1 Ịsamụwẹrị 29:4 - IWE ỌNỊNỊ

⁴ Ayị ọ sị kụ́ ọga isoja Anihwirisiti, dị ẹ ka, “Ka a ka ọnọrụ ọnọọ ọ̀ varẹma dị ọọ nọ ịzị ụ sị yọ. Ọ yị saasa yị nọ ịrẹkụ o, ka ọ vana vara eyi tù yi yèe tù eyi ịrẹkụ. Wáā yẹ ka ọ̀ọ wụ̀ aza ayị ọnị ọnọọ zụ mẹ ka ọga anị ọ̀ varẹma sì ịrẹyị anị?

1 Ịsamụwẹrị 29:4 Referans Kwoze

1 Ịsamụwẹrị 14:21

 nyị Anihiburu ana vịdị na yà eyi ịdị Anihwirisiti nịnị. Dị ẹnịnị si zwe varẹma vẹ ịda Anisirẹrị nịnị ana yà pe Ịsọọrụ ọnịrị Ijonatani nị.

1 Ịtọpa 12:19

Aza ẹnyị ini ovwoovu Ịmanasẹ ê zwe và ka Idevidi na. Ụmẹ ọnọọ Idevidi saasa Anihwirisiti nịnị vẹ ịrẹkụ Ịsọọrụ nị. Ama Idevidi ẹ yị rẹ và kụ ịrẹkụ yị Anihwirisiti nịnị. Ọdọvịdị ẹnịnị e geyi dị ẹ ka Idevidi ọ̀ varẹma nị. Ẹ ka Idevidi ọ zụ́ vàka ọga anị na, dị ọ kụ ẹnị ahụ yọ. Agụvị avọọ, dị ẹ ka, ọ̀ varẹma ọọ nọ ịzị aā hị́ Izikiragi nị.

Iruuku 16:8

Dị ọga ọnọọ kà ọda yị ozi ahụ onirikichi ọnọọ nị, agụvị ka ộ vavọọ sị ịrẹyọyẹ mẹ. Anẹhẹ ọnọnị aa mẹ̀ ebira ịrẹyọyẹ ịnị ẹhẹ ẹnịnịị huna aza ana ka ẹnị yà ini ẹtohweyi nị.”

1 Ịsamụwẹrị 27:6

Ịzẹyịza ịhị ọnọọ, di ohinọyị sị ịzị aā hị́ Izikiragii yị Idevidi nị. Ohinọyị Anijuda ẹ kụkụ nyị nyị ịzọọ pooro ve tù ajịnị nị.

1 Ịsamụwẹrị 29:9

Dị Akisi ka ọnị ộ yẹ ịzẹyịza ka ebira Idevidi vi ene zoza anka ebira anggẹẹrị Ohomorihi avọọ. Ọ kà ama ọga isoja Anihwirisiti nịnị ka asị ọ saasa ẹnị nọ ịrẹkụ.

1 Ịsamụwẹrị 30:1

Idevidi ọnịrị aza anị mẹ̀ varẹma aa nọ Izikiragi, dị ahịka ịhyẹgwẹta anị ẹ na ngụ nị. E ne tù ka Anamarẹkị ẹ raà kụ́ ịrẹkụ na rị Ịnẹgẹvị ọnịrị Izikiragi. Izikiragi vi ene e du, dị ẹ rị ọ ịra za ẹtẹ.

Ọyịkụra 1:10

Dị ọ ka ẹ mẹ̀ maanị sị rụrụ aanị àa na nyị aza ọnị ịrẹkụ chị́ yị ẹnịrịị Anisirẹrị ẹ nyayịnẹ na vaka aza ẹnẹẹ dị ẹ baku ẹnị. Ịjọnọọọ di e si zwe hụụ ịzọọ. Dị ọ ka agụvị avọọ à vẹ ẹnị e sì oze dị ẹnị ẹ̀ za ụrụrụ ẹnịnị jẹẹ.”

1 Ịtọpa 12:20

Isoja Anịmanasẹ ẹnẹnị e zwe saasa Idevidi ọ mẹ̀ varẹma aa na nị: Adina, Ijozabadi, Ijediyayeri, Ịmayịkẹẹrị, Ijozabadi ọsa, Erihu, ọnịrị Iziretayị. Ẹ́ mẹ̀ yà Ịmanasẹ, ẹnịnị vị ana sị eyi pe isoja akahị-akahị.