1 Ịsamụwẹrị 4:13 - IWE ỌNỊNỊ

¹³ Ọ́ mẹ̀ vẹ dị ahịka vị o ve tù ka Eri ộ tụ́ aga tụ́ ụtọ oze, dị ọ yaayịtẹ, di o và eyi kà oze nị. Eri vị ana sị eyi pè oze agụvị ka ayị aa hụrẹ ẹ ịnẹ ka asị a na dọ Anisirẹrị apoti oto Ohomorihi. Ọ́za ene zwe hụrẹ eyi ịrẹkụ aanị mẹ̀ va ngụ ịnị ẹkụra, dị aa kà a yị aza ịsa ana mẹ nị. Dị avaba anẹkụra ẹnị ee nowu kẹnẹ nị.

1 Ịsamụwẹrị 4:13 Referans Kwoze

1 Ịsamụwẹrị 1:9

Ịjị ịsọvọ ta mẹ̀, dị ệ sị ịsa rị Isiro, dị Ịhaana kwẹẹtẹ dị ọ na mẹ̀ aduwa ọvịdị Ẹnẹyịmavara nị. Eri ana vị ohirẹsụ irehi Ohomorihi vị ana yaayịtẹ ịnị aga ọgụrị enoze irehi Ẹnẹyịmavara.

1 Ịsamụwẹrị 4:18

Ọnọrụ ọnọọ mẹ̀ yị hị́ apoti oto Ohomorihi, di Eri vavọọ vangga hụụnị aga anị na nya ẹtẹ ọgụrị ukere ene e si gu ózee ana na ngụ ịnị ẹkụra, dị ọ pụnẹ ọrọkọ, di o sú nị. Eri ọ sị vịra, dị ọ rẹ banyị nị, o yi zụ zune ẹngụ anị. Eri ộ mẹ̀ ọdọvịdị Anisirẹrị gụ ịrayị ẹbẹẹva.

Ahẹ Ụgama 26:8

Ẹnẹyịmavara, mê sì ịrẹyị irehi ọnị ụ ra ịnị anị Mị ka me sì ịrẹyị ịzị ụ yà.

Ijosuwa 7:9

Ịjị Anikenaani nịnị ọnịrị anẹkụra ana vọ ẹẹ wụ́ ịsị e tu ẹnị, dị ẹ vẹ ẹnị ịrẹkụ dị ẹ wụ́ ẹnị va ha. Ẹnẹyịmavara mẹẹ vaa mẹ̀ ụhị ọnọọ?

1 Ịsamụwẹrị 4:14

Ịjị Eri vavọọ wụ́ ka aza ee nowu, di o ve họ̀ use ka sị ẹ vẹ dị aza vavọọ ee nowu nị.

Ijeremaya 48:19

Ẹwụ nịnị ana ra ịzị aā hị́ Aroyeri ẹ̀ va jẹẹ utoze di wee zí nịnị. Họ̀ aza enee zwee na ka sị ẹ mẹ kẹ?