1 Ịsamụwẹrị 28:6 - IWE ỌNỊNỊ

⁶ Ịsọọrụ o ne sì ụvọ tụ́ ọ ka ọnị ọ̀ yẹ ịsị Ẹnẹyịmavara ọ̀ọ kà, ama Ẹnẹyịmavara o yi tụ́ ọ ohi. Ọ yị sị ịrẹyị zụ̀ ọ ịnị ụra, ọ yị rẹ sị ịrẹyị zụ̀ ọ ini Urimi ana a sịị zama ẹtẹẹ tụ́ ịnị ịrẹyị. Ọnịsẹ nịnị ẹnị ẹ yị re re ẹtẹ dị ẹ̀ va kà a yọ.

1 Ịsamụwẹrị 28:6 Referans Kwoze

1 Ịsamụwẹrị 14:37

Dị Ịsọọrụ va họ̀ Ohomorihi dị ọ ka, “Méé ne tù Anihwirisiti nịnị? Wáá vaa mẹ ka Anisirẹrị e huna wa?” Ama Ohomorihi o yi tụ́ o ohi ịhị ọnọọ.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Ịrịka 27:21

Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

Ijemiisi 4:3

Wàa hyakụ da ịpẹ, ọ yị sị, agụvị ka wẹ yị da ịpẹ a mẹ̀ vọrọ nịnị; agụvị ka ịsa ene zé ẹwụ ịnyara eyi nịnị kẹnẹ u wee sì nịnị nị.

Ịjọọnụ 9:31

Yâ yẹ ka Ohomorihi ọ mā sị ụtọ pe ịrẹyị ọnịvị. Ọza ana àa hẹkẹ Ohomorihi, dị ọ raa mẹ̀ ịsa oni Ohomorihi sì nị, ọnị Óhomorihiī sị ụtọọ pe nị.

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Ijeremaya 23:28

Ẹnẹyịmavara kà, ọnịsẹ anaa ra ụra ọ̀ ka a ka ọnị ọ ra ụra, ama ọnịsẹ ọnị ọnị ọọ tụ ụtụ ẹ̀ sị ịzẹyịza na ka ụtụ anị. Ọ kà, sị ebe ọnịrị akụ si vị ọnyọọnya kẹ?

Iwe Ọhụhị Imosiisi ana aa hị́ Ọyịvatụrọda 33:8

Imosiisi mẹ̀ aduwa yị Anireevi ka; Ẹnẹyịmavara ọ navọ itumimi ọnịrị Urimi anị ẹ sị ịsị vị ọyịsị anị zụ wa ana vị aza anị. Wâ sị akanya zama wa re ẹtẹ Imasa ịnị enyi Imeriba agụvị dị wa yẹ ẹngụ aza ẹnị ẹ vị.

Ọyịkụra 28:30

Rẹ kụ́ ịsị e sii sì iruvo ịrẹyị ana aā hí Urimi ọnịrị Itumini dị wa kụ́ wa hi ịnị ọtụrịrachị ọnọọ. Ẹ̀ vavọọ tụra Eerọnị ayị ụmẹ tụra ụmẹ ana àaa ngụ ụ vẹ ọvịdị ẹmị Ẹnẹyịmavara. Avọọ Eerọnị mẹ̀ vee chire ịsị ọ vaa sị yẹ ịsị mi sìi kú ịrachị dị ọ̀ọ kà a yị Anisirẹrị nị.

Ụhịrẹyị 27:1

Asị ọza wo oto ịrẹyị ụhwọọ agụvị ka ọza ọ yị yẹ eyi ana vaa nị.

Ahẹ Ụgama 74:9

Yẹ yị kuku re apọtẹrẹwa ọnyọọnyị, yẹ yị rẹ kụkụ nyị ọnịsẹ ikonya, ana vọ, nyị ọza ana yẹ ịzị ị maanị vee re nee tù.

Ọyịkụra 28:20

Ẹngụ ịrẹta ene re vee hi ịnị ọrọ ọhụna yị: ịrẹta ozoza ana vị anangẹrẹ ọnịrị ịrẹta ana nyị achẹrẹ irenyi-irenyi tụra ẹngụ ne beri ịrẹta ana dà achẹrẹ ovivi, ore ọnịrị ondaadu. Kụ́ ịrẹta chire ẹkara ọnị ụ sị igooru mẹ hi ẹtẹ.

Ireevi 8:8

Imosiisi ộ rẹ sị okurachị dị ọ và a ku ọ ịrachị nị ịsị e siī si iruvo ịrẹyị ana aā hị́ urimi ọnịrị itumini vị ọnị ọ kụ hi ini okurachị ọnọọ.

1 Ịsamụwẹrị 28:5

Ịsọọrụ mè re isoja Anihwirisiti, angwa ee hí ọ, ẹngụ anị ọ sị sụ ẹgahị.

1 Ịsamụwẹrị 28:15

Dị Ịsamụwẹrị hị́ Ịsọọrụ dị ọ ka, “sị ẹ vẹ dị wẹ̀ yị navọ mị hẹẹ dị ụ sị mị jịnẹ aa vẹ?” Dị Ịsọọrụ ka, “Ộ kata mị ẹngụ ẹtẹẹtẹrẹ booro aanị. Anihwirisiti nịnị ee pè emi kụ̀ ịrẹkụ, dị Ohomorihi ọ sị và ịrẹma amị. Màa kụkụ họ̀ Ohomorihi use ịrẹyị, ọ yị kụkụ tụ́ ọnịsẹ hi mi. Ọ yị rẹ pe mi kà ịrẹyị ịnị ụra. Agụvị avọọ mị va hị́ Ịsamụwẹrị ka wa kà a yị mị ịsị a vọrọ ka ma mẹ nị.”

2 Ịsamụwẹrị 22:42

Eyee nowu, ama e yi re ọza ba wa owu. Ê nowu na za Ẹnẹyịmavara ama ọnị o yi tụ́ wa ohi.

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Imika 3:7

Ụhị ọ vaa nyị ẹwụ nịnị ene eē re ẹtẹ nị. Mị ka ụhị vaa nyị wụ nịnị agụvị ka Ohomorihi ọ yị kụkụ vaa sị ịrẹyịị zụ̀ wụ nịnị.