1 Ịsamụwẹrị 31:3 - IWE ỌNỊNỊ

³ Ịrẹkụ o si nyị anyị kara Ịsọọrụ, dị aza eneē ne ọpa sị kara Ịsọọrụ, dị ẹ tụ̀ ọ ụnava odivi nị.

1 Ịsamụwẹrị 31:3 Referans Kwoze

2 Ịsamụwẹrị 1:6

Di ozi ọnọrụ ọnọọ ka ẹnị va na yà ịnị ataba Igibiya ịhị ọnọọ. Di oni re ka Ịsọọrụ ộ jẹẹ vàrịrẹ ụhwọ ọbanyị anị nị. Di oni re ka isoja ọnịrị ẹnịnị ana tụra ịkẹkẹ oni umaata ee tura ọnịrị isoja anaā tụra umaata nịnị maa dụ Ịsọọrụ, ẹ yaa vaa za a nị.

Emọsị 2:14

Ịzị ẹnịnị ẹẹ rẹ na za, ẹnịnị ẹ yị vaa ha. Ẹ yị nyị ẹ mẹmẹ nyị ụkata na za, ẹ vaa tụ ọkụmị. Ẹnịnị ẹ yị vaa zụ dọ ẹngụ ẹnịnịị ha.

1 Ohinọyị 22:34

Di ọza ịnya aanị maanị yi ne ọpa anị araara kẹnẹ nị, dị ahịka avọọ o mè yi ne che ohinọyị Anisirẹrị ịnị akakana ịzị awuru ịrẹkụ anị ọnịrị okurachị anị na gẹ nị. Dị ohinọyị Anisirẹrị wụsẹ ka ẹ yị ọza ana aa sị ụkẹkẹ anịị zị dị ọ kà, “Wụsẹ vara eyi, wa sị mị jịnẹ hụụnị udi ịrẹkụ ịzẹnị ka a sị mụ tụ̀ ụnava.”

2 Ịsamụwẹrị 1:4

Di Idevidi ka, “kà a mị a vị à yị nyị ịrẹyịị?” Dị ọnọrụ ọnọọ ka, “Anda ayị vi ene zwe hụrẹ ọvịdị ịrẹkụ. A kụ́ ọrụrụ-ọrụrụ ẹnịnị wụ̀. Ịsọọrụ ọnịrị Ijonatani ozi anị ệ hyakụ wusu bẹẹ.”

Oyinyima 49:23

Ọnịvị awụ ệ kụ́ ọkịta ọnịrị ọpa aa dụ wụ, eyee ne wụ ọpa ẹ yaa dụ wụ

2 Ịsamụwẹrị 21:12

Anihwirisiti nị nịnị vị ana wụ̀ Ịsọọrụ ịnị ataba Igibiya. Dị ẹnịnị sị oku ọnịrị Ijonatani ozi anị, di ê zù wa gẹ ọchị ịnị orere Ị́bẹtị-Isani ịzị anọrụ Ijabesi-Igiriyadi ne were-were kụ wa. Di Idevidi va nọ Ijabesi-Igiriyadi, dị ọ na kụ́ ẹchụkụ Ịsọọrụ ọnịrị ẹchụkụ Ijonatani ozi anị hụụ ịnị ụvọ anọrụ Aniyabesi-Igiriyadi nị.