1 Ịsamụwẹrị 7:12 - IWE ỌNỊNỊ

¹² Ịhị ọnọọ dị Ịsamụwẹrị sị ịrẹta di o hì ọ jẹẹ ịnị akakana Imizipa ọnịrị Iseni nị. Dị ọ ka ịzọọ ọ rị “Ịrẹta ọgụvọ”. Ọ kà, “Ẹnẹyịmavara ọ gụ ẹnị ụvọ ve tù ịzọọ.”

1 Ịsamụwẹrị 7:12 Referans Kwoze

2 Anịkọrịntị 1:10

Ohomorihi ộ dọ yị hụrị ụvọ isu ene si tù yi gede-gede. Ọ rẹ vaa dọ yịị há. Yâ sị ayị tụra a ka ọ vaa dọ yịị há.

Ijosuwa 4:9

Dị Ijosuwa rẹ kụ́ ịrẹta ẹwụrẹva gụ ịnị akakana irehu Ijodani ịzị ohirẹsụ irehi Ohomorihi ana za apoti oto jẹẹ ụmẹ ọnọọ nị. Ịrẹta ẹnẹẹ yị hị́ ịzọọ pooro vee tu ajịnị.

Odeyi 26:22

Ama Ohomorihi ộ mẹ̀ ọgụvọ mị pooro ve tù ajịnị, dị mị jẹẹ dị maa kà enube anịị yị onosiye ọnịrị azọbanyị nị. Mẹ yị kà ịrẹyị ọsa, ẹ̀ yị vị ịsị Imosiisi ọnịrị ọnịsẹ nịnị vịdị kà a ka ọ vaa mẹ.

Oyinyima 22:14

Di Abụrahamị kụkụ ka ịrẹha ịzọọ ọ rị Ẹnẹyịmavara vee re tụ ọ. Avọọ a mẹ̀ kụkụ aa hị́ ọ pooro ve tù ajịnị nị. Ịrẹsụ ataba anị ọnọọ Ẹnẹyịmavara vee re tụ́ ọ nị.

Oyinyima 35:14

Di Ijekọvụ hi ịrẹta ọnya jẹẹ ịzị Ohomorihi yà kà ịrẹyịị yọ nị. Di ọ ka eche kú ịrẹta ọnọọ, dị ọ rẹ ká angwẹ kụ́ ọ mị.

1 Ịsamụwẹrị 5:1

Ánihuristi nịnị mẹ̀ sị apoti oto Ohomorihi ọnọọ dọ hụụnị ụvọ Anisirẹrị, dị ẹ sị ọ hụrẹ Ẹbẹnẹza na tụ́ Asidodi nị.

Ayịsaya 19:19

Ịnị ụmẹ ọnọọ e vee hi ụta tụ́ ịnị akakana Ijipiti yị Ẹnẹyịmavara. A rẹ vaa tụra ịrẹtaa tụ́ ụtọ ẹtẹ Ijipiti yị Ẹnẹyịmavara.

Ahẹ Ụgama 71:17

Ohomorihi, m mẹ̀ hụrẹ vị ozweyi ụ hụrẹ sị ịsa ẹnẹẹ zụ̀ mị nị. Piporo va ngụ ajịnị vị ọnị maa kịị kà ịrẹyị ịsa ẹbanyị-ẹbanyị ọnị waa mẹ.

Ahẹ Ụgama 71:6

A mẹ̀ hụrẹ ma mị, mị hụrẹ sị ayị tụra wụ nị. Mâ yẹ ka ẹwa sị mị hụụnị ịnẹ ọnyị amị jịnẹ vẹ nị. Mị vaa kụ́ wụ avọ pooro nị.

1 Ịsamụwẹrị 4:1

Ẹkụhị ọnya Anisirẹrị nịnị ệ kụ́ ịrẹkụ ee nee tù Anihwirisiti nị nịnị. Anisirẹrị vi ene gu ịrẹkụ ẹnịnị tụ́ ịzị aā hị́ Ẹbẹnẹza, dị Anihwirisiti nị ẹnị re gu ẹẹnịnị tụ́ ịzị aā hị́ Ahwẹkị nị.

Ọyịkụra 17:15

Di Imosiisi hi ụta dị ọ ka ọnị ọ rị “Ẹnẹyịmavara, ọnọ vị uyi amị nị.”

1 Ịsamụwẹrị 7:11

Dị Anisirẹrị jịnẹ hi ẹhẹ hụrẹ Imizipa, di e kụ́ chire Anihwirisiti nịnị nị. Dị Anisirẹrị vavọọ wụ̀ wa huu na ngụ ọgụrị ịzị aā hị́ Ịbẹtị Ikari nị.

1 Ịsamụwẹrị 14:35

Dị Ịsọọrụ kụkụ hi ụta aha ịsọvọ tụ́ ịzọọ nị. Ịpaapa ọnị ọ vavọọ ee vee hi ụta ọ vị ọnọọ nị.