1 Ịsamụwẹrị 30:24 - IWE ỌNỊNỊ

²⁴ Ọza ọ yị zụ dọ ịrẹyị ọnị ụ kà nịnị avọọ. Aza ana jẹẹ pè ẹnya ayị ọnịrị aza ana nọ ịrẹkụ vi ene dudu aa gà ogu ọnọnị ẹbẹẹbẹ. Aza ẹnyị ẹ yị vaa nyịị huna ọsa.”

1 Ịsamụwẹrị 30:24 Referans Kwoze

Ijosuwa 22:8

dị ọ kà a yị wa ka, “Kụ́ ogu, ọnịrị ịsụpa, isiriva, igooru, enyusẹ ẹnyị ọnịrị ọsa, beri achị tatarata wa nọ eehi awụ nịnị. Ẹwụrị anda awụ nịnị ana vọ ẹ̀ na gà avaba ẹnya ọnị ụ kụ́ hụụ ịdị ọnịvị awụ nịnị aanị.”

Ịrịka 31:27

Dị ẹ ga a ẹbẹẹbẹ hí oze ẹẹva, dị aza ana nọ ịrẹkụ ẹ kụ́ oze ọnya, dị aza ene hí inehi ẹ kụ́ ọsa.

Ahẹ Ụgama 68:12

Ohinọyị ọnịrị isoja nịnị ệ va tụ́ echi, e yee zwe, dị anyẹnẹẹ ene hi udi kụ́ ogu isoja ẹnẹẹ dị ẹ yaa gà a nị.

1 Ịsamụwẹrị 25:13

Di Idevidi hí aza anị dị ọ ka ọzọza ọ̀ kụ́ ụhwọ anị nị. Ịzẹyịza dị ọzọza kụ́ ụhwọ anị, di Idevidi ọnị rẹ sị aanị nị. Ẹhụ aza ẹnị akava avọọ ộ saasa Idevidi aa na, dị ẹnị ịrẹka jẹẹ pè ẹnya nị.

1 Ịsamụwẹrị 30:23

Di Idevidi ka, “Ẹwụ nịnị ẹyịnyara amị, mẹ yị dọ. Wẹ yị nyayịnẹ vavọọ mẹ tụ́ ịrẹsụ ogu ẹnị Ẹnẹyịmavara sị yị. Ẹnẹyịmavara ô sere yị, dị ọ sị ọnịvị ayị chire yị ụvọ nị.

1 Ịsamụwẹrị 30:25

Di Idevidi mẹ̀ ẹ ọda, dị ahịka avọọ a mẹ̀ kụkụ aa mẹ̀ ẹ ịnị ẹtẹ Anisirẹrị pooro ve tù ajịnị nị.

1 Ịsamụwẹrị 22:2

 nyị aza ẹnyị ana ayị vịdị aa kụ́ ọnịrị aza ana ayị ẹnịnị si du. Dị ẹngụ aza ẹnẹẹ kụ́ ẹngụ gụ di ẹ kụ́ ẹngụ ẹnịnị na yị Idevidi nị. Ẹnịnị vị akana, dị ahịka Idevidi ẹ kụkụ sị mẹ ọga nị.