1 Ịsamụwẹrị 5:10 - IWE ỌNỊNỊ

¹⁰ Dị Anigati ẹnị rẹ sị apoti oto Ohomorihi ọnọọ, dị ẹ ka à sị ọ na tụ́ ịzị aā hị́ Ekironi nị. Anekironi mè re ka aā sị apoti ọnọọ aa ngụ ịnị ẹkụra ẹnịnị, di e nowu za ẹtẹ dị ẹ ka, “A raà sị apoti oto Ohomorihi Anisirẹrị vẹ ka à sị va wụ ẹyịrị aza ayị và ha ộ!”

1 Ịsamụwẹrị 5:10 Referans Kwoze

Emọsị 1:8

Ẹnẹyịmavara kà ọnị e vú aza ana ra ẹtẹ Anasidodi. Dị ọnị rẹ wụ ohinọyị Anasikeroni. Ọ kà ọnị rẹ vaa va eyi ịrazị ka Anekironi nịnị, vaa nyị Anihwirisiti ana vaa vọ ẹtẹ.

2 Ohinọyị 1:2

Ụmẹ ọnọọ, Ahaziya ohinọyị Isirẹrị ộ hyẹdụ hụrị ẹbẹẹba enoze irehi anị Ị́samarịya, dị ọ tọ̀ ụnava ẹtẹẹtẹrẹ nị. Ộ tụ́ ọnụtụ anị nịnị na zama ẹtẹ idi ori ana aā hị́ Ịbaarị-Izebubi. Ẹkụra Anihwirisiti ọnya ana aā hị́ Ekironi ori ọnọọ ya nị. Ộ tụ́ ka ana họ̀ ka ọnị waa vaa rị ẹngụ ọnọnị.

Ọdọvịdị 1:18

Ịrẹma ọnọọ, ezi Ijuda vana rẹ rị ẹtẹ Igaza ọnịrị Asikeroni ne beri Ekironi ọnịrị ẹkụra eweyi-eweyi ana kara wa nị.

Ijosuwa 15:45

Ekironi, beri ẹkụra ana vaka wa ọnịrị ẹkụra eweyi-eweyi,

Ijosuwa 13:3

hụrị irehu Isihoni ana ya eyi ịzị ọyịị̄ zịị vẹ ịnị ẹtẹ Ijipiti na ngụ eyi ẹbẹẹba ịnị ẹtẹ Ekironi ana a kà a ọnị vị ẹtẹ Anikenaani. Anihwirisiti nini ẹ nyị ohinọyị ẹẹhị ana ya Igaza, Asidodi, Asikeroni, Igati, ọnịrị Ekironi ne beri Awimi.

1 Ịsamụwẹrị 5:9

Ịjị ẹ raà sị apoti ọnọọ na tụ́ Igati, dị Ẹnẹyịmavara rẹ tana ụvọ za Anigati nị. Dị ọ mẹ ka angwa oo hi avaba ẹnịnị ẹtẹẹtẹrẹ nị. Dị ọ rẹ mẹ ka ịtahụ ọ̀ tụra hi avaba ẹnịnị iruvo saka-saka nị. Ọzọkụ ọnịrị ozweyi vị ọnị ịtahụ ọnọọ vavọọ tụra hi iruvo.

1 Ịsamụwẹrị 5:11

Dị Anekironi va hị́ avaba ọdọvịdị Anihwirisiti nị anda ẹnịnị ene hi ịzọọ gụ dị ẹ ka à sị apoti oto Ohomorihi Anisirẹrị ọnọọ hụụ ịda ẹnịnị. Ẹ ka à sị ọ nọ eehi anị ka à yị vị avọọ vị aa wụ ẹnịrị aza ẹnịnịị vaa ha nị. Avaba anẹkụra ọnọọ ê re ka Ohomorihi aa tana ụvọọ za ẹnị, dị angwahi ta ngụ wa ẹngụ nị.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

Ijosuwa 15:11

Ẹhwị ẹtẹ ọnọọ ộ na ngụ ịnị ataba Ekironi eyi ẹbẹẹba. Dị ọ zị oze Isikeroni, para Ataba Ịbaara hu, dị ọ na ngụ ịzị aā hị́ Ịjabịnẹẹrị nị; dị a hịka ịnị Òkū Imeditareniya ọ na zẹtẹ tụ nị.

1 Ịsamụwẹrị 6:1

Apoti Ẹnẹyịmavara ộ yà Ihwirisitiya mẹ ụhwẹ ịhịmba.

1 Ịsamụwẹrị 17:52

Di Anisirẹrị ọnịrị Anijuda ana vọ kwẹẹtẹ, di e nowu, dị ẹ yaa dụ Anihwirisiti nịnị nị. Ệ dụ wa pooro na ngụ ịzị aā hị́ Igati, dị ẹ vavọọ na ngụ ini oze Ekironi nị. Oku Anihwirisiti vi ene hi oze huu na ngụ Igati ọnịrị Ekironi.

1 Ịtọpa 7:21

Izabadi, ọnịrị Isutera. Ehwireemi ộ ma ezi ọnọrụ ẹẹva ọsa ịrẹma Isutera. Ịrẹha ẹnịnị ọ rị Ezeri ọnịrị Eriyada nị. Ịsụpa Anịgaatị nịnị ẹ ka ẹnị è ne yi dị a wụ̀ wa nị.

Emọsị 6:2

Ẹnẹyịmavara kà ẹnịnị e ne re ịsẹ tu ẹkụra ọzọza ịnị ẹtẹ Ikarine, ọnịrị Ihamati ẹkụra ọbanyị ne beri Anigati ịnị ẹtẹ Ihwirisiti. Ẹnịnị wáá nyị ụkata hụụnị Anẹkụra ẹnẹẹ nị?