1 Ịsamụwẹrị 7:2 - IWE ỌNỊNỊ

² Apoti Ẹnẹyịmavara ộ yà Ikiriyati-Ijeyarimi kù ẹtẹẹtẹrẹ. Ộ hyakụ mẹ̀ ịrayị oohu ịzọọ. Ịnị ụmẹ ọnọọ, dị avaba Anisirẹrị ee nowu ka Ẹnẹyịmavara ọ̀ gụ ẹnị ụvọ nị.

1 Ịsamụwẹrị 7:2 Referans Kwoze

Imatiwu 5:4

Aza ana aa jị òrèrè vaa da jẹ, agụvị ka Ohomorihi vee hunẹnẹ wa ayị.

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ọdọvịdị 2:4

Ịjị ịrẹyị anị ta a ka, dị avaba Anisirẹrị nịnị va orere hi, di e yee nowu boro-boro nị.

Ijosuwa 9:17

Ịzẹyịza, Anisirẹrị nịnị mẹ̀ kwẹẹtẹ hụrị ịzị ệ kụ́ udi tụ́ ịhyẹgwẹta dị ẹ ngụ ẹkụra ẹbanyị-ẹbanyị ọnị aza ẹnẹẹ ra nị. Ẹkụra ẹnẹẹ ẹ vị Igibiyọnị, Chehwira, Ịbẹẹrọtị ọnịrị Ikiriyati-Ijeyarimi.

1 Ịsamụwẹrị 7:1

Ịzẹyịza dị Anikiriyati-Ijerimi na, dị ẹ na sị apoti oto Ohomorihi nị. Ẹ́ mẹ̀ sị ọ, dị ẹ sị ọ nọ ini eehi ọza ana aā hị́ Abinadabi nị. Ịda Abinadabi vị ana yà ịnị ataba. Dị a nyị ozi Abinadabi ana aā hị́ Eriyaza. Ọ sị eyi pè apoti ọnọọ nị.

1 Ịsamụwẹrị 7:3

Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.

1 Ịtọpa 13:3

Ọ kà ẹnị ve nee sì apoti oto Ohomorihi ẹnịnị dị ẹnị ẹ̀ sị ọ vavẹ agụvị ka ụmẹ Ịsọọrụ vị ẹnẹ ẹnị sị eyi wụ ọ.

Ijeremaya 26:20

 nyị ọnọrụ ọnya aanị ana aā hị́ Uriya, ozi ọnọrụ ana aā hị́ Isemaya ọvị nị, dị ọ rẹ vị anẹkụra ana aā hị́ Ikiriyati-Ijeyarimi nị. Ọnị ọ rẹ vịdị va maanị kà ịsẹ da, dị ọ ka Ẹnẹyịmavara ọ tụ ọnị nị. Ẹngụ ịrẹyị ọnị Ijeremaya kà gẹdẹ-gẹdẹ ịnị oze irehi Ohomorihi ọnịrị ẹkụra (Ijerusarẹmị) ọnọnị aanị ọnị rẹ kà nị.

1 Ịtọpa 13:5

Idevidi ộ kụ avaba Anisirẹrị nịnị gụ hụrẹ eyi ụvẹtẹ ẹhwị ẹtẹ Ijipiti na ngụ oze ana aā zị ngụ ịzị aā hị́ Ihamati. Dị ọ ka à na sị apoti oto Ohomorihi hụrị ẹkụra ana aā hị́ Ikiriyati-Ijeyarimi nị.