1 Ịsamụwẹrị 3:4 - IWE ỌNỊNỊ

⁴ Dị Ẹnẹyịmavara vana hị́ Ịsamụwẹrị nị. Di Ịsamụwẹrị zẹẹ.

1 Ịsamụwẹrị 3:4 Referans Kwoze

Ayịsaya 6:8

Dị mị va wụ́ ka Ananyị yị ka, “Ẹnị maa vaa tụ́ ụtụ aanị kẹ, ẹnẹ vaa zị ụtụ ọnọnịị yị? Dị mị ka ẹmị yọ, tụ́ mị.”

Ahẹ Ụgama 99:6

Imosiisi ọnịrị Eerọnị yà ịnị aza ana vị ohirẹsụ irehi Ohomorihi. Ịsamụwẹrị ọnị rẹ yà ịnị aza ana nā mẹ̀ aduwaa hi Ohomorihi di o tụ́ wa ohi.

Ọyịkụra 3:4

Ẹnẹyịmavara mè re ka Imosiisi aa kà a pè e ka oni ò ne re e, dị ọ vana yà ịnị ọchị ọnọọ dị ọ hị́ ọ nị. Dị ọ ka, “Imosiisi, Imosiisi!” Di Imosiisi ka hèé nị.

Oyinyima 22:1

Ộ dà kù che ẹnị ẹ maanị hị́ eku yị ẹngụ, di Ohomorihi va zama Abụrahamị re ịnị ụmẹ ọnya nị. Di Ohomorihi hị́ Abụrahamị, di Abụrahamị ka, “Hèé, ụmẹ ka.”

1 Anịkọrịntị 12:28

Ohomorihi ọ raà sị ọzọza tụ́ udi anị ịnị ịragụ anị. Udi ịpaapa, áa nyị Ezirẹma Ijeesu nịnị; udi ụpọhụva, áa nyị ọnịsẹ nịnị. Udi ụpọhụta, dị a rẹ nyị ọzwọzịsa nịnị nị. Dị a kụkụ va nyị aza ana aa mẹ̀ ụkọrọ ohyozirenu nị, dị a rẹ nyị aza anaa sị ụkata yị ka ẹ̀ẹ mẹ aza ụkụ, dị ẹ̀ẹ gụ aza ụvọ nị. Dị aza ẹnyị ẹnị aa sị oze zụ̀ aza; dị aza ẹnyị raa sị ẹkụra ọsaa kà ịrẹyị nị.

Odeyi 9:4

Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”

1 Ịsamụwẹrị 3:5

Di o zwe ne tù Eri nị. O mè tù ịda Eri dị ọ ka, “ẹmị yị, a vị ụ waa hị́ mị.” Di Eri ka ọnị ọ yị hị́ ọ, ọ̀ varẹma na hụtụ nị. Dị Ịsamụwẹrị varẹma dị ọ na hụtụ nị.

Oyinyima 22:11

Ama di anggẹẹrị Ẹnẹyịmavara vana yà ẹbẹẹba dị ọ hị́ Abụrahamị dị ọ ka, “Abụrahamị, Abụrahamị.” Di Abụrahamị ka, “Hèé, ụ mẹ ka?”