1 Ịsamụwẹrị 3:13 - IWE ỌNỊNỊ

¹³ Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.

1 Ịsamụwẹrị 3:13 Referans Kwoze

Imatiwu 10:37

Ọza ene èe sì ịrẹyị ada anị, àa vị ọnyị anị huna mị, ọ yị hụ ọ vị áamị. Ọza ene èe re sì ịrẹyị ozi ọnọrụ anị, àa vị ozi ọnẹẹ anị huna mị, ọ yị rẹ hụ ọọ vị áamị.

Ụhịrẹyị 19:18

Pa ezi ẹwụ ịnị ozweyi ẹnịnị ẹnẹ zụ kọsẹ, ẹ yị vavọọ u wee du wa ha nị.

1 Ịsamụwẹrị 2:12

Ezi Eri vị ana aa mẹ̀ ebira odivi. Ẹnịnị ẹ yị hị́ ịrẹyị Ẹnẹyịmavara ịrẹyị.

1 Ịsamụwẹrị 2:17

Ebira odivi eni ezi Eri ẹnẹẹ vavọọ aa mẹ ộ nyị Ẹnẹyịmavara ịhyẹrẹ ẹtẹẹtẹrẹ. Ezi ẹnẹẹ ẹ raà sị eyi ịyẹyẹ re ịsọvọ ana aa mẹẹ yị Ẹnẹyịmavara.

Ezikẹẹrị 18:30

Avọọ, ẹwụ nịnị Anisirẹrị, Ẹnẹyịmavara Ananyị ụkata hu ka, ọnị vaa mẹ̀ ọkarẹyị yị ọzịnya-ọzịnyara awụ nịnị anka ịsị ọzọza mẹ. Ro ịnẹ varẹma, dị wa và hụụnị ebira odivi ọnị waa mẹ nịnị; Asị ụ zẹẹ ka ebira odivi awụ nịnị ò wú wu nịnị ẹtẹ.

Ezikẹẹrị 7:3

Ẹwụ nịnị Anisirẹrị, eyi awụ nịnị ọ sị nị. Ọnị vaa sị ọyịkụ anịị zụ̀ wụ nịnị, dị ọnị mẹ̀ ọkarẹyị avaba ịsị ọnị Ụ mẹ yị wụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị u mẹ nịnị.

1 Ohinọyị 1:6

Ada Adonija ộ yị maanị tụ́ ọ ohuvọ ẹkụhị ọnya da a mẹ̀ hụrẹ ma a, ka sị ẹ vẹ dị ọ maanị mẹ Adonija vị ana nyayịnẹ zoza, dị ahịka ọnị a ma tụra Isoromọnị nị.

Ụhịrẹyị 29:15

Ozi ana a pà vị anaā nyị ịrẹyọyẹ, ama ozi ana a ha ẹtẹ tụ vị anaā mẹ̀ ụhị nyị ọnyị anị.

1 Ịjọọnụ 3:20

Ayị ayị ọ̀ọ yị jị ịvị yị, Ohomorihi o huna ayị ayị nị, ọ́ọ rẹ yẹ avaba ịsa.

Ijowẹrị 3:12

Avaba anẹkụra e tenyi ẹngụ, dị ẹ na gẹ inozi Ijehosahwati ịzị Ẹnẹyịmavara vaa yaatẹ ịrẹsụ ode anị, dị aa mẹ̀ ọkarẹyị yị avaba anẹkụra nịnị.

Ịrẹyị Ọzwọzịsa 7:22

Ẹwụ ụvọta ọọ yẹ ụpẹ ya ẹwụ rẹ kụ ọza ụhụ da.

2 Ịtọpa 20:12

Ộ kà a Ohomorihi ọ sị ụya rị wa agụvị ka ẹ yị nyị ịsị ẹnị zụ mẹ̀ ọkọnị isoja ana va eyi ịrazị ka ẹnị aanị. Ẹnị ẹ yị yẹ ịsị ẹnị zụ mẹ̀, ama ẹnịnị ee zi Ohomorihi eyi ka ọ va gụ́ ẹnị ụvọ nị.

1 Ohinọyị 2:44

Ẹwụ ụvọta ộ yẹ ịnị ayị awụ avaba ịsa odivi ọnị ụ mẹ Idevidi ada amị. Avaba ịsa odivi ọnị ụ mẹ avọọ Ẹnẹyịmavara va sị họ̀ wụ.

Iwe Ọhụhị Imosiisi ana aa hị́ Ọyịvatụrọda 17:12

Ọza tụra ọza ene ro ka ọnị ọ zụ mẹ akamawụ hi ọmọkarẹyị, a vị ohirẹsụ irehi Ohomorihi nịnị, vị ana vaa wụ̀; agụvị ebira odivi ọ hụrẹ ẹtẹ Isirẹrị.

Iwe Ọhụhị Imosiisi ana aa hị́ Ọyịvatụrọda 21:18

Ọza ọ̀ọ ma ozi ana nyị ayị ọkatẹngụ, dị ẹ̀ yị ma wụ́ ịrẹyị ada anị ọnịrị ọnyị anị, ẹ̀ẹ da ka sị ụya rị ọ pooro nị.