹ̀ ebira ene è yi zoza.

Ahẹ Ụgama 62:8

Ẹwụ nịnị anda ayị, waa sị ayịị tụra Ohomorihi nịnị pooro kẹnẹ Avaba ịrẹyị oni wèe re ana kata wụ ẹngụ dị ụ kà a yọ agụvị ka ọnị ọ vị Ohomorihi ẹnẹ ẹ̀ yị zẹẹ ka à nyị ịsị ẹ kanyị yị nị.

Iruuku 15:18

Dị ọ ka: ‘Maa kwẹẹtẹ, dị maa nọ ịdị ada amị. Mèe tù, dị mị ka: Ma sị ịvị mẹ hi Ohomorihi ọnịrị ẹwụ.

Ahẹ Ụgama 119:136

M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.

1 Ohinọyị 8:47

Ẹnịnị e zụ ro ịnẹ ịnị ẹtẹ ana a za wa ọrịhị nọ, dị e hi ịzọọ dị ẹ vara ebira ẹnịnị, dị ẹ da ịpẹ wụ dị ẹ ka ẹnị ẹ si ebira odivi mẹ.

Ezikẹẹrị 20:4

Ezikẹẹrị ka Ẹnẹyịmavara ộ kà a yị ọnị ka, ọnị ozi-ọza òó tenyi ẹngụ ka ọnị aa ka ịrẹyị yị aza ẹnẹnị, ọnị kà a yị wa. Ẹnẹyịmavara kà ọnị ọ̀ tama wa ayị avaba ịsị ohiku ẹnịnị mẹ anaa nyị ọnị ịhyẹrẹ.

Arụwẹ 3:49

Mị vaa jị òrèrè pooro di me yi ku irenu.

Arụwẹ 2:11

Ọnị o jị òrèrè pooro eyi aa zị ọnị, ayị anị ộ ta du, ọ ta ngụ ọnị ẹngụ ọnị maa zị ẹngụ aza anị ene vú ẹtẹ. Ewu ọ kụ ezweyi-ezweyi ẹnịrị ezinụvọ zá va hi ẹtẹ ụngwẹ maa kụ wa.

Ijeremaya 31:19

Ẹ ka ẹnị ệ vịdị ha hụrị oze Ẹnẹyịmavara ama ẹnị varẹma ka a vẹ. Ẹ ka ẹnị mẹ sị yẹ aanị, ẹnị ee va ụvọ kụ ịrẹsụ ẹnị mee du ayị. Ụhị aa nyị ẹnị agụvị ebira odivi ẹnẹ ẹnị mẹ ẹnị mẹ hụrẹ vị ozweyi.

Ahẹ Ụgama 42:3

Ẹmịrị orere ọ vị pooro eyinị-eyinị nị, mẹ yị zụ rị ịsa ọnịvị amị ka mba, ịzị mị ka Ohomorihi amị ộ yà?

Ahẹ Ụgama 6:6

Mê sụ́ ùnè pooro, ọ kụ́ mị tụ́ mẹ yị sụ ara ịrahụ m màa jị òrèrè. Avaba ịzị mị sụ vi ene horo yị ẹgọ.

Ijoovu 42:6

Ịrẹyị ọnị ọnị vịdị ka ộ sị vara ụhị yị ọnị. Agụvị avọọ ọnị kụ́ atịtọ ọnịrị edudu ku ẹngụ aa pa ẹvagu aanị nị.

Ijoovu 40:4

ọnị ẹ́ yị vavọọ ya enee tụ ọ ohi ịrẹyị. Ọnị ọ raa sị ụvọ za irenu anị.

Ijoovu 33:27

Avọọ dị aa kà yị aza ka ọnị ọ mẹ̀ ịvị, dị ọnị mẹ̀ ịsị ẹ vọrọ, ama Ohomorihi ọ yị si ọnị atọ.

Ijoovu 16:20

Ọnị aa jị òrèrè hi Ohomorihi ẹngụ agụvị ọta anị nịnị anaa sị ọnị mẹ̀ isiya.

Inehemaya 9:27

Agụvị avọ ụ navọ wa ka ọnịvị ẹnịnị ẹ̀ nyị ẹbẹẹba ẹnịnị dị ẹẹ mẹ ọda tụra wa ịrẹsụ nị. Ịnị ụmẹ ẹngụkata ẹnịnị, ệ nowu va za wụ, dị ụ hụrẹ ẹbẹẹba vẹ ịnị owoba ẹnịnị nị. Wâ tụ ọnọgụmvọ hi wa ana dọ wa ha hụrẹ ụvọ ọnịvị ẹnịnị agụvị ayamva ọbanyị ọnị ụ nyị yị wa.

2 Ịtọpa 20:3

Ịjị ọ maanị wụ́ ọ kẹnẹ, dị angwa hi ọ, dị ọ aduwa ka Ẹnẹyịmavara ọ sị oze zụ ẹnị nị. Dị ọ kà avaba Anijuda ẹ za awẹ,

Ọdọvịdị 3:10

Ụhwẹ Ẹnẹyịmavara ộ dọ Ọtịnẹrị ayị, dị ọ kụ Anisirẹrị nọ ịrẹkụ Ikusani-Irisatayimi. Dị Ẹnẹyịmavara sị ọ nyị ẹbẹẹba anị nị.

Ireevi 26:40

Ọ kà ama ẹnịnị ẹ̀ẹ dọ irenu ịvị ẹnịrị ohiku ẹnịnị, ohiku ẹnịnị ana và eyirazị ka ọnị, dị ẹyaa mẹ ịsị ọnị ọnị è yi sì,

Oyinyima 31:49

Atakuji ọnọọ a rẹẹ̄ hị́ Imizipa nị, agụvị ka Ịrabanị ộ kà a ka: Ẹnẹyịmavara ee re ọnịrị ọ ịjị ẹnị ẹ̀ sị ha hi. Imizipa: ịrẹha ọnọnị ô vene ịzị a yà sị eyi pè ẹtẹ ịnị ẹkụra Anihiburu.

Ireevi 16:29

Ọda ẹnẹnị vị ọnị ụ vaa saasa nịnị pooro zịna-zịna ka: ịhị ẹ tụ ọ ẹkụhị ẹẹwụ ịnị ụhwẹ ịhịmba, ẹwụ nịnị Anisirẹrị ọnịrị anẹkụra ọsa ana ra vahụra wụ nịnị vaa za awẹ, dị ụ wẹ́ yị mẹ̀ ụkọrọ ọnyọọnyị nịnị.

1 Ịsamụwẹrị 7:15

Ịsamụwẹrị ọ vị ọdọvịdị Anisirẹrị pooro di o ve sú nị.

Ijeremaya 36:9

Ịnị ụhwẹ ọhụhị ịrayị ọhụhịịna ọnị Ijehoyakimi rị ohinọyị Ijuda, aza ệ ba awẹ ka ahịka Ẹnẹyịmavara vaa vayị ẹnịnị. Avaba aza ana ra hi Ijerusarẹmị ẹnịrị aza ana hụrị aha irenyi-irenyi ẹtẹ Ijuda vẹ, ẹ ba awẹ ọnọọ nị.

Ijosuwa 18:26

Imizipe, Chehwira Imoza,

Ọdọvịdị 2:4

Ịjị ịrẹyị anị ta a ka, dị avaba Anisirẹrị nịnị va orere hi, di e yee nowu boro-boro nị.

Ọdọvịdị 10:15

Ama dị Anisirẹrị da ịpẹ yị Ẹnẹyịmavara, dị ẹ ka ẹnẹ ẹ sị ịvị mẹ nị. Dị ẹ ka Ẹnẹyịmavara ọ sị ụya rị ẹnị ọ mẹ za eyi, ama ọ dọ ẹnị tụ nị.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

Ọdọvịdị 20:26

Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị.

1 Ịsamụwẹrị 10:17

Ẹkụhị ọnya dị Ịsamụwẹrị hị́ Anisirẹrị dị ọ ka ẹ̀ wara nọ Imizipa, ka ẹnị aa naa hẹkẹ Ẹnẹyịmavara ịzọọ nị.

1 Ịsamụwẹrị 12:10

Di ohiku awụ nịnị nowu na za Ẹnẹyịmavara ka ọ gụ ẹnị ụvọ nị. Ẹ kà ẹnị raà mẹ̀ ebira odivi. Ẹnị ẹ sị va hụ ịrẹma Ẹnẹyịmavara na hẹkẹ ori anaā hị́ Ịbaarị ọnịrị Asịtọrẹtị. Ẹ kà Ohomorihi ọ̀ dọ ẹnị ha hụrẹ ụvọ ọnịvị ẹnịnị dị ẹnị ẹ vaa hẹkẹ ẹ nị.

1 Ịtọpa 11:18

Dị ẹnị isoja ọkọọka ẹyịta ẹnịnị sị ụkata-ụkata ha udi Anihwirisiti nịnị ịnẹ na parahu, dị ẹ dà enyi hụụnị ịkangga ọnọọ va yị Idevidi nị. Ama Idevidi ô yi ka oni e yi hú; dị ọ sị mẹ̀ ịsọvọ yị Ẹnẹyịmavara, dị ọ và a hi ẹtẹ nị.

Ijoovu 3:24

Ijoovu ka ọnịrị orere ọ vị pooro nị, ọnị ẹ yị zụ rị ịsa.

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ