1 Ịsamụwẹrị 30:17 - IWE ỌNỊNỊ

¹⁷ Di Idevidi ẹnịrị aza ẹnẹẹ gẹ ịrẹkụ hụrẹ ịrahụ na ngụ oruva eyinẹhẹ anị nị. Ẹ yị nyị aza ẹnẹẹ ene re oze zwe à yị vị ẹnị akava kẹnẹ anaā tura ịkẹrịkẹtẹ di e si zwe.

1 Ịsamụwẹrị 30:17 Referans Kwoze

1 Ịsamụwẹrị 11:11

Ẹnẹnẹ viri-viri eyinẹhẹ anị, dị Ịsọọrụ kụ́ aza anị dị ọ ga wa hi oze ẹẹta nị. Dị ẹnịnị zwe na ngụ ịzị Anamọrị hi, dị ẹ wụ Anamọrị pooro dị ụmẹ ọọdụ tù nị. Anamọrị ana vọ vị ana a gara zizi; kụkụ nyị aza ẹnịnị ana vọ gụ ẹẹva tụ́ aha ọnya.

Ahẹ Ụgama 18:42

Mâ pa ịva yị wa ana ahịka vị ẹ kụkụ sị mẹ anka ezi ana ahị aa kụ́ụ zị avọọ nị. Dị mị kụkụ aa kụ́ ahụụ hi wa anka a mẹ̀ẹ zị ụsẹ ini eteesu nị.

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

Ọdọvịdị 4:16

Dị Ịbarakị ọnịrị isoja dụ wa ngụ Iharọsẹtị-Ịhagọyimi nị. Avaba isoja Isisera vị ọnị ịrẹkụ rị bemi-bemi.

Ọdọvịdị 7:12

Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.

2 Ịsamụwẹrị 1:1

Ịnị ụmẹ ọnya Idevidi ộ kụ́ ịrẹkụ ne tù Anamarẹkị, dị ọ wụ̀ wa nị. Ọ mẹ̀ sị wa wụ dị ọ vavẹ dị ọ va yà Izikiragi mẹ ẹkụhị ẹẹva nị. Ịjọnọọ Ịsọọrụ ọnị ô wusu,

2 Ịsamụwẹrị 8:12

Anẹkụra oni Idevidi vavọọ hu ẹtẹ éyi ịrẹkụ ẹ vị Anarami ọnịrị Animowabi beri Anamọnị. Ọsa ẹ vị Anihwirisiti ọnịrị Anamarẹkị nị. Ogu ọnị ọ rẹ kụ́ hụụ ịda ohinọyị. Izoba ana aā hí Ihadadeza ozi Ịrẹhọbị vị ọnị ọ rẹ kụ́ na yị Ẹnẹyịmavara.

1 Ịtọpa 4:43

Avaba Anamarẹkị ana vọ hi ịzọọ vị ẹnẹ ẹnịnị wụ̀ va ha, dị ẹnịnị kụkụ ra ịzọọ hụrị ụmẹ avọọ nị.

Ijeremaya 41:15

Ama Isimẹrị ozi Inetanaya ọnịrị aza anị ẹnị ịhịnta ê zwe hụụnị ụvọ Ijohananị na ngụ ẹtẹ Amọnị. Ụvọ Ijohananị é yi re ve ku wa.

2 Ohinọyị 7:5

Ịzẹyịza ịjị ẹtẹ maanị ee hozi kẹnẹ, di e si hu aa nọ udi Anisiriya nịnị nị. Ama ịjị ẹ maanị aa jị ahụụ ngụ ịzọọ kẹnẹ, ẹnịnị e yi re ọza ọnyọọnyị ịzọọ.