1 Ịsamụwẹrị 3:11 - IWE ỌNỊNỊ

¹¹ Dị Ẹnẹyịmavara kà a yị Ịsamụwẹrị dị ọ ka ọnị ee sì ka ọ̀ yẹ ka â nyị ịrẹyị ọnị ọnị aa vaa mẹ ịnị ẹtẹ Anisirẹrị. Ọ kà ịrẹyị ọnọọ vee divi ana ahịka avaba aza ana àa wụ́ ọ, ẹngụ ẹnịnị vee henyi.

1 Ịsamụwẹrị 3:11 Referans Kwoze

Ihabaku 1:5

Dị Ẹnẹyịmavara tụ́ Ihabaku ohi, dị ọ kà o kana eyi di o re ịrẹyị avụna-avụna ene vee tu anẹkụra ana vọ eyi anị. Ọza ọ̀ọ vịdị ka ịrẹyị ọnọnị yọ, vị aa kụ ọ hi ireche nị.

Odeyi 13:41

“Re nịnị, ẹwụ nịnị onisiya, Ò hí wu nịnị irenu, di u we vu ẹtẹ nịnị! Ịsa ọnị mị vaa mẹ ịnị ụmẹ awụ nịnị, wẹ yị vaa dọ ọ wụ́ nịnị, àa daka kà a zụ̀ wụ nịnị.”

Ijeremaya 19:3

Ijeremaya ka, Ẹnẹyịmavara kà ọnị kà a yị ohinọyị Anijuda nịnị ọnịrị Anijerusarẹmị nịnị ka, ẹnịnị ẹ̀ sị ụtọ pe ịrẹyị ọnị ọnị Ẹnẹyịmavara Ochẹtẹẹngụ aa kà. Ọnị ọ̀ Ohomorihi Anisirẹrị nịnị nị. Ẹnẹyịmavara kà ọnị vaa sị ụyaa rị ẹkụra ọnọnị divi-divi, dị o hi avaba aza anaa wụ ọ irenu.

2 Ohinọyị 21:12

Avọọ, Ẹnẹyịmavara Ohomorihi Isirẹrị ka ọnị vaa kụ́ odivi tụ́ Ijerusarẹmị ọnịrị Ijuda ọnị aza ọ̀ọ wụ́ dị ọ su wa ẹngụ.

Iruuku 21:26

Dị ayị anẹhẹ kụ́ sụ̀ enyi, ángwa òo mèe hí wa, agụvị ka ệ jẹẹ ee zí ụyọrị ana vọ ana aa vẹ ịnị ẹhẹ. Ịsa ene hi ẹbẹẹba vee henyi.

Ayịsaya 29:14

Mị rẹ va naa mẹ̀ ịsa ana ahịka ô hi wa eyi. Avọọ m mẹ̀ vaa mẹ̀ ẹ tụ̀ ẹngụ tù ẹngụ nị. Aza ana ka ẹnị ệ yẹ ịrẹyị vee re ka ọnụra ẹnị vị nị. Avaba ịrẹyọyẹ ẹnị ẹ ka ẹnị ệ nyị vị ana vaa tụ́ osusu.”

Ayịsaya 28:19

Avọọ ịrẹyị odivi mè vee tù wu ẹnẹnẹ-ẹnẹnẹ ọnịrị oruva-oruva nị. Ịrẹyị ọnọọ vị ana vaa rị wụ. Wàa yẹ iruvo ụtụ oni Ohomorihi tụ́ hi wu, ẹgahị vị ana vaa ngụ wụ ẹngụ.

1 Ịsamụwẹrị 3:10

Dị Ẹnẹyịmavara rẹ vẹ anka ọ mẹ̀ vịdịị vẹ, dị ọ jẹẹ dị ọ rẹ vavọọ hị́ Ịsamụwẹrị dị ọ ka, “Ịsamụwẹrị! Ịsamụwẹrị!” Di Ịsamụwẹrị kà, “Nda, wa kà ịrẹyị awụ ka ozida awụ aa wụ́.”

1 Ịsamụwẹrị 4:10

Ịzẹyịza dị Anihwirisiti nyayịnẹ kụ̀ ịrẹkụ, dị ẹ rẹ sị Anisirẹrị huna nị. Dị avaba isoja Anisirẹrị ana vọ kú zwe nọ udi ẹnịnị nị. Isoja Anisirẹrị ana a wụ̀ ộ rụrụ ẹtẹẹtẹrẹ. Ẹnịnị ệ gụ akawụ-akawụ oze ẹwụrẹhị.

Ijoovu 41:9

Ọza tụra ọza ene e re agụgụ vị ana ayị anị aa sẹ̀ẹ hi ịnẹ, dị ọ hyẹdụ nya ẹtẹ ọvịdị anị.