1 Ịsamụwẹrị 4:2 - IWE ỌNỊNỊ

² Isoja Anihwirisiti nịnị ê tere pè isoja Anisirẹrị dị ẹ gẹ ịrẹkụ nị. Ịrẹkụ ọnọọ ô nyị anyị, dị ụvọ Anihwirisiti nị si huna Anisirẹrị nị. Anisirẹrị ana Anihwirisiti nị wụ éyi ịrẹkụ vị aza ẹnị akawụ-akawụ oze ẹẹva.

1 Ịsamụwẹrị 4:2 Referans Kwoze

Arụwẹ 3:40

Navọ yaa zama oze ayị re, ị mẹmẹ aa ra ẹhẹ ayị, dị ye ro ịnẹ varẹma và ka Ẹnẹyịmavara vẹ.

1 Ịsamụwẹrị 17:21

Anisirẹrị ẹnịrị Anihwirisiti e reè tenyi ẹngụ ịrẹkụ, di isoja ẹnịnị aa kà a pe ẹngụ nị.

1 Ịsamụwẹrị 17:8

Di Igorayati va jẹẹ di o nowu hị́ isoja Anisirẹrị dị ọ ka, “Áa vị ụ kụ́ gụ ka wa va kụ́ ịrẹkụ nịnị? Wâ yẹ ka ẹmị vị Anihwirisiti, dị ẹwụ nịnị vi ozi ahụ Ịsọọrụ nị. Sị ọza ịnya ịnị ẹngụ awụ nịnị dị ọ̀ ve tù mị.

Ijosuwa 7:12

Dị Ẹnẹyịmavara kà Anisirẹrị ẹ yị vaa zụ jẹẹ zi ọnịvị ẹnịnị. Aa vaa dụ wa eche nị. Ẹnị nyẹmba vị ana vọrọ ka aa wụ́ Ohomorihi ọ sị va ịrẹma ẹnịnị. E vị yi ẹ sị ịsa enyisi hụụnị ẹngụ ẹnịnị tụ ẹhẹ.

1 Ịsamụwẹrị 4:1

Ẹkụhị ọnya Anisirẹrị nịnị ệ kụ́ ịrẹkụ ee nee tù Anihwirisiti nị nịnị. Anisirẹrị vi ene gu ịrẹkụ ẹnịnị tụ́ ịzị aā hị́ Ẹbẹnẹza, dị Anihwirisiti nị ẹnị re gu ẹẹnịnị tụ́ ịzị aā hị́ Ahwẹkị nị.

1 Ịsamụwẹrị 4:3

Ịjị isoja Anisirẹrị ana vọ varẹma nọ udi ẹnịnị dị ọdọvịdị Anisirẹrị ka, te! Sị ẹ vẹ dị Ẹnẹyịmavara maanị zẹẹ ka Anihwirisiti ẹ̀ maanị huna ẹnị ajịnị. Dị ẹ ka à tụ́ na sị apoti oto Ohomorihi ana yà Isiro, dị à sị ọ vẹ. Ẹ ka ọ̀ọ vẹ dị Ẹnẹyịmavara saasa ẹnị nọ ịrẹkụ nị, ịsavọọ ọ̀ dọ ẹnị tụ́ hụụnị ụvọ ọnịvị ẹnịnị.

1 Ịsamụwẹrị 4:10

Ịzẹyịza dị Anihwirisiti nyayịnẹ kụ̀ ịrẹkụ, dị ẹ rẹ sị Anisirẹrị huna nị. Dị avaba isoja Anisirẹrị ana vọ kú zwe nọ udi ẹnịnị nị. Isoja Anisirẹrị ana a wụ̀ ộ rụrụ ẹtẹẹtẹrẹ. Ẹnịnị ệ gụ akawụ-akawụ oze ẹwụrẹhị.

Ireevi 26:37

Ẹnịnị vị ana vaa vanggaa jịnẹ ẹngụ ọza òo rere ee zwe ka a sị ịrẹkụ rị ọnị avọọ, ama ẹ́ yị nyị ọza ana aa dụ wa. Ẹnịnị ẹ́ yị kụkụ vaa nyị ụkata ọ̀ yị pe ọnịvị ẹnịnị kụ̀ ịrẹkụ.

Ịrịka 14:45

Dị Anamarẹkị ọnịrị Anikenaani nịnị ene hi ịrẹsụ ataba chi vẹ vaa rị wa dị dụ wa huu va ngụ ẹkụra ana aa hị́ Ịhọma nị.