1 Ịsamụwẹrị 4:20 - IWE ỌNỊNỊ

²⁰ Ọ́ mẹ̀ si ozi ma, di ee su na nị. Di anyẹnẹẹ ene hi ịzọọ ana aa gụ ọ ụvọ ka asị o hí angwa ka ozi ọnọrụ ọ ma nị. Ama o yi tụ́ wa ohi vụrụ-vụrụ.

1 Ịsamụwẹrị 4:20 Referans Kwoze

Ịjọọnụ 16:21

Ọnyẹnẹẹ àaa barẹẹ, ayị anị vị ene vee du, agụvị ka ụmẹ ụyọrị anị o si tù. Ama ọ̀ọ sị ozi anị ma, dị ayị ụyọrị anị kuku hi ọ, agụvị ka ọ kụkụ aa jẹ ka ọnị ọ sị ozi ma va ngụ ịnị ẹhẹ.

Ahẹ Ụgama 77:2

Ẹ́ngụkata mé tù mị, Ẹnẹyịmavara mi nowu na za nị. Avaba ịrahụ vị ọnị mị kụ̀rà ụvọ tụ́ ẹba, dị maa da ịpẹ, mẹ yị kà ka ụvọ amị ộ kata, me yi rị re ịsị a vọrọ ka ọ̀ mẹ ayị amị hunẹnẹ.

Oyinyima 35:16

Di Ijekọvụ ọnịrị aza nị sị ụsẹ ẹnịnị hụrẹ Ịbẹtẹrị nị; ẹ yaa vaa ngụ ẹkụra ana aā hị́ Ehwirati, di Irechẹrị nyima dị aa barẹẹ nị. Ịrẹẹ ọnọọ ộ sị ụya rị ọ ẹnẹmẹhị.

1 Ịsamụwẹrị 4:19

Ozi Eri ọnya ana aā hị́ Ihwinehasi ộ nyị ọnẹẹ. Ose anị ọnọọ vi ene ee zyẹẹ, e vee tù ka ò ma ozi. Ộ wụ́ ka a raà dọ apoti oto Ohomorihi. Dị ọ rẹ wụ́ ka ada ọva anị ne beri ọva anị ọnị ụvọta ê wusu nị. Ọ́ mẹ̀ vavọọ wụ́ kẹnẹ, dị ịrẹẹ nyima aa zị ọ, dị ọ ma ozi nị.